साखरेचा वापर न करता नैवेद्यासाठी बनवा घट्टसर शेवयांची खीर, गुळामुळे वाढेल पदार्थाची खमंग चव

आज आम्ही तुम्हाला गुळाचा वापर करून शेवयांची खीर बनवण्याची सोपी रेसिपी सांगणार आहोत. या पद्धतीने बनवलेली शेवयांची खीर घरातील प्रत्येक व्यक्तीला खूप जास्त आवडेल.

जेवणाच्या ताटात प्रत्येकाला काहींना काही गोड पदार्थ खाण्यास हवा असतो. मिठाई, शेवयांची खीर, बासुंदी, गुलाबजाम इत्यादी ठराविक पदार्थ कायमच बनवले जातात. पण वारंवार साखरेचा वापर करून बनवलेले गोड पदार्थ खाल्ल्यास शरीराला हानी पोहचण्याची जास्त शक्यता असते. सतत गोड पदार्थ खाल्ल्यामुळे रक्तातील साखरेचे प्रमाण वाढते आणि शरीरात असंख्य बदक जाणवू लागतात. म्हणूनच आज आम्ही तुम्हाला गुळाचा वापर करून शेवयांची खीर बनवण्याची सोपी रेसिपी सांगणार आहोत. मधुमेह किंवा आरोग्यासंबंधित कोणत्याहीसमस्यांनी त्रस्त असलेल्या लोकांनी गूळ फायदेशीर ठरते. गूळ खाल्ल्यामुळे रक्तातील साखरेचे प्रमाण संतुलित राहते आणि शरीराला अजिबात हानी पोहचत नाही. गुळामध्ये लोह, कॅल्शियम, मॅग्नेशियम इत्यादी अनेक घटक आढळून येतात. त्यामुळे शरीरात निर्माण झालेली पोषणाची कमतरता भरून काढण्यासाठी गूळ खावे. चला तर जाणून घेऊया गुळाची खीर बनवण्याची सोपी रेसिपी.(फोटो सौजन्य – pinterest)

पाहुण्यांच्या स्वागतासाठी मिक्स भाज्यांपासून झटपट बनवा कुरकुरीत भाज्यांचे पॉप्स, घरातील प्रत्येकाला नक्कीच आवडेल पदार्थ

साहित्य:

• शेवयांची खीर
• गूळ
• सुका मेवा
• तूप
• मनुका
• केशर
• वेलची पावडर
• दूध

घरी आलेल्या पाहुण्यांसाठी झटपट घरी बनवा कुरकुरीत ‘मिनी सामोसा’, दिसायलाच नाही तर चवीलाही लागतात मजेदार

कृती:

• शेवयांची खीर बनवण्यासाठी सर्वप्रथम, कढईमध्ये तूप गरम करून घ्या. गरम तुपात बारीक केलेली शेवया टाकून लालसर होईपर्यंत भाजा.
• त्यानंतर शेवया काढून त्यात सुका मेवा भाजा. मनुके सुद्धा तुपावर भाजून घ्या.
• कढईमध्ये तूप घालून त्यात पुन्हा एकदा शेवया टाकून हलक्या मिक्स करा आणि वाटीभर दूध घालून मिक्स करा.
• खीर बनवताना आवश्यकतेनुसार दूध टाकवे आणि उकळी काढून घ्यावी. शेवया शिजल्यानंतर त्यात किसून घेतलेला गूळ घालावा.
• गूळ पूर्णपणे शेवयांमध्ये मिक्स झाल्यानंतर त्यात बारीक केलेली वेलची पावडर, केशर काड्या आणि भाजलेला सुका मेवा घालून व्यवस्थित मिक्स करा.
• तयार आहे सोप्या पद्धतीमध्ये बनवलेली गुळाची घट्टसर खीर.