Recipe : वजन सांभाळत खा चटपटीत! घरी बनवा कुरकुरीत पण चवदार ‘अ‍ॅव्होकॅडो पापडी चाट’

Avocado Papdi Chaat Recipe : डाएट करताना चटपटीत पदार्थांना नेहमी टाळावं लागतं, पण तुम्हाला माहिती आहे का? तुम्ही हेल्दी पदार्थापासून टेस्टी आणि चटपटीत अशी अ‍ॅव्होकॅडो पापडी चाट तयार करु शकता.

• फॅट्स, फायबर, जीवनसत्त्वे आणि पोटॅशियमने समृद्ध अ‍ॅव्होकॅडो एक सुपरफूड आहे.
• अ‍ॅव्होकॅडो कितीही हेल्दी असला तरी याची चव मात्र अनेकांना फारशी आवडत नाही.
• आज आपण याच हेल्दी पदार्थाने एक चविष्ट चाट कशी तयार करयची ते जाणून घेणार आहोत.

अ‍ॅव्होकॅडो पापडी चाट ही पारंपरिक भारतीय चाटला दिलेली एक आधुनिक आणि हेल्दी ट्विस्ट आहे. आपल्याला परिचित असलेल्या कुरकुरीत पापडी, बटाटे, चटण्या आणि दही यांच्यासोबत अ‍ॅव्होकॅडोचा मऊसर, क्रीमी टेक्स्चर अप्रतिम जुळून येतो. आजकाल आरोग्याबद्दल जागरूकता वाढल्यामुळे लोक पौष्टिक आणि हलके पर्याय शोधत असतात. अशा वेळी अ‍ॅव्होकॅडो हा उत्तम पर्याय ठरतो, कारण त्यात हेल्दी फॅट्स, फायबर आणि विविध पोषक घटक असतात.

Sunday Special Recipe : सुट्टीच्या दिवशी नाश्ताही करा मजेदार, घरी बनवा टेस्टी आणि झटपट तयार होणारा ‘पनीर चीज टोस्ट’

ही चाट केवळ चविष्टच नाही, तर दिसायलाही आकर्षक असते. गोड, आंबट, तिखट आणि क्रीमी अशा सगळ्या चवींचा एकत्रित अनुभव या डिशमध्ये मिळतो. पारंपरिक चाटपेक्षा ही थोडी वेगळी असल्यामुळे पार्टी, किटी पार्टी किंवा खास पाहुण्यांसाठीही ही एक परफेक्ट डिश ठरते. शिवाय, ही रेसिपी झटपट तयार होते आणि आपल्या आवडीनुसार त्यात बदलही करता येतात.

साहित्य:

• पापडी – 12 ते 15
• अ‍ॅव्होकॅडो – 1 (पिकलेले, मॅश केलेले)
• उकडलेले बटाटे – 1 कप (चिरलेले)
• कांदा – 1 (बारीक चिरलेला)
• टोमॅटो – 1 (बारीक चिरलेला)
• दही – 1 कप (फेटलेले)
• हिरवी चटणी – 2 टेबलस्पून
• चिंचेची गोड चटणी – 2 टेबलस्पून
• चाट मसाला – 1 टीस्पून
• लाल तिखट – ½ टीस्पून
• मीठ – चवीनुसार
• शेव – ½ कप
• कोथिंबीर – सजावटीसाठी

कडाक्याच्या उन्हाळ्यात शरीरात थंडावा टिकवून ठेवेल खरबूज लस्सी, नोट करून घ्या झटपट होणारी रेसिपी

कृती:

• सर्वप्रथम एका बाऊलमध्ये मॅश केलेले अ‍ॅव्होकॅडो घ्या आणि त्यात थोडे मीठ व चाट मसाला घालून हलकेच मिक्स करा.
• आता सर्व्हिंग प्लेटमध्ये पापडी नीट मांडून घ्या.
• प्रत्येक पापडीवर थोडेसे बटाट्याचे तुकडे ठेवा.
• त्यावर तयार केलेले अ‍ॅव्होकॅडो मिश्रण थोडेथोडे पसरवा.
• आता त्यावर चिरलेला कांदा आणि टोमॅटो घाला.
• फेटलेले दही वरून ओता, त्यानंतर हिरवी चटणी आणि चिंचेची गोड चटणी घाला.
• शेवटी चाट मसाला, लाल तिखट आणि शेव भुरभुरा.
• कोथिंबीर घालून सजवा आणि लगेच सर्व्ह करा.
• ही अ‍ॅव्होकॅडो पापडी चाट ताजीच खाणे उत्तम, कारण पापडीची कुरकुरीतपणा टिकवण्यासाठी ती लगेच सर्व्ह करणे महत्त्वाचे आहे. ही रेसिपी तुमच्या नेहमीच्या चाटमध्ये एक नवीन आणि हेल्दी ट्विस्ट आणेल.