Ganeshotsav 2026 : बाप्पाच्या नैवेद्य करा खास, यंदा बनवा टेस्टी ‘बिस्किटाचे मोदक’, लहान मुल होतील खुश

Biscuit Modak Recipe : आजवर अनेक प्रकाराचे मोदक तुम्ही खाल्ले असतील पण बिस्किटांचे मोदक तुम्ही कधी खाल्लेत का? ही रेसिपी नोट करा आणि फ्यूजन मोदकाचा बाप्पाच्या नैवेद्यात समावेश करा.

• गणपती बाप्पाचे आगमन आता अवघ्या काही दिवसांवर आले आहे.
• यंदा काहीतरी हटके ट्राय करा, घरी बनवा बिस्किटांचे मोदक.
• याची चव निश्चितच घरातील सर्वांनाच आवडेल.

गणेशोत्सवाच्या दिवसांत नैवेद्यासाठी नेहमीच्या उकडीच्या मोदकांसोबत काहीतरी वेगळं आणि मुलांपासून मोठ्यांपर्यंत सर्वांना आवडेल असा गोड पदार्थ बनवायचा असेल, तर चॉकलेट मोदक हा उत्तम पर्याय ठरू शकतो. चॉकलेटची चव आणि मोदकाचा पारंपरिक आकार यांचा सुंदर मेळ या पदार्थात पाहायला मिळतो. घरातील उपलब्ध साहित्य वापरून हे मोदक कमी वेळात तयार करता येतात. गणपती बाप्पाच्या नैवेद्यासाठी तसेच प्रसादासाठीही हे मोदक आकर्षक दिसतात.

Ganeshotsav 2026 : गणपती बाप्पाच्या प्रसादात बनवा गोड, मऊ, पारंपारिक गुलगुले, नोट करा रेसिपी

विशेष म्हणजे या मोदकांसाठी फारशी तयारी करण्याची गरज नसते आणि योग्य प्रमाणात साहित्य घेतल्यास मोदकांना छान मऊ पोत मिळतो. गणेशोत्सवात पाहुण्यांसाठी किंवा मुलांसाठी काहीतरी खास बनवण्याचा विचार करत असाल, तर ही रेसिपी नक्की करून पाहा.

 साहित्य

• बिस्किटांचा चुरा – 2 कप
• कोको पावडर – 2 टेबलस्पून
• मिल्क पावडर – 3 टेबलस्पून
• कंडेन्स्ड मिल्क – अर्धा कप
• दूध – 2 ते 3 टेबलस्पून
• तूप – 1 टीस्पून
• वेलची पावडर – अर्धा टीस्पून
• बारीक चिरलेले काजू-बदाम – 2 टेबलस्पून

Easy Food Recipe: नाश्त्यात हेल्दी पदार्थ खायचा आहे? १० मिनिटांमध्ये झटपट बनवा चविष्ट Avocado Toast, नोट करून घ्या रेसिपी

कृती

• सर्वप्रथम चॉकलेट बिस्किटे मिक्सरमध्ये बारीक करून त्यांचा मऊ चुरा करून घ्या. त्यामध्ये कोको पावडर आणि मिल्क पावडर घालून सर्व साहित्य व्यवस्थित मिसळा.
• आता या मिश्रणात कंडेन्स्ड मिल्क घाला. त्यानंतर थोडे-थोडे दूध घालत मिश्रण मळून घ्या. एकदम जास्त दूध घालू नका, कारण मिश्रण खूप चिकट होऊ शकते.
• मिश्रणामध्ये तूप, वेलची पावडर आणि बारीक चिरलेले काजू-बदाम घालून पुन्हा चांगले मळा. मिश्रण घट्ट पण सहज आकार देता येईल असे असावे.
• तयार मिश्रणाचे समान आकाराचे छोटे गोळे करून घ्या. मोदकाच्या साच्याला हलकेसे तूप लावल्यास मोदक सहज बाहेर काढता येतील.
• एक गोळा मोदकाच्या साच्यात ठेवून हाताने हलके दाबा, जेणेकरून मिश्रण साच्याच्या सर्व बाजूंना व्यवस्थित बसेल. त्यानंतर साचा उघडून मोदक अलगद बाहेर काढा.
• अशाच पद्धतीने उरलेल्या मिश्रणाचे सर्व मोदक तयार करून घ्या. तयार मोदकांना हवे असल्यास वरून काजू-बदामाचे काप किंवा चॉकलेटचे छोटे तुकडे लावून सजवू शकता.
• तयार चॉकलेट मोदक काही वेळ फ्रिजमध्ये ठेवून सेट होऊ द्या. त्यानंतर गणपती बाप्पाला नैवेद्य दाखवून हे स्वादिष्ट मोदक सर्व्ह करा.