Pickle Recipe: लोणच्याला द्या साउथ इंडियन तडका! आंध्रा स्टाईलने बनवा चटपटीत आवळ्याचे लोणचं, नोट करा रेसिपी

Pickle Recipe: आज आम्ही तुम्हाला आंध्र स्टाईलने चटपटीत आवळ्याचे लोणचं बनवण्याची सोपी रेसिपी सांगणार आहोत. हे लोणचं कोणत्याही पदार्थासोबत खाऊ शकता. आवळ्याचे लोणचं वर्षभर व्यवस्थित टिकून राहते. चला तर जाणून घेऊया रेसिपी.

Pickle Recipe: बाजारात मोठ्या प्रमाणावर आवळे विकला आले आहेत. आवळे शरीरासाठी वरदान मानले जातात. आवळ्यामध्ये असलेले विटामिन सी शरीरासाठी खूप जास्त फायदेशीर ठरतात. याशिवाय अँटीऑक्सिडंट्समुळे त्वचेच्या समस्या कमी होण्यास मदत होईल. जेवणाच्या ताटात कायमच अनेकांना लोणचं लागत. लोणच्याशिवाय जेवणाची चव अजिबात लागत नाही. कैरीचे लोणचं, मिरचीचे लोणचं, गोड लोणचं इत्यादी लोणचं खाऊन कंटाळा आल्यास आंध्रा स्टाईलने तुम्ही आवळ्याचे आंबट तिखट लोणचं बनवू शकता. या पद्धतीने बनवलेले लोणचं एक वर्षापर्यंत व्यवस्थित टिकून राहते. कच्चा आवळा खायला अनेकांना आवडत नाही, अशावेळी आवळ्यापासून बनवलेले चटकदार लोणचं तुम्ही बनवून खाऊ शकता. आवळ्याचे लोणचं तुम्ही गरमागरम भात, तांदळाची भाकरी, चपाती इत्यादी पदार्थांसोबत खाऊ शकता. चला तर जाणून घेऊया आवळ्याचे लोणचं बनवण्याची रेसिपी.(फोटो सौजन्य – istock)

Breakfast Recipe: सकाळच्या नाश्त्यात १० मिनिटांमध्ये बनवा हेल्दी टेस्टी अ‍ॅव्होकॅडो टोस्ट सँडविच, सगळेच खातील आवडीने

साहित्य:

• आवळा
• लसूण
• मीठ
• तेल
• लाल तिखट
• मेथी दाणे
• बडीशेप
• चिंच
• गूळ

Dussehra 2026: दसऱ्यानिमित्त घरी बनवा शाही केशर पिस्ता श्रीखंड, विकतच्या श्रीखंडापेक्षा लागेल भन्नाट चव

कृती:

• आंध्रा स्टाईलने चटपटीत आवळ्याचे लोणचं बनवण्यासाठी सर्वप्रथम, आवळा स्वच्छ पाण्याने धुवून घ्या. लसूण पाकळ्यांची साल काढा.
• आवळ्याच्या मध्यम आकारात फोडी करून घ्या. गॅसवर कढई गरम करून त्यात मेथी दाणे, बडीशेप, मोहरी मंद आचेवर लालसर होईपर्यंत भाजा आणि थंड करण्यासाठी ठेवा.
• थंड झालेले पदार्थ मिक्सरच्या भांड्यात टाकून बारीक पावडर तयार करा. वाटीभर पाण्यात चिंच भिजत घालून ठेवा आणि हाताने मिक्स करून चिंचेचा गर काढून घ्या.
• कढई गरम करून त्यात चिंच गर घालून मंद आचेवर सतत चमच्याने मिक्स करत राहा. चिंचेमधील पाणी पूर्णपणे आटवून टाकावे.
• कढईमध्ये तेल गरम करून त्यात लसूण पाकळ्या आणि आवळे घालून मंद आचेवर परतवून घ्या. त्यानंतर मोठ्या भांड्यात आवळे, लसूण, चिंचेचा कोळ, तयार केलेला मसाला, लाल तिखट, मीठ घालून व्यवस्थित मिक्स करा.
• तयार केलेल्या लोणच्यात आवळे भाजलेले तेल घालून सर्व साहित्य व्यवस्थित मिक्स करून घ्या.
• तयार आहे आंध्रा स्टाईलने बनवलेले चटपटीत आवळ्याचे लोणचं. हे लोणचं वर्षभर व्यवस्थित टिकून राहते.