चिकन लव्हर्ससाठी खास! घरी बनवा रेस्टाॅरंट स्टाईल Butter Chicken; लज्जतदार चवीने सर्वच होतील खुश

Dinner Recipe: नाॅनव्हेज लव्हर्ससाठी खास, आता घरीच बनवा चविष्ट आणि क्रीमी बटर चिकन. चव अशी की सर्वच बोटं चाटत राहतील. हा भारताचा एक लोकप्रिय पदार्थ आहे, ज्याची चव लहानांपासून मोठ्यांपर्यंत सर्वांनाच फार आवडते.

नाॅनव्हेज लव्हर्ससाठी चिकन म्हणजे पर्वणीच. यापासून अनेक चवदार असे पदार्थ बनवले जातात. यातीलच एक लोकप्रिय प्रकार म्हणजे बटर चिकन. भारताच्या फेमस पदार्थांमध्ये या पदार्थाचा आवर्जून समावेश केला जातो. गरमा गरम नान किंवा भातासोबत क्रीमी मसालेदार बटर चिकन फार अप्रतिम लागतो. तुम्ही ही पदार्थ बहुतेकदा रेस्टाॅरंटमध्ये खाल्ला असेल मात्र आज आम्ही तुम्हाला याची सोपी रेसिपी सांगणार आहोत, याच्या मदतीने तुम्ही घरीच टेस्टी बटर चिकन बनवू शकता.

बटर चिकन बनवण्याची प्रक्रिया फार सोपी आहे आणि याची चव सर्व मेहनत सार्थकी लावण्यास मदत करते. तुम्ही नाॅनव्हेज लव्हर्स असाल तर तुमच्या विकेंडसाठी ही एक परफेक्ट रेसिपी आहे. बटर चिकनची खासियत म्हणजे यात वापरले जाणरे मसाले आणि त्यांचे योग्य प्रमाण… चला तर मग यासाठी लागणारे साहित्य आणि कृती जाणून घेऊया.

कच्च्या कैरीपासून बनवा आंबटगोड चवीचा चटपटीत मेथांबा! जेवणात येईल मस्त चव, नोट करून घ्या रेसिपी

साहित्य

• चिकन: 500 ग्रॅम (बोनलेस, लहान तुकडे कापून)
• दही: 1 कप
• लसूण पेस्ट: 1 टेबलस्पून
• आले पेस्ट: 1 टेबलस्पून
• काश्मिरी लाल मिरची पावडर: 1 टीस्पून
• धनिया पावडर: 1 टेबलस्पून
• गरम मसाला पावडर: 1 टीस्पून
• मीठ: चवीनुसार
• बटर
• कांदा: 2 मोठा (बारीक चिरलेला)
• टोमॅटो : 4 मोठे (बारीक कुटलेले)
• काजू पेस्ट: 2 चमचे
• ताजी मलई: 1/2 कप
• हिरवी मिरची : 2 (बारीक चिरून)
• ताजी कोथिंबीर: गार्निशसाठी

बटाट्याऐवजी, यावेळी बेसन-रव्यापासून बनवा कुरकुरीत टिक्की, लगेच नोट करा रेसिपी

कृती

• बटर चिकन बनवण्यासाठी सर्वप्रथम चिकनला पाण्याने स्वच्छ धुवा
• आता एका भांड्यात चिकनचे तुकडे टाकून त्यात दही, लसूण पेस्ट, आले पेस्ट, काशिमिरी तिखट, धने पावडर, गरम मसाला आणि मीठ घाला
• सर्व साहित्य नीट मिक्स करा आणि चिकन 2 तास मॅरिनेट होण्यासाठी फ्रीजमध्ये ठेवून द्या
• दोन तासांनंतर चिकनला एका पॅनमध्ये ग्रील करुन घ्या
• आता एका कढईत बटर टाकून त्यात चिरलेला कांदा सोनेरी रंग येईपर्यंत परतून घ्या
• नंतर यात चिरलेला टोमॅटो घालून शिजवून घ्या, तेल वेगळे होऊ लागले की, त्यात काजू पेस्ट घालून मिक्स करा
• ग्रेव्ही थंड होऊ द्या आणि मग ब्लेंडरमध्ये याची पेस्ट करुन घ्या
• आता पुन्हा कढईत बटर गरम करुन त्यात मिक्सरमध्ये वाटलेली पेस्ट टाका
• यानंतर यात फ्रेश क्रिम, हिरवी मिरची आणि मीठ घालून ग्रेव्ही 5-7 मिनिटे छान शिजवून घ्या
• शेवटी यात ग्रील केलेले चिकनचे तुकडे आणि चिरलेली कोथिंबीर घाला
• झाकण ठेवून मंद आचेवर चिकन शिजवत ठेवा आणि मग गॅस बंद करा
• अशाप्रकारे तुमचे मसालेदार आणि क्रीमी बटर चिकन तयार होईल
• गरमा गरम बटर चिकन नान, भाकरी अथवा भातासह खाण्यासाठी सर्व्ह करा