व्हेज पदार्थाला द्या शाही तडका, घरच्या घरी बनवा रेस्टॉरंट स्टाईल परफेक्ट ‘पनीर बिर्याणी’

Panner Biryani Recipe : व्हेज लव्हर्ससाठी पनीर म्हणजे त्यांचा जीव की प्राण. पनीरची चमचमीत भाजी तर आपण प्रत्येक वेळेला खातो यावेळी घरी पनीरची झणझणीत बिर्याणी बनवून खा आणि कुटुंबालाही खाऊ घाला.

बिर्याणी हा भारतीय खाद्यसंस्कृतीतील एक अतिशय लोकप्रिय आणि राजेशाही पदार्थ मानला जातो. बिर्याणीची खासियत म्हणजे तिचा सुगंध, मसाल्यांचा खमंगपणा आणि भाताच्या प्रत्येक दाण्यात मिसळलेला चविष्ट रस. सामान्यतः बिर्याणी म्हटलं की मटण किंवा चिकन बिर्याणी डोळ्यांसमोर येते. परंतु शाकाहारी लोकांसाठी पनीर बिर्याणी ही एक अप्रतिम डिश आहे. पनीर हे पोषणमूल्यांनी भरलेले असून त्याचा मऊसर टेक्स्चर मसालेदार भातासोबत अप्रतिम लागतो.

तेच तेच बोरिंग पदार्थ खाणं सोडा, नवरात्रीच्या उपवासात घरी बनवा साबुदाण्याची लुसलुशीत पुरी

पनीर बिर्याणी ही खास पाहुणचाराच्या वेळी, सणावाराला किंवा रविवारी दुपारच्या जेवणासाठी बनवली तर घरातील प्रत्येक जण खुश होतो. बिर्याणी बनवताना घालण्यात येणारे केशर, तूप, तळलेला कांदा आणि मसाल्यांचा सुगंध वातावरण भारावून टाकतो. चला तर मग जाणून घेऊयात यासाठी लागणारे साहित्य आणि कृती.

साहित्य

• बासमती तांदूळ – २ कप
• पनीर – २५० ग्रॅम (चौकोनी तुकडे)
• दही – १/२ कप
• कांदे – २ (बारीक चिरलेले)
• टोमॅटो – २ (बारीक चिरलेले)
• आले-लसूण पेस्ट – १ टेबलस्पून
• हिरवी मिरची – २
• लाल तिखट – १ टीस्पून
• हळद – १/४ टीस्पून
• गरम मसाला – १ टीस्पून
• बिर्याणी मसाला – १ १/२ टीस्पून
• कोथिंबीर – १/२ कप
• पुदिना पाने – १/२ कप
• तूप – २ टेबलस्पून
• तेल – २ टेबलस्पून
• दूध – १/४ कप (त्यात ४-५ केशर धागे भिजवलेले)
• मीठ – चवीनुसार
• संपूर्ण मसाले – तमालपत्र, दालचिनी तुकडा, लवंगा, वेलदोडे

दसऱ्यानिमित्त घरी आलेल्या पाहुण्यांसाठी झटपट बनवा चवदार सफरचंदाची खीर, नोट करून घ्या रेसिपी

कृती

• यासाठी सर्वप्रथम बासमती तांदूळ स्वच्छ धुऊन ३० मिनिटे भिजवून ठेवा. नंतर पाणी, मीठ आणि संपूर्ण मसाले घालून ८०% शिजवून घ्या.
• एका बाऊलमध्ये दही, आले-लसूण पेस्ट, लाल तिखट, हळद, बिर्याणी मसाला, थोडं मीठ आणि थोडी कोथिंबीर-
• पुदिना घालून पनीराचे तुकडे मॅरिनेट करून २० मिनिटे ठेवा.
• कढईत तेल-तूप गरम करून बारीक चिरलेले कांदे सोनेरी होईपर्यंत परतून घ्या आणि बाजूला काढून ठेवा.
• त्याच कढईत उरलेला कांदा, टोमॅटो, मसाले, हिरव्या मिरच्या घालून छान परता. नंतर मॅरिनेट केलेले पनीर घालून ५-७ मिनिटे शिजवा.
• एका जाड बुडाच्या पातेल्यात आधी भाताचा थर लावा, नंतर पनीर ग्रेव्हीचा थर, वरून पुन्हा भात. प्रत्येक थरावर
• कोथिंबीर, पुदिना, तळलेला कांदा आणि केशर दूध घाला.
• झाकण लावून कमी आचेवर १५ मिनिटे दमला ठेवा.
• तयार झालेली सुगंधी, स्वादिष्ट पनीर बिर्याणी रायता किंवा कोशिंबिरीसोबत सर्व्ह करा.
• ही बिर्याणी इतकी स्वादिष्ट लागते की एकदा खाल्ल्यावर पुन्हा पुन्हा खावीशी वाटते.