बेसनपासून तयार होणारी सर्वात चविष्ट मिठाई ‘मोहनथाळ’ आता घरीच बनवा; नोट करा रेसिपी

Mohanthal Recipe: जेवणानंतर काही गोड खाण्याची इच्छा होतेय...? मग आता बाहेरचे गोड पदार्थ सोडा आणि घरीच बनवा तोंडात विरघळणारी मोहनथाळ. हा एक मिठाईचा पदार्थ आहे जी बेसन, साखर आणि तुपापासून तयार केला जातो.

रात्रीच्या जेवणांनंतर अनेकदा आपल्याला काहीतरी गोड खणायची इच्छा होते. अनेकांना जेवणानंतर गोड पदार्थ खाण्याची क्रेविंग होत असते. या गोड क्रेविंगला संतुष्ट करण्यासाठी आज आम्ही एक साधी, सोपी आणि चविष्ट अशी मिठाईची रेसिपी घेऊन आलो आहोत. आजच्या आपल्या रेसिपीचे नाव आहे मोहनथाळ. हा एक पारंपारिक भारतीय गोड पदार्थ आहे. हा पदार्थ अधिकतर गुजरात, राजस्थान या राज्यात प्रसिद्ध आहे. आम्ही तुम्हाला सांगतो की, मोहनथाळ तुम्ही अगदी सहज आणि सोप्या पद्धतीने घरीच बनवू शकता.

ही मिठाई बेसन, तूप आणि साखरेपासून तयार केली जाते. ही मिठाई त्याच्या गोड दाणेदार आणि उत्कृष्ट चवीसाठी ओळखली जाते. सण आणि विशेष प्रसंगी हे तयार केले जाते मात्र तुम्ही एकदाच घरी बनवून हवे तेव्हा याचा आस्वाद घेऊ शकता. मुख्य म्हणजे यासाठी तुम्हाला अतिरिक्त साहित्य अथवा वेळेचीही गरज भासणार नाही. तुम्ही अगदी कमी वेळेत झटपट ही रेसिपी तयार करू शकता. चला तर मग जाणून घेऊया यासाठी लागणारे साहित्य आणि कृती.

Masala Pav: स्ट्रीट फूड लव्हर्ससाठी खास 15 मिनिटांची रेसिपी, पाहता क्षणी तोंडाला पाणी सुटेल

साहित्य

• बेसन – 2 वाट्या
• तूप -1 वाटी
• साखर – 1.5 कप
• पाणी – 1/2 कप
• दूध – 1/4 कप
• वेलची पावडर – १/२ टीस्पून
• बदाम आणि पिस्ता – गार्निशिंगसाठी

Mahashivratri 2025: रबरासारखी चिकट बनतेय साबुदाणा खिचडी? मग या टिप्स फॉलो करा; खिचडी बनेल मोकळी अन् चविष्ट

कृती

• मोहनथाळ तयार करण्यासाठी सर्वप्रथम एका मोठ्या भांड्यात बेसनपीठ घ्या
• यानंतर यात तीन चमचे तूप आणि तीन चमचे तूप घाला आणि मिक्स करा
• आता हे मिश्रण झाकण ठेवून काहीवेळ झाकून ठेवा
• उरलेले तूप एका मोठया कढईत गरम करा
• तूप गरम झाले की यात झाकून ठेवलेले बेसनाचे मिश्रण घाला आणि व्यवस्थित मिक्स करा
• बेसन सतत ढवळत रहा जेणेकरून ते जळणार नाही
• आता एका वेगळ्या पॅनमध्ये साखर आणि पाणी घालून मध्यम आचेवर गरम करा
• साखर विरघळत नाही तोपर्यंत उकळवा, पाक एका स्थिर रूपात येईपर्यंत आणि हलके घट्ट होईपर्यंत त्याला शिजवत ठेवा
• आता यात वेलची पूड घालून मिक्स करा
• बेसनाच्या मिश्रणात साखरेचा पाक टाका आणि मिक्स करा
• यानंतर मिश्रण घट्ट होईपर्यंत ढवळत रहा आणि मग गॅस बंद करा
• एक प्लेट अथवा ट्रे घ्या आणि त्याला तुपाने ग्रीस करा
• आता यावर बेसनाचे शिजवलेले मिश्रण एकसमान पसरवा
• शेवटी यावर ड्रायफ्रुट्सचे तुकडे घालून सजवा आणि चाकूच्या मदतीने याचे काप करा
• तयार मोहनथाळ खाण्यासाठी तयार आहे