Summer Drink Recipe: उन्हाळ्यात उष्णता कमी करून शरीराला थंड करेल ‘हे’ समर ड्रिंक, लठ्ठपणाची समस्याही होईल दूर

थंडा थंडा-कूल कूल! उन्हाळयाच्या या उष्ण वातावरणात आपल्या शरीरात डिहायड्रेशनची समस्या जाणवते, ज्यासाठी पाण्याचे सेवन महत्त्वाचे आहे. चिया सीड्स आणि गोंड कटिरापासून (डिंक) तयार केलेले समर ड्रिंक आरोग्यासाठी फायदेशीर ठरते.

उन्हाळ्याने आपला प्रकोप दाखवायला सुरुवात केली आहे. उष्ण हवामान आणि कडक उन्हामुळे लोक डिहायड्रेशनला बळी पडत आहेत. अशा परिस्थितीत, उष्णतेपासून बचाव करण्यासाठी, भरपूर पाणी पिणे महत्वाचे आहे. तसेच, तुमच्या आहारात काही हेल्दी समर ड्रिंक्सचा समावेश करा, जे तुमचे शरीर हायड्रेटेड ठेवतील. समर ड्रिंक्स अनेक प्रकारे बनवले जाते मात्र आज आम्ही तुम्हाला चिया सीड्स आणि गोंड कटिरापासून तयार होणारे एक समर ड्रिंक सांगणार आहोत जे शरीराला थंड करण्यासोबतच तुमच्या आरोग्याच्या समस्याही दूर करेल. गोंड कटिरा हा एक डिंकाचा प्रकार आहे, बाजारात तुम्हाला तो सहज उपलब्ध होईल.

१० मिनिटांमध्ये सकाळच्या नाश्त्यासाठी बनवा मऊ लुसलुशीत घावणे, नोट करून घ्या सिंपल रेसिपी

हे ड्रिंक प्यायल्याने तुम्ही दिवसभर उर्जेने भरलेले राहालच पण तुमचे वाढते वजनही कमी होईल. सर्वात चांगली गोष्ट म्हणजे, हे ड्रिंक तयार करण्यासाठी फार वेळ लागत नाही आणि झटपट ते बनून तयार होते. चला तर मग जाणून घेऊया चिया बिया आणि गोंड कटिरा यांचे हे पेय कसे बनवायचे लागणारे साहित्य आणि कृती.

साहित्य

• एक चमचा चिया सीड्स
• अर्धा चमचा गोंड कटिर
• दोन ग्लास पाणी
• काही बर्फाचे तुकडे
• एक चमचा लिंबाचा रस
• चवीनुसार काळे मीठ
• अर्धा चमचा भाजलेले जिरे
• चिमूटभर काळी मिरी पावडर

Viral Recipe: जवसाची चटणी खमंग होत नाही? मग हा पदार्थ घालून बघा, पाहता क्षणीच तोंडाला पाणी सुटेल

कृती

• चिया सीड्स आणि गोंड कटिरा ड्रिंक तयार करण्यासाठी, सर्वप्रथम एक चमचा चिया सीड्स आणि अर्धा चमचा
• गोंड कटिरा वेगवेगळ्या ग्लासमध्ये रात्रभर भिजत ठेवा
• दुसऱ्या दिवशी सकाळी, गोंड कटिरा आणि चिया बियाणे पाण्यातून गाळून घ्या आणि चांगले मिसळा. आता तुम्ही
• ज्या पाण्यात गोंड कटिरा आणि चिया बियाणे भिजवले होते त्या पाण्यात मिसळून चांगले ढवळा
• आता त्यात काही बर्फाचे तुकडे, एक चमचा लिंबाचा रस, चवीनुसार काळे मीठ, अर्धा चमचा भाजलेले जिरे आणि
• चिमूटभर काळी मिरी पावडर घाला आणि पुन्हा चांगले मिसळा
• अशाप्रकारे तुमचे हेल्दी आणि टेस्टी असे समर ड्रिंक तयार आहे
• सकाळी रिकाम्या पोटी याचे सेवन करा

फायदे

• गोंड कटिरा आणि चिया बियाणे दोन्ही आरोग्यासाठी अत्यंत फायदेशीर आहेत. गोंड कटिरा शरीराला थंड ठेवण्यास मदत करते
• शिवाय याचे सेवन पचन सुधारण्यास आणि त्वचेशी संबंधित समस्यांमध्ये मदत करते
• तसेच चिया बियांमध्ये ओमेगा-३, फायबर आणि अँटीऑक्सिडंट्स भरपूर असतात, जे वजन कमी करण्यासाठी आणि हृदयाच्या आरोग्यासाठी फायदेशीर ठरतात