Weight Loss: वाढलेल्या वजनाने त्रस्त आहात? मग सकाळच्या नाश्त्यात करा दुधी भोपळ्याच्या सूपचे सेवन, पोटावरील चरबी जाईल वितळून

Weight Loss: वाढलेले वजन कमी करण्यासाठी दुधी भोपळ्याच्या सूपचे सेवन करावे. दुधीचा सूप शरीरात पाण्याची पातळी वाढवण्यास मदत करतो आणि शरीर हायड्रेट ठेवण्यास मदत करतो. चला तर जाणून घेऊया दुधी भोपळ्याचे सूप बनवण्याची रेसिपी.

Weight Loss: वजन वाढल्यानंतर ते कमी करण्यासाठी आहारात वेगवेगळ्या पदार्थांचे सेवन केले जाते. पण चुकीच्या पद्धतीने वजन कमी केल्यास शरीराला हानी पोहचण्याची शक्यता असते. वजन कमी करण्यासोबतच शरीराला हायड्रेशनची सुद्धा तितकीच आवश्यकता असते. अशावेळी इतर कोणत्याही पदार्थांचे सेवन करण्याऐवजी दुधी भोपळ्याचा वापर करून बनवलेले सूप प्यावे. दुधी भोपळा शरीरासाठी खूप जास्त प्रभावी ठरतो. यामध्ये पोटॅशियम, व्हिटामिन सी आणि इतर सूक्ष्म पोषक घटक मोठ्या प्रमाणावर आढळून येतात. दैनंदिन आहारात नेहमीच वेगवेगळ्या भाज्यांचे सेवन करावे. भाज्यांच्या सेवनामुळे आरोग्य सुधारण्यास मदत होते आणि पोटावर वाढलेली अनावश्यक चरबी कमी होऊन पोट स्लिम दिसते. दुधी भोपळ्याचे सूप बनवण्यासाठी जास्त वेळ लागत नाही. कमीत कमी साहित्यात तुम्ही दुधी भोपळ्याचे सूप बनवू शकता. चला तर जाणून घेऊया रेसिपी.(फोटो सौजन्य – istock)

जीभेवर ठेवताच विरघळणारे मऊ आणि चवदार चुरमा लाडू बनवण्याची सर्वात सोपी पद्धत; प्रत्येकजण विचारेल रेसिपी!

साहित्य:

• दुधी भोपळा
• तूप
• लसूण
• धणे जिरं पावडर
• कोथिंबीर
• काळीमिरी पावडर
• मीठ

Pickle Recipe: लोणच्याला द्या साउथ इंडियन तडका! आंध्रा स्टाईलने बनवा चटपटीत आवळ्याचे लोणचं, नोट करा रेसिपी

कृती:

• दुधी भोपळ्याचे सूप बनवण्यासाठी सर्वप्रथम, दुधी भोपळ्याची साल काढून मध्यम आकारात तुकडे करा. त्यानंतर कुकरच्या भांड्यात दुधीचे तुकडे आणि गरजेनुसार पाणी घालून शिजवून घ्या.
• दुधी मऊ शिजवल्यास लगेच मॅश होईल आणि पदार्थाची चव सुद्धा मस्त लागेल. मिक्सरच्या भांड्यात शिजवलेला दुधीघेऊन बारीक वाटून घ्या.
• टोपात तूप गरम करून त्यात बारीक केलेला लसूण घालून लालसर होईपर्यंत भाजा. त्यानंतर त्यात तयार केलेली पेस्ट ओता आणि आवश्यकतेनुसार पाणी घालून मिक्स करा.
• सूपला एक उकळी आल्यानंतर त्यात धणे जिरं पावडर, काळीमिरी पावडर, चवीनुसार मीठ आणि कोथिंबीर घालून व्यवस्थित मिक्स करा.
• सूपला २ ते ३ मिनिटं मंद आचेवर उकळी आल्यानंतर गॅस बंद करून घ्या.
• तयार आहे सोप्या पद्धतीमध्ये बनवलेले दुधी भोपळ्याचे सूप. हा पदार्थ वजन कमी करण्यास मदत करतो.