कोंड्यामुळे टाळूवर चिकटपणा वाढला आहे? मग एक चमचा मुलतानी मातीचा ‘या’ पद्धतीने करा वापर

टाळूमध्ये वाढलेल्या कोंड्यामुळे केस खूप जास्त चिकट आणि तेलकट होतात. या सर्व समस्यांपासून आराम मिळवण्यासाठी मुलतानी मातीचा वापर करून बनवलेला हेअरपॅक केसांसाठी वापरावा. यामुळे केसांची गुणवत्ता सुधारते.

पावसाळ्यासह इतर सर्वच ऋतूंमध्ये केसांच्या समस्या मोठ्या प्रमाणावर वाढू लागतात. पाऊस पडून गेल्यानंतर वातावरणात निर्माण झालेल्या दमटपणामुळे किंवा केसांमध्ये वाढलेल्या कोंड्यामुळे टाळूवर खूप जास्त चिकटपणा वाढतो. टाळू आणि केस पूर्णपणे तेलकट, चिकट होऊन जाते. तेलकट झालेल्या केसांची हेअर स्टाईल करणे सुद्धा अवघड होऊन जाते. केसांमध्ये वाढलेला चिकटपणा आणि तेलकटपणा कमी करण्यासाठी महिला सतत काहींना काही करत असतात. कधी शाम्पूमध्ये बदल केला जातो तर कधी बाजारात उपलब्ध असलेल्या महागड्या हेअर ट्रीटमेंट घेतल्या जातात. पण यामुळे मनासारखा परिणाम केसांवर दिसून येत नाही. म्हणूनच आज आम्ही तुम्हाला टाळूवर वाढलेला चिकटपणा आणि तेलकटपणा कमी करण्यासाठी मुलतानी मातीचा वापर कशा पद्धतीने करावा, याबद्दल सविस्तर माहिती जाणून घेऊया.(फोटो सौजन्य – istock)

पार्लरला जायचा कंटाळा येतो? मग घरच्या घरी ‘या’ पदार्थांचा वापर करून करा होममेड फेशिअल, चेहऱ्यावर येईल नैसर्गिक चमक

मुलतानी माती हेअर पॅक बनवण्याची कृती:

मुलतानी माती, दही आणि पाणी इतकेच साहित्य लागणार आहे. मुलतानी मातीचा हेअर पॅक बनवण्यासाठी सर्वप्रथम, वाटीमध्ये मुलतानी घेऊन त्यात दही मिक्स करा आणि आवश्यकतेनुसार पाणी घालून मिश्रण बनवून घ्या. पेस्ट तयार करताना जास्त पातळ बनवू नये. त्यानंतर केसांच्या मुळांपासून ते अगदी टोकांपर्यंत सगळीकडे हेअर पॅक लावून केसांवर हलक्या हाताने मसाज करा.

हेअर पॅक लावण्यासाठी ब्रशचा सुद्धा वापर करू शकता. त्यानंतर केसांच्या मुळांवर हलक्या हाताने मसाज करा. मसाज केल्यामुळे केसांमधील धूळ, माती आणि प्रदूषणामुळे चिकट झालेले केस स्वच्छ होण्यास मदत होईल. मुलतानी मातीच्या वापरामुळे केसांमध्ये वाढलेला तेलकटपणा कमी होण्यास मदत होईल. त्यानंतर १० मिनिट ठेवून केस सौम्य शाम्पूचा वापर करून स्वच्छ धुवून घ्या. हा उपाय आठवड्यातून एकदा किंवा दोनदा करू शकता. यामुळे केसांना आवश्यक पोषण मिळेल.

महिनाभरात त्वचा होईल देखणी! चेहऱ्यावरील चमक वाढवण्यासाठी नियमित प्या ‘हे’ हेल्दी ड्रिंक, गणेशोत्सवात दिसाल सुंदर

मुलतानी मातीमध्ये मिनरल्स आणि अँटीबॅक्टेरिअल गुणधर्म मोठ्या प्रमाणावर आढळून येतात. ज्याच्या परिणामामुळे टाळूवरील घाण स्वच्छ होते आणि केस अतिशय सॉफ्ट आणि मुलायम होण्यास मदत होते. केसांमध्ये कोंडा झाल्यानंतर खूप जास्त खाज येते. ही खाज कमी करण्यासाठी मुलतानी माती फायदेशीर ठरते. मुलतानी मातीच्या मिश्रणात दही, एलोवेरा जेल, खोबरेल तेल सुद्धा मिक्स करू शकता.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.