Ganesh Chaturthi: गणेशोत्सवात गणपती बाप्पाच्या नैवेद्यासाठी झटपट बनवा पनीरपासून कलाकंद, वाचा रेसिपी

लवकरच हाणपती बाप्पाचे आगमन होणार आहे. गणपती सणाची सगळेच आतुरतेने वाट पाहत असतात. गणपती बाप्पा घरी आल्यानंतर सगळीकडे आनंद आणि उत्साहाचे वातावरण असते. त्यामुळे यंदाच्या गणशोत्सवात बाप्पाच्या नैवेद्यासाठी खास पदार्थ नक्की बनवा. आज आम्ही तुम्हाला पनीरपासून कलाकंद बनवण्याची सोपी रेसिपी सांगणार आहोत.

देशभरात सगळीकडे गणपती बाप्पाच्या आगमनाची जोरदार तयारी सुरु आहे. मुंबई, पुण्यासह कोकणात मोठ्या उत्साहात आणि आनंदात गणपती बाप्पाचे आगमन केले जाते. सर्वच लोक बाप्पाच्या आगमनाची आतुरतेने वाट पाहत आहेत. बाप्पा घरात विराजमान झाल्यानंतर त्यांची मनोभावे पूजा करून गोडाचा नैवेद्य दाखवला जातो. यंदाच्या वर्षी ७ सप्टेंबरला गणपती बाप्पाचे आगमन होणार आहे. गणपतीची मनोभावे सेवा करण्यासाठी सगळेच भक्त आतुर झाले आहेत. त्यामुळे यंदा बाप्पाच्या नैवेद्याला काही खास पदार्थ नक्की बनवा. आज आम्ही तुम्हाला गणपती बाप्पाच्या नैवेद्यासाठी पनीरपासून कलाकंद कसा बनवायचा याची सोपी रेसिपी सांगणार आहोत. कलाकंद बनवण्यासाठी सुद्धा सोपा असल्यामुळे कमीत कमी साहित्यामध्ये तयार होतो. चला तर जाणून घेऊया रेसिपी.(फोटो सौजन्य-istock)

साहित्य:

• पनीर
• खावा
• साखर
• बदाम, पिस्ताचे बारीक तुकडे
• वेलची पावडर
• ड्राय फ्रुट
• सुकलेल्या गुलाबाच्या पाकळ्या

हे देखील वाचा: साखरेची पातळी नियंत्रणात ठेवण्यासाठी नाश्त्यात करा ‘या’ पदार्थाचा समावेश, मधुमेह राहील नियंत्रणात

कृती:

• कलाकंद बनवण्यासाठी सर्वप्रथम पनीरचे बारीक तुकडे करून घ्या. त्यानंतर मिक्सरमधून पनीर बारीक करा.
• कढईमध्ये तूप गरम करण्यासाठी ठेवा. तूप गरम झाल्यानंतर त्यात पनीरचे बारीक केलेले मिश्रण टाकून व्यवस्थित परतून घ्या.
• नंतर त्यात चवीनुसार साखर टाकून साखर वितळेपर्यंत चमच्याने सतत मिक्स करत राहा. अन्यथा मिश्रण कढईला लागू शकते.
• त्यानंतर त्यात वेलची पावडर, खावा टाकून मिक्स करून गॅस बंद करा.
• ताटाला किंवा छोट्या डब्याला तूप लावून त्यात चिरलेले बदाम, पिस्ता आणि गुलाबाच्या पाकळ्या टाकून सगळीकडे पसरवा.
• तयार केलेला कलाकंद ताटात पसरवून थंड झाल्यानंतर त्याचे तुकडे करून घ्या. सोप्या पद्धतीमध्ये बनवलेला कलाकंद तयार आहे.
• बाप्पाच्या नैवेद्यासाठी बनवलेला कलाकंद घरातील सगळ्यांना खूप आवडेल.