चमचमीत खायची इच्छा होतेय? मग रात्रीच्या जेवणाला बनवा मसालेदार दही छोले; पाहूनच तोंडाला पाणी सुटेल

Dahi Chole Recipe: छोले भाजी तर तुम्ही खाल्लीच असेल मात्र कधी दही छोले ट्राय केले आहेत का? ही चविष्ट रेसिपी फार झटपट तयार होते आणि चवीलाही फार अप्रतिम लागते. नोट करा याची सोपी रेसिपी.

दररोज काय जेवण बनवायचं… हा गृहिणींना पडणारा रोजचा प्रश्न आहे. आजकाल तर गृहिणी काम आणि घर दोन्ही सांभाळतात. अशात महिला वर्ग नेहमीच काहीतरी चविष्ट पण झटपट तयार होणाऱ्या रेसिपीजच्या शोधात असतात. म्हणूनच आज आम्ही तुमच्यासाठी एक अशीच रेसिपी घेऊन आलो आहोत जी चवीला तर अप्रतिम लागतेच शिवाय कमी वेळातच बनून तयार होते. आजच्या आपल्या रेसिपीचे नाव आहे दही छोले.

छोलेची मसालेदार भाजी ते तुम्ही अनेकदा खाल्ली असेल तर मात्र तुम्ही कधी दही छोले खाल्ले आहेत का? नसेल तर आता ही रेसिपी ट्राय करून पहा. छोलेच्या भाजीत दही टाकताच त्याची चव वाढते आणि क्रिमी मसालेदार चव चाखता येते. रात्रीच्या जेवणासाठी ही एक परफेक्ट रेसिपी आहे. तेच तेच खाऊन कंटाळा आला असेल आणि काहीतरी नवीन खायचे असेल तर एकदा ही रेसिपी बनवून पाहाच. चला तर मग जाणून घेऊया यासाठी लागणारे साहित्य आणि कृती.

Soya Pulao Recipe: रात्रीच्या जेवणासाठी घरी बनवा गरमा गरम सोया पुलाव; नोट करा सोपी रेसिपी

साहित्य

• 1 कप छोले
• 3-4 टेबलस्पून दही
• 7-8 काजू
• 1 टीस्पून आले-लसूण पेस्ट
• 1 टीस्पून हळद
• 1 टीस्पून लाल मिरची पावडर
• 1 टीस्पून धणे पावडर
• 1 टीस्पून जिरे पावडर
• मीठ, चवीनुसार
• 2 टेबलस्पून तेल
• 1 टीस्पून जिरे
• 1 टीस्पून कसुरी मेथी
• चिरलेला कांदा
• ताजी धणे
• चिरलेला टोमॅटो
• गरम मसाला

See more

Raw Banana Chutney: कच्च्या केळीपासून बनवा चविष्ट अन् पौष्टिक चटणी; चव अशी बोटं चाटत रहाल 

कृती

• दही छोले बनवण्यासाठी सर्वप्रथम छोले 7-8 तास पाण्यात भिजत ठेवा
• यानंतर छोले कुकरमध्ये टाका, यात आवश्यकतेनुसार पाणी टाका आणि 3-4 शिट्ट्या घ्या
• आता मिक्सरच्या भांड्यात दही, काजू, आले-लसूण पेस्ट, हिरव्या मिरच्या, हळद, लाल तिखट, धणे पावडर आणि
• जिरे पावडर एकत्र करा आणि पेस्ट बनवा
• आता गॅसवर एक कढई ठेवा आणि यात तेल टाका
• तेल गरम झाले की मग यात जिरे आणि कसुरी मेथी घाला आणि परता
• आता यात चिरलेला टोमॅटोची घाला आणि काहीवेळ शिजवा
• यानंतर यात यात दह्याची पेस्ट घाला आणि काही मिनिटे परतून घ्या
• मग यात उकडलेले छोले घाला आणि साहित्यात छान मिक्स करा
• शेवटी यात मीठ आणि चिरलेली कोथिंबीर घाला, झाकण ठेवून भाजी काही मिनिटे शिजवून घ्या आणि मग गॅस बंद करा
• तयार दही छोले भात अथवा चापतीसह खाण्यासाठी सर्व्ह करा