उपवासाच्या दिवशी झटपट बनवा मखाण्याचा चिवडा, चवीला अप्रतिम अन् आरोग्यासाठी फायदेशीर!

मखाणे अनेक जीवसत्वांचा उत्तम स्रोत आहे. यात अनेक पोषक घटक आढळली जातात. उपवासात माखण्यांचे सेवन अधिकतर केले जाते. या उपवासाला तुम्हालाही काही चटपटीत खावेसे वाटत असेल तर तुम्ही पौष्टिक मखाण्याचा चिवडा बनवून त्याचा आस्वाद घेऊ शकता. काही मिनिटांतच ही रेसिपी बनून तयार होते.

Follow Us:

Follow Us:

श्रावण महिना सुरु झाला आहे. या महिन्यात अनेकजण देवाचे नामस्मरण करत व्रत करत असतात. या महिन्यात केलेल्या व्रताने प्रसन्न होऊन देव आपल्या मनोइच्छा पूर्ण होतात, अशी मान्यता आहे. उपवास असला की, तेच तेच उपवासाचे पदार्थ आठवू लागतात जसे की, साबुदाणा खिचडी, बटाटयाची उसळ… मात्र तुम्हालाही हे बोरिंग पदार्थ खाऊन कंटाळा आला असेल आणि काहीतरी टेस्टी आणि नवीन काही खावेसे वाटत असेल तर आजची ही रेसिपी तुमच्या फायद्याची ठरणार आहे.

संध्याकाळी अनेकदा हलकी हलकी भूक लागते. अशात तळणीचे पदार्थ अधिकतर आठवतात. मात्र जर तुम्ही उपवास करत असाल आणि तुम्हाला काही हेल्दी खायचे असेल तर तुम्ही घरी अगदी कमी वेळेत पौष्टिक मखाण्याचा चिवडा तयार करू शकता. हा चिवडा चवीबरोबरच आरोग्यसाठीही फायद्याचा ठरतो. मखाण्यामध्ये अनेक जीवनसत्त्वे, खनिजे, कॅल्शियम, मॅग्नेशियम, लोह आणि फॉस्फरसदेखील मुबलक प्रमाणात असतात. ज्यामुळे अनेक आजरांपासून दूर राहता येते. जाणून घ्या यासाठी हा चिवडा तयार करण्यासाठी लागणारे साहित्य आणि कृती.

हेदेखील वाचा – श्रावणी सोमवाराला बनवून पहा चवदार गूळ मखाणे, फक्त 5 मिनिटांतच तयार होईल रेसिपी

साहित्य

• 3 कप मखाने
• 5 चमचे तूप
• 2 कप शेंगदाणे
• मीठ चवीनुसार

कृती

• मखाण्याचा चिवडा तयार करण्यासाठी सर्वप्रथम गॅसवर एक कढई ठेवा
• यानंतर यात तूप टाका
• मग यात मखाणे टाकून मध्यम आचेवर हे मखाणे परतून घ्या
• मखाणे भाजून झाले की एका ताटात काढून घ्या
• यानंतर याच कढईत शेंगदाणे भाजून घ्या
• शेंगदाणे भाज्यानंतर पुन्हा कढईत मखाणे घाला
• आता यात चवीनुसार मीठ टाका आणि मिक्स करा
• हे मिश्रण व्यवस्थित परतल्यानंतर गॅस बंद करा
• अशाप्रकारे तुमचा मखाण्याचा चिवडा तयार होईल
• कुटुंबासोबत या चिवड्याचा आस्वाद घ्या

Web Title: Upvas special healthy makhana chivda recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com