केसांची मूळ कमकुवत झाली आहेत? मग १० रुपयांच्या जवस बियांचे घरीच तयार करा जेल, केस होतील मुलायम- सॉफ्ट

जवसाच्या बियांपासून बनवा हेअर जेल:

हेअर जेल तयार करण्यासाठी सर्वप्रथम, टोपात पाणी गरम करून त्यात जवस बिया घालून उकळवून घ्या. बिया व्यवस्थित उकळल्यानंतर पाण्याचे रूपांतर हळूहळू जेलमध्ये होईल. त्यानंतर लगेच गॅस बंद करून तयार केलेले जेल गाळून घ्या. जवसाच्या बियांचे मिश्रण थंड होण्याआधी लगेच गाळून घ्यावे, अन्यथा जेल व्यवस्थित तयार होणार नाही. तयार करून घेतलेल्या हेअर जेलमध्ये तुमच्या आवडीचा कोणताही हेअर मास्क मिक्स करून घ्या.

बसल्यानंतर लगेच पेंग येते? शरीरात थकवा नाहीतर असू शकतो ‘या’ गंभीर आजाराचा धोका, योग्य वेळी घ्या उपचार

तयार केलेला हेअर मास्क केसांना लावण्याआधी केस व्यवस्थित फणीच्या साहाय्याने विंचरून घ्या. त्यानंतर तयार केलेला हेअर मास्क केसांच्या मुळांपासून ते अगदी टोकापर्यंत सगळीकडे लावून घ्या. त्यानंतर हे मास्क १ तास तसाच ठेवून द्या. त्यानंतर शॅम्पूचा सहाय्याने केस स्वच्छ पाण्याने धुवून घ्या. यामुळे केसांच्या मुळांना पोषण मिळेल आणि केस अतिशय चमकदार आणि सुंदर होतील. हा हेअर आठवड्यातून एकदा किंवा दोनदा केसांवर लावल्यास केस अतिशय चमकदार दिसतील.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या