दालखिचडी सोबत खाण्यासाठी ‘या’ पद्धतीने बनवा चमचमीत मसालेदार कढी, नेहमीपेक्षा वेगळा पदार्थ

दालखिचडीसोबत खाण्यासाठी सोप्या पद्धतीमध्ये तुम्ही मसालेदार कढी बनवू शकता. हा पदार्थ इतर कोणत्याही पदार्थासोबत चविष्ट लागतो. चला तर जाणून घेऊया मसालेदार कढी बनवण्याची रेसिपी.

दुपारच्या किंवा रात्रीच्या जेवणात प्रत्येकाला चमचमीत आणि चविष्ट पदार्थ खाण्यास हवे असतात. नेहमीच वरणभात खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. रात्रीच्या जेवणात आवर्जून दालखिचडी हा पदार्थ बनवला जातो. कारण रात्रीच्या वेळी सहज पचन होणाऱ्या पदार्थांचे सेवन करावे. दालखिचडी बनवल्यानंतर त्यासोबत कढी आवर्जून बनवली जाते. कढीशिवाय दालखिचडीला चवच लागत नाही. म्हणूनच आज आम्ही तुम्हाला सोप्या पद्धतीमध्ये मसालेदार कढी बनवण्याची सोपी रेसिपी सांगणार आहोत. मसालेदार कढी कोणत्याही पदार्थांसोबत अतिशय सुंदर लागते. वाफाळत्या खिचडीसोबत कढी खाल्ल्यास जेवणात चार घास जास्त जातील आणि पोटसुद्धा भरेल. दह्याचा वापर करून बनवलेली कढी कोणत्याही वेळी खाऊ शकता. साध्या कढीला काहीजण मसाल्याची फोडणी देतात तर काही हिरव्या मिरचीची फोडणी देऊन त्यात साखर सुद्धा टाकली जाते. चला तर जाणून घेऊया मसालेदार कढी बनवण्याची सोपी रेसिपी. (फोटो सौजन्य – istock)

१० मिनिटांमध्ये वाटीभर चणाडाळीपासून बनवा स्वादिष्ट हलवा, पुरणपोळीपेक्षा लागेल सुंदर पदार्थ

साहित्य:

• दही
• लाल तिखट
• हळद
• मीठ
• आलं लसूण
• कांदा
• मोहरी
• जिरं
• हिंग
• तूप
• कढीपत्ता
• कसूरी मेथी
• लाल मिरची

जेवणात तोंडी लावण्यासाठी झटपट बनवा आंबट गोड चवीची चिंच चटणी, २ ते ३ दिवस व्यवस्थित राहील टिकून

कृती:

• मसालेदार कढी बनवण्यासाठी सर्वप्रथम, वाटीमध्ये दही घेऊन त्यात आवश्यकतेनुसार पाणी घालून ताक तयार करा. दह्याच्या अजिबात गुठळ्या ठेवू नये.
• कढईमध्ये तूप गरम करून त्यात मोहरी, जिरं, हिंग आणि कढीपत्त्याची पाने घालून भाजा. त्यानंतर त्यात बारीक केलेली काळीमिरी, लाल मिरची, हिरवी मिरची आणि बारीक करून घेतलेलं आलं लसूण घालून फोडणी व्यवस्थित भाजून घ्या.
• लसूण लाल झाल्यानंतर त्यात बारीक उभा चिरलेला कांदा घालून व्यवस्थित मिक्स करा. कांदा लाल होण्यासाठी त्यात चवीनुसार मीठ टाकून व्यवस्थित मिक्स करा.
• कांद्यात लाल तिखट, हळद आणि तयार केलेले ताक घालून व्यवस्थित उकळी काढा. यामध्ये तुम्ही बेसनसुद्धा घालू शकता. यामुळे कढीला घट्टपणा येईल.
• कढीला उकळी आल्यानंतर त्यात कसुरी मेथी घालून खाण्यासाठी सर्व्ह करा. तयार आहे सोप्या पद्धतीमध्ये बनवलेली मसालेदार कढी.