Ganesh Chaturthi 2025 : चांदीच्या भिंती अन् हिऱ्यांनी मडलेले डोळे; अहिल्याबाई होळकरांनी बांधले होते गणेशाचे हे मंदिर

लाल रंगाची मूर्ती, चांदीच्या भिंती व हिऱ्यांचे डोळे यासाठी प्रसिद्ध असलेले खजराना गणेश मंदिर अहिल्याबाई होळकरांनी बांधलेले आहे. हे भक्तांची मनोकामना पूर्ण करणारे श्रद्धास्थान मानले जाते.

आजकाल देशभरात गणेशोत्सवाची धूम पाहायला मिळते. घराघरात बाप्पांची प्रतिष्ठापना केली जाते आणि भक्त त्यांना आवडणारे नैवेद्य अर्पण करून आराधना करतात. मंदिरेही भक्तांनी गजबजलेली असतात. भारतात अनेक गणेश मंदिरे आहेत जी आपापल्या वैशिष्ट्यांमुळे ओळखली जातात. त्यातच मध्य प्रदेशातील खजराना गणेश मंदिर हे एक अत्यंत महत्त्वाचे धार्मिक स्थळ आहे.

Ganesh Chaturthi 2025 : भारतातच नाही तर या 4 देशांमध्येही मोठ्या जल्लोषात साजरा होतो गणेशोत्सव

खजराना गणेश मंदिराचा इतिहास

इंदौर शहर आणि परिसरातील लोकांची खूप आस्था या मंदिराशी जोडलेली आहे. हे मंदिर अहिल्याबाई होळकर यांनी बांधले होते. इथल्या मूर्तीबद्दल असे मानले जाते की औरंगजेबाच्या काळात गणेशाची मूर्ती वाचवण्यासाठी ती एका विहिरीत लपवण्यात आली होती. नंतर १७३५ साली अहिल्याबाई होळकर यांनी ती मूर्ती पुन्हा प्रकट करून येथे मंदिर उभारले. सुरुवातीला हे मंदिर लहानकुसर झोपडीसारखे होते, परंतु आता ते एक भव्य मंदिर म्हणून विकसित झाले आहे.

मंदिराची खास वैशिष्ट्ये

• येथे गणेशाची प्रतिमा पूर्णपणे लाल रंगाची आहे, ज्यामुळे ती हनुमानासारखी भासते.
• गर्भगृह व मंदिराच्या भिंती चांदीने मढवलेल्या आहेत.
• भगवान गणेशाच्या डोळ्यांमध्ये हिऱ्यांची जडण करण्यात आली असून ते इंदौरच्या एका व्यापाऱ्याने दान केले आहेत.
• मंदिरात गणेशाबरोबरच महालक्ष्मी, दुर्गा माता, हनुमान, शिवलिंग आणि गंगामाता यांच्या मूर्तीही आहेत.
• भक्त येथे मनोकामना मागतात आणि ती पूर्ण झाल्यावर मंदिराच्या भिंतीवर उलटा स्वस्तिक काढतात.
• विनायक चतुर्थीच्या काळात येथे प्रचंड गर्दी होते. ऑगस्ट–सप्टेंबर महिन्यातील गणेशोत्सवाच्या दिवसांत या मंदिराचा उत्साह पाहण्यासारखा असतो. बुधवार आणि रविवार हे दोन दिवस येथे विशेष गर्दी असते.

खजराना गणेश मंदिराला कसे जावे?

हवाई मार्गाने : सर्वात जवळचे विमानतळ म्हणजे देवी अहिल्या इंटरनॅशनल एअरपोर्ट, इंदौर.

रेल्वे मार्गाने : इंदौर रेल्वे स्थानक देशातील प्रमुख शहरांशी जोडलेले आहे. स्थानकापासून मंदिर केवळ ५ किमी अंतरावर आहे.

रस्ता मार्गाने : भोपाल, मुंबई, पुणे, दिल्ली, लखनौ यांसारख्या मोठ्या शहरांतून बससेवा उपलब्ध आहे. इंदौरला पोहोचण्यासाठी NH-3 आणि NH-59A हे दोन राष्ट्रीय महामार्ग सोयीस्कर आहेत.

Travel News : घर-ऑफिसच्या तणावातून हवाय ब्रेक तर मग आवर्जून भेट द्या भारतातील ‘या’ सुंदर डेस्टिनेशन्सना

FAQs (संबंधित प्रश्न)

मंदिराचा इतिहास काय आहे?
असे मानले जाते की औरंगजेबापासून मूर्तीचे रक्षण करण्यासाठी ती एका विहिरीत लपवण्यात आली होती, जी नंतर राणी अहिल्याबाईंनी विहिरीतून काढून या मंदिरात स्थापित केली.

हे मंदिर चमत्कारिक आहे का?
हो, स्थानिक लोकांचा असा विश्वास आहे की या मंदिरात पूजा केल्याने भक्तांच्या सर्व इच्छा पूर्ण होतात.