केस खूप जास्त कोरडे झाले आहेत? मग दह्याचा वापर करून घरीच तयार करा हेअर मास्क, केस दिसतील सुंदर

केस कायमच चमकदार आणि मुलायम राहावेत म्हणून अनेक वेगवेगळ्या ट्रीटमेंट केल्या जातात. पण त्याऐवजी स्वयंपाक घरात उपलब्ध असलेल्या पदार्थांचा वापर केसांसाठी करावा. यामुळे केसांच्या मुळांना आवश्यक पोषण मिळते.

सर्वच महिलांना लांबलचक, मजबूत आणि चमकदार केस हवे असतात. केसांची गुणवत्ता सुधारण्यासाठी कायमच शाम्पू, कंडिश्नरमध्ये बदल केला जातो. तर काहीवेळा हेअर सीरम आणि हेअर केअर रुटीनमध्ये सुद्धा बदल केले जातात. हल्ली सोशल मीडियावर ग्लास स्किनसोबतच ग्लास हेअरचा मोठा ट्रेंड सुरु आहे. मऊ, रेशमी आणि काचेसारखे चमकणारे केस प्रत्येक महिलेला हवे आहेत. केसांचा लुक सुंदर आणि चमकदार दिसावा म्हणून बाजारात उपलब्ध असलेल्या महागड्या हेअर ट्रीटमेंट सुद्धा करून घेतल्या जातात. पण हेअर ट्रीटमेंट केल्यानंतर काही काळापुरतेच केस अतिशय सुंदर आणि चमकदार दिसतात. पण कालांतराने पुन्हा एकदा केस होते तसेच होऊन जातात आणि केसांची गुणवत्ता खराब होऊन जाते.(फोटो सौजन्य – istock)

ब्राऊन केसांसाठी कायमच हेअर कलरचा वापर करता? मग मेहेंदी भिजवताना मिक्स करा ‘हे’ पदार्थ, केसांना येईल नॅचरल शेड

केस चमकदार दिसावे म्हणून वारंवार केमिकल प्रॉडक्टचा वापर केसांसाठी करणे अजिबात योग्य नाही. यामुळे केसांच्या मुळांना हानी पोहचते आणि केसांची वाढ थांबते. त्यामुळे केस चमकदार आणि सुंदर दिसावे यासाठी बाजारात उपलब्ध असलेल्या प्रॉडक्टचा वापर करण्याऐवजी घरगुती पदार्थांचा वापर केसांसाठी करावा. यामुळे केस अतिशय सुंदर दिसतात. केसांवर केलेल्या केमिकल प्रक्रियेमुळे केस अधिक रुक्ष, कोरडे आणि कमकुवत होऊन जातात. आज आम्ही तुम्हाला दह्याचा वापर करून हेअर मास्क बनवण्याची सोपी कृती सांगणार आहोत. हा हेअर मास्क आठवड्यातून एकदा केसांवर लावल्यास केसांची गुणवत्ता सुधारण्यासोबतच केस मऊ आणि चमकदार होतील.

हेअर मास्क बनवण्यासाठी लागणारे साहित्य:

• दही
• लिंबाचा रस
• बेसन
• मुलतानी माती

हेअर मास्क बनवण्याची कृती:

हेअर मास्क बनवण्यासाठी सर्वप्रथम, वाटीमध्ये दही घेऊन त्यात बेसन, लिंबाचा रस आणि मुलतानी माती घालून एकत्र मिक्स करा. त्यानंतर तयार केलेले मिश्रण व्यवस्थित मिक्स करा आणि काहीवेळ तसेच ठेवा. जर तुमचे केस खूप जास्त कोरडे असतील तर बेसनचा वापर अतिशय कमी करावा. हेअर मास्क लवण्याआधी लिंबाचा रस काढून घेतलेली साल केसांच्या स्कल्पवर घासून घ्यावी. त्यानंतर केसांच्या मुळांपासून ते अगदी टोकांपर्यंत सगळीकडे हेअर मास्क लावावा. हेअर मास्क लावून झाल्यानंतर हलक्या हाताने मसाज करा.

चेहऱ्यावरील बारीक रेषा महिनाभरात होतील गायब! ‘या’ पदार्थाचा वापर करून घरीच तयार करा घरगुती रेटिनॉल क्रीम

मसाज केल्यामुळे केसांच्या मुळांना आवश्यक पोषण मिळेल आणि रक्तभिसरण सुधारण्यास मदत होईल. १० ते १५ मिनिटं हेअर मास्क केसांवर तसाच ठेवून द्या. त्यानंतर पाण्याने केस स्वच्छ धुवून घ्या. केस धुवताना सौम्य शाम्पूचा वापर करावा. केसांवर दही लावल्यामुळे केस मऊ आणि मुलायम होतात. याशिवाय टाळूमध्ये वाढलेला कोंडा कमी होण्यास मदत होते. केसांच्या गुणकारी वाढीसाठी आणि केस कायमच स्वच्छ राहावे, म्हणून बाजारात उपलब्ध असलेले केमिकल प्रॉडक्ट वापरण्याऐवजी घरगुती पदार्थांचा वापर करावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.