गोकर्णाच्या फुलांपासून कसा तयार करायचा फेस सिरम? सुरकुत्यांपासून चेहऱ्यावरील सर्व डाग होतील दूर, फाॅलो करा ही सोपी पद्धत

वाढत्या वयानुसार चेहऱ्यावर सुरकुत्या आणि डाग दिसू लागतात. अशा वेळी महागड्या स्किन केअर उत्पादनांऐवजी गोकर्णाच्या फुलांपासून घरच्या घरी फेस सिरम तयार करण्याचा पर्याय काहीजण वापरतात. मात्र, हा उपाय सुरकुत्या किंवा डाग कमी करतो, याचे ठोस वैज्ञानिक पुरावे मर्यादित आहेत.

• निळ्या गोकर्णाच्या फुलांपासून घरच्या घरी फेस सिरम तयार करता येते.
• हे सिरम बनवण्यासाठी गोकर्णाची फुले, पाणी आणि कोरफडीचा गर वापरला जातो.
• त्वचेवर वापरण्यापूर्वी पॅच टेस्ट करा आणि जळजळ झाल्यास वापर थांबवा.

वयोमानानुसार चेहऱ्यावर सुरकुत्या, डाग येणे ही सामान्य गोष्ट आहे. अनेकजण चेहऱ्यावरील या समस्या दूर करण्यासाठी बाजारातील महागड्या प्रोडक्ट्सची मदत घेतात. पण यातील बऱ्याच प्रोडक्ट्समध्ये रासायनिक घटक मिसळलेले असल्याने त्वचेसाठी ते चांगले ठरत नाहीत. कधीकधी यामुळे चेहरा आणखी खराब होण्याची शक्यता असते. प्रत्येक समस्येसाठी एका नैसर्गिक उपाय हा उपलब्ध असतोच. आज आपण गोकर्णाच्या फुलाचा त्वचेचे आरोग्य सुधारण्यासाठी कसा वापर केला जाऊ शकतो ते जाणून घेणार आहोत.

Hair Care Tips: महिनाभरात होईल केसांची झपाट्याने वाढ! सकाळी उठल्यानंतर नियमित प्या ‘हा’ हिरवा ज्यूस, केस होतील सुंदर

आम्ही तुम्हाला सांगतो की, नीळ्या रंगाचे गोकर्णाचे फूल चेहऱ्याच्या समस्या दूर करण्यासाठी मदतीचे ठरु शकते. यासाठी तुम्हाला काही निवडक घटकांचा वापर करुन घरीच एक भन्नाट फेस सिरम तयार करायचा आहे. गोकर्णामध्ये अँटीऑक्सिडंट्स, पॉलिफेनॉल आणि फ्लॅव्होनॉइड्स असतात, जे त्वचेमध्ये नैसर्गिकरीत्या कोलॅजन आणि इलास्टिन तयार करण्यास प्रोत्साहन देतात. चला गोकर्णाच्या फुलांपासून घरी फेस सिरम कसा तयार करायचा ते जाणून घेऊया.

आवशयक घटक

• ६ ते ८ ताजी किंवा वाळलेली गोकर्णाची फुले
• अर्धा ग्लास पाणी
• १ चमचा कोरफडीचा गर

संपूर्ण शरीरावरील मळ कसा काढायचा? मान, कोपर आणि गुडघ्यांचा काळेपणा दूर करण्याचे सोपे घरगुती उपाय!

बनवण्याची पद्धत

• यासाठी ताजी ७-८ गोकर्णाची फुले घ्या. लक्षात घ्या, वापर करण्याआधी तुम्हाला गोकर्णाच्या फुलांना पाण्याने स्वच्छ धुवायचे आहे.
• एका काचेच्या भांड्यात गोकर्णाची फुले आणि गरम पाणी टाकून १० मिनिटे झाकून ठेवा.
• असे केल्याने फुलांचा नीळा रंग पाण्यात उतरेल.
• पाणी थंड झाले की, कापडाच्या मदतीने किंवा गाळणीने पाणी नीट गाळून घ्या.
• आता या पाण्यात कोरफड जेल मिक्स करा आणि तुमचे फेस सिरम तयार आहे.
• व्हिडिओत व्हिटॅमिन ई कॅप्सूलचाही वापर करण्यात आला परंतु प्रत्येकाच्या त्वचेसाठी हे फायद्याचे ठरत नाही.
• काहींना यामुळे जळजळ किंवा पिगमेंटशनची समस्या जाणवू शकते ज्यामुळे याचा वापर टाळावा.
• तयार सीरम एका स्प्रे बाॅटलमध्ये भरा आणि नियमितपणे याचा आपल्या चेहऱ्यावर वापर करा.