Viral Recipe: जवसाची चटणी खमंग होत नाही? मग हा पदार्थ घालून बघा, पाहता क्षणीच तोंडाला पाणी सुटेल

Flax Seed Chutney Recipe: अतिशय गुणकारी अशी जवसाची चटणी पारंपरिक पद्धतीने कशी तयार करायची ते जाणून घ्या. ही चटणी तुम्ही अनेक महिने साठवून ठेवू शकता. जवसाची चटणी आरोग्याला फायदेशीर ठरते शिवाय जेवणाची चवही वाढवते.

(फोटो सौजन्य – Pinterest)

Follow Us:

Follow Us:

महाराष्ट्रीयन खाद्यसंस्कृती ही विविधतेने नटलेली आहे. यात तुम्हाला अनेक वेगवेगळ्या पदार्थांचा समावेश दिसून येईल. अहो, जिथे चटण्याच दहा प्रकारच्या बनवल्या जातात तिथे भाज्या आणि इतर गोष्टी किती असतील याचा विचार करा. आज आम्ही तुम्हाला या लेखात अशाच एक पारंपरिक आणि चविष्ट पदार्थाची रेसिपी सांगणार आहोत, जी तुम्ही महिनोंमहिने साठवून ठेवू शकता. या रेसिपीचे नाव आहे जवसाची चटणी.

चिकन कोरमा तर बऱ्याचदा खाल्ला असेल पण कधी फणसाचा कोरमा खाल्ला आहे का? जाणून घ्या रेसिपी

जवस ज्याला इंग्रजीत फ्लॅक्स सीड म्हटले जाते, यापासून तुम्ही खमंग आणि चविष्ट अशी चटणी तयार करू शकता. ही चटणी चवीला फार अप्रतिम लागते आणि झटपट बनून तयारही होते. अनेकांना परफेक्ट जवसाची चटणी तयार करता येत नाही. अशात सध्या सोशल मीडियावर याची एक अप्रतिम रेसिपी शेअर झाली आहे जी आपण आज लेखातून जाणून घेणार आहोत. ही चटणी तुमच्या जेवणाची चव आणखीनच वाढवेल. चला तर जाणून घेऊया यासाठी लागणारे साहित्य आणि कृती.

साहित्य

• जवस १ वाटी खोबऱ्याचा किस
• अर्धी वाटी १५ ते २० लसूण पाकळ्या
• १ टीस्पून जिरे
• दिड ते दोन चमचे लाल तिखट
• चवीनुसार मीठ

 

View this post on Instagram

 

A post shared by Aarti Wadagbalkar (@aartiwadagbalkar)

ओव्हनचा वापर न करता लहान मुलांसाठी झटपट बनवा चीज पिझ्झा, उन्हाळ्याची सुट्टी होईल आणखीनच स्पेशल

कृती

• जवसाची चटणी तयार करण्यासाठी सर्वप्रथम गॅसवर एक कढई ठेवा आणि जवस अगदी मंद आचेवर चांगले खमंग भाजून घ्या
• जवस भाजत असताना गॅसची फ्लेम कमी ठेवा अन्यथा ते जळू शकतात
• यानंतर भाजून घेतलेले जवस एका ताटात काढून घ्या
• आता त्याच कढईमध्ये खोबऱ्याचा किस छान सोनेरी होईपर्यंत भाजून घ्या
• याचवेळी कढईमध्ये जिरे घाला आणि ते ही खमंग भाजून घ्या
• यानंतर भाजून घेतलेले जवस, खोबरे, जिरे थंड झाले की ते मिक्सरच्या भांड्यात घाला
• याचवेळी त्यामध्ये सोललेल्या लसूण पाकळ्या, चवीनुसार मीठ आणि दिड ते दोन टेबलस्पून लाल तिखट घाला आणि मिक्सरमध्ये छान वाटून घ्या
• अशाप्रकारे तुमची जवसाची चटणी तयार आहे, एका बरणीत भरून चटणीला साठवा आणि हवे तेव्हा खाण्यासाठी सर्व्ह करा
• जवसाच्या चटणीची ही रेसिपी @aartiwadagbalkar नावाच्या इंस्टाग्राम अकाऊंटवरून शेअर करण्यात आली आहे

Web Title: How to make flax seed chutney at home viral is recipe on social media

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com