कडुलिंब-तुळशीही यापुढे फेल… या हिरव्या पाल्यात दडलेत औषधी गुणधर्म, यकृतात अडकलेली सर्व घाण-विषारी पदार्थ काढेल बाहेर

Liver Detoxification : स्मरणशक्ती वाढवण्यासाठी, हार्मोन्स संतुलित करण्यासाठी तसेच शरीर आतून स्वछ करण्यासाठी या हिरव्या पानांचा वापर केला जातो. आयुर्वेदात याला विशेष महत्त्व देण्यात आले आहे.

• कडुलिंब-तुळशीहुन कित्येक पटींनी फायदेशीर ठरतात ब्राह्मीची पाने
• शरीर स्वछ करण्यापासून ते मेंदूचे आरोग्य सुधारण्यापर्यंत याचे शरीराला अनेक फायदे होतात
• ब्राह्मीच्या पानांचा आहारात कसा समावेश करावा ते जाणून घेऊया

आपले शरीर जसे बाहेरुन स्वच्छ असते, त्याचप्रमाणे आतूनही त्याची स्वच्छता राखणे फार महत्त्वाचे ठरते. अनेक विषारी घटक आपल्या शरीरात साठून राहतात ज्याचा आपल्या शरीरावर पुढे जाऊन विपरीत परीणाम होऊ शकतो. शरीरातील विषारी पदार्थ बाहेर काढून टाकण्याचे कार्य यकृताचे असते. पण बऱ्याचदा काही विषारी घटक यातून बाहेर पडत नाही ज्यामुळे यकृताचे आरोग्य खराब होऊ शकते. आपले यकृत नैसर्गिकरित्या स्वच्छ करण्यासाठी तुम्ही आयुर्वेदातील सर्वात शक्तीशाली वनस्पती ब्राह्मीची मदत घऊ शकता. बहुतेक लोक फक्त तुळशी किंवा कडुलिंबाला सर्वश्रेष्ठ मानतात पण तुम्हाला माहिती आहे का? याहून कित्येत पटींनी पाॅवरफुल ब्राह्मीची पाने आहेत.

थंडीच्या दिवसांमध्ये अंगाला सतत खाज येते? मग ‘या’ पदार्थांच्या वापरामुळे त्वचेच्या समस्या होतील कायमच्या दूर, त्वचा राहील स्वच्छ

पोषणतज्ञ राजमणी पटेल यांच्या मते , आयुर्वेदात ब्राह्मीला एक औषधी वनस्पती मानले जाते जी मेंदूला तीक्ष्ण करण्यास, शरीराला हलके करण्यास आणि मन शांत करण्यास मदत करते. हे एक औषधी पान आहे ज्याचा वापर स्मरणशक्ती सुधारण्यासाठी, ताण कमी करण्यासाठी, हार्मोन्स संतुलित करण्यासाठी आणि यकृताला विषमुक्त करण्यासाठी केला जाऊ शकतो. पोषणतज्ञांनी स्पष्ट केले आहे की दररोज योग्य पद्धतीने आणि योग्य प्रमाणात ब्राह्मी घेतल्याने अनेक आरोग्य समस्यांपासून आराम मिळू शकतो. चला ब्राह्मीचे फायदे काय आणि त्याचा वापर कसा करावा ते जाणून घेऊया.

ब्राह्मीचे फायदे

मेंदूचे आरोग्य सुधारते

ब्राह्मीचे सेवन स्मरणशक्ती सुधारण्यास आणि शिकण्याची क्षमता वाढवण्यास मदत करते. हे लक्ष केंद्रित करण्यास आणि माहितीवर प्रक्रिया करण्याची गती वाढविण्यात मदत करते.

शरीर स्वच्छ करते

ब्राम्हीचे सेवन शरीरातील विषारी घटक बाहेर काढण्यास आणि शरीराला आतून स्वच्छ करण्यास प्रभावी ठरते. ते थकवा आणि जडपणा कमी करते. यातील अँटीऑक्सिडंट रोगप्रतिकारक शक्ती वाढविण्यासही मदत करतात.

हार्मोन्स संतुलित करते

ब्राह्मीतील नैसर्गिक गुणधर्म हार्मोन्स संतुलित करण्यास मदत करतात. ते ताण कमी करते आणि स्ट्रेस हार्माेन्सचे रेगुलेशन करते. यामुळे मासिक पाळीतील अनियमितता, मूड स्विंग आणि थकवा असलेल्या महिलांना याची बरीच मदत होते. नियमित सेवनाने हार्मोनल आरोग्य सुधारते.

Superfoods For Diabetes: औषधांवर नका उधळू पैसे, शुगर नियंत्रणात आणतील 13 गोष्टी; Ayurved मध्ये सांगितली यादी

ब्राह्मीचे सेवन कसे करावे?

ब्राह्मीचे सेवन हर्बल टी, ज्यूस किंवा पावडरच्या स्वरुपात केले जाऊ शकते. ब्राह्मी चहा बनवण्यासाठी, प्रथम एक कप पाणी उकळून त्यात ५-६ ताजी किंवा एक चमचे सुकी पाने टाकून, ते ५-७ मिनिटे उकळवा आणि मग गाळून घ्या. कोमट गरम असतानाच याचे सेवन करा. तुम्ही सकाळी उठल्यावर याचे सेवन करू शकता. ब्राह्मीचा रस तयार करण्यासाठी ताजी पाने धुवून मिक्सरमध्ये त्याचा रस तयार करा आणि गाळून मग याचे सेवन करा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.