Quick Recipe: नाश्त्याची रंगत वाढावा! घरी बनवा हेल्दी आणि टेस्टी पालक कबाब

पावसाळ्याच्या थंड वातावरणात नेहमीच काहीतरी नवीन आणि टेस्टी खाण्याची इच्छा होत असते. तसेच संध्याकाळ झाली की आपल्याला हलकी हलकी भूक लागू लागते. यांवर उपाय म्हणून आज आम्ही तुमच्यासोबत एक टेस्टी आणि झटपट अशी नाश्त्याची रेसिपी शेअर करत आहोत. ही रेसिपी चवीबरोबरच आरोग्यासाठीही फायदेशीर आहे.

सध्या पावसाळा ऋतू सुरु आहे. या ऋतूत नेहमीच काहीतरी चटपटीत आणि गरमा गरम खाण्याची इच्छा होत असते. त्यातही संध्याकाळ झाली की आपल्याला हलकी हलकी भूक लागायला सुरुवात होते. अशावेळी आता नवीन काय बनवावे? असा प्रश्न गृहिणींच्या मनात येत असतो. आजच अशाच संध्याकाळची रंगत द्विगुणित करण्यासाठी आम्ही तुमच्यासोबत एक झटपट आणि टेस्टी रेसिपी शेअर करत आहोत.

आजच्या आपल्या रेसिपीची नाव आहे पालक कबाब. हा पदार्थ तुम्ही अनेकदा हॉटेलमध्ये खाल्ला असावा मात्र तुम्ही हा पदार्थ अगदी सोप्या पद्धतीने आणि काही मिनिटांतच घरीदेखील तयार करू शकता. चहासोबत तर हे कबाब फारच रुचकर लागतात. तसेच यात पालक असल्याकारणाने हे आरोग्यासाठीही फायद्याचे ठरतात. चला तर मग अशा टेस्टी आणि हेल्दी रेसिपीसाठी लागणारे साहित्य आणि याची कृती जाणून घेऊयात.

हेदेखील वाचा – बाप्पाच्या प्रसादासाठी वाटीभर रव्यापासून बनवा मऊसूत गोड बर्फी, जाणून घ्या सोपी रेसिपी

साहित्य

• पालक
• कोथिंबीर
• बेसन
• दही
• काजू
• जिरे पावडर
• ओवा
• हिंग
• तेल
• मीठ

हेदेखील वाचा – गौरीगणपतीला नैवेद्यासाठी आवर्जून बनवा भोपळ्याची चटपटीत भाजी, नोट करा विदर्भ स्टाईल रेसिपी

कृती

• पालक कबाब बनवण्यासाठी सर्वप्रथम भाजेलेले काजू भाजून कापून एका बाऊलमध्ये घ्या
• मग यात जिरे पावडर, हिंग आणि कोथिंबीर टाकून मिक्स करा
• यानंतर आता गॅसवर एक पॅन ठेवा आणि यात तेल टाका
• तेल गरम झाले की यात हिंग, जिरे आणि ओवा टाका आणि परतून घ्या
• नंतर यात चिरलेले पालक टाकून व्यवस्थित एकजीव करून घ्या
• पालक शिजल्यानंतर एका ब्लाऊलमध्ये काढून घ्या
• आता पालकमध्ये दोन चमचे दही, बेसन आणि चवीनुसार मीठ टाका आणि मिक्स करा
• नंतर यातील थोडे मिश्रण हातावर घेऊन याचा गोळा बनवा. हे आता हाताने हलके दावा आणि त्यात मधोमध तयार केलेले स्टफिंग ठेवा
• यानंतर पुन्हा याचा एक गोळा तयार करा आणि याला थोडे दाबून कबाबप्रमाणे आकरा द्या
• कबाब खूप जास्त चपटे करू नका, अन्यथा त्यातील स्टफिंग बाहेर निघेल
• यानंतर पुन्हा गॅसवर एक पॅन ठेऊन त्यात तेल टाका
• मग तयार कबाब एक एक करून पॅनवर ठेवा आणि यांना फ्राय करून घ्या
• दोन्ही बाजूंनी छान शिजल्यानंतर यांना एका प्लेटीमध्ये काढा
• हे कबाब तुम्ही सॉससोबत खाण्यासाठी सर्व्ह करू शकता