Hair Care: लग्नाच्या २ महिने आधीपासूनच घ्या केसांची काळजी! घनदाट केसांसाठी आजीबाईच्या बटव्यातील ‘हा’ उपाय केल्यास केस होतील घनदाट

Hair Care: केसांच्या घनदाट वाढीसाठी आजीबाईच्या बटव्यातील उपाय करावेत. नैसर्गिक पदार्थांचा वापर केसांच्या वाढीसाठी केल्यास केसांची गुणवत्ता सुधारण्यास मदत होते आणि केस सुंदर दिसतात.

Hair Care: लग्नसराईच्या दिवसांना लवकरच सुरुवात होणार आहे. लग्नाच्या चार ते पाच महिने आधीपासून खरेदीला तयारी केली जाते. लग्नाच्या खरेदीसोबतच त्वचा आणि केसांची खूप जास्त काळजी घेतली जाते. केसांची काळजी घेताना अनेक वेगवेगळे उपाय केले जातात. हेअर केअर रुटीन, केसांच्या वेगवेगळ्या ट्रीटमेंट, महागडे प्रॉडक्ट इत्यादी अनेक गोष्टींची काळजी घेतली जाते. पण वातावरणात होणारे बदल आणि कामाच्या धावपळीमध्ये केसांच्या समस्या कमी होण्याऐवजी आणखीनच वाढत जातात आणि केस खूप जास्त पातळ होतात. केस गळणे, केस कोरडे पडणे, केसांमध्ये कोंडा होऊन केसांची गुणवत्ता खराब होते.(फोटो सौजन्य – istock)

Hair Growth: केसांची खुंटलेली वाढ होईल वेगाने! जास्वदींच्या फुलांचा वापर करून बनवा नॅचरल हेअर टोनर, केसांना मिळेल पोषण

लग्नात केस व्यवस्थित नसल्यामुळे हेअर स्टाईल करताना हेअर एक्सटेंशनचा वापर केला जातो. तसेच केस व्यवस्थित सेट करण्यासाठी सेटिंग स्प्रे सुद्धा वापरले जातात. त्यामुळे लग्नाआधी केस घनदाट आणि मजबूत होण्यासाठी आजीबाईच्या बटव्यातील हा उपाय करणे फायदेशीर ठरेल. पार्लरच्या महागड्या ट्रीटमेंट करण्याऐवजी स्वयंपाक घरात उपलब्ध असलेल्या पदार्थांचा वापर करावा. लग्नाच्या दोन महिने आधीपासून या तेलाचा नियमित वापर केल्यास केस सुंदर आणि चमकदार होतील.

आजीबाईच्या बटव्यातील तेल बनवण्यासाठी लागणारे साहित्य:

• कांदा
• कलौंजी
• मेथी दाणे
• खोबऱ्याचे तेल
• मोहरीचे तेल
• कढीपत्ता
• विटामिन ई कॅप्सूल

कृती:

तेल बनवण्यासाठी सर्वप्रथम, मिक्सरच्या भांड्यात चिरलेला कांदा, कलौंजी, मेथी दाणे आणि कढीपत्ता घेऊन जाडसर वाटून घ्या. वाटून झाल्यानंतर लोखंडी कढईमध्ये खोबरेल तेल आणि मोहरीचे तेल एकत्र करून त्यात तयार केलेले कांद्याचे मिश्रण घालून व्यवस्थित मिक्स करा. त्यानंतर कढई गॅसवर ठेवून मंद आचेवर सर्व साहित्य शिजवून घ्या. १० ते १२ मिनिटं व्यवस्थित उकळी आल्यानंतर गॅस बंद करून घ्या. कांद्याचा अर्क तेलामध्ये उतरेपर्यंत मिश्रण शिजवून घ्यावे. तेल पूर्णपणे थंड झाल्यानंतर कॉटनच्या कपड्यावर ओतून गाळून घ्या. तयार केलेल्या तेलामध्ये विटामिन ई कँप्सूल ओतून मिक्स करा आणि हवाबंद डब्यात भरून ठेवा.

Skincare Routine: मान, कोपर आणि गुडघ्यांचा काळेपणा होईल कमी! अंघोळी करण्याआधी शरीराला लावा ‘हा’ बॉडी मास्क

तयार केलेले तेल केस धुवण्याच्या १ ते २ तास आधी केसांवर लावावे. आठवड्यातून दोनदा किंवा तीनदा तेल कोमट करून संपूर्ण केसांवर लावून हलक्या हाताने मसाज करा. मसाज केल्यामुळे रक्तभिसरण सुधारण्यास मदत होईल. तुमच्या सोयीनुसार केसांमध्ये तेल रात्रभर सुद्धा लावून ठेवू शकता. सकाळी उठल्यानंतर केस पाण्याने स्वच्छ धुवून टाका. केस स्वच्छ करताना सौम्य शाम्पूचा वापर करावा. केसांच्या वाढीसाठी केवळ तेलावर अवलंबून न राहता, आहारात अंडी, पनीर, चिकन, मासे, डाळी आणि कडधान्ये इत्यादी पदार्थांचा समावेश करावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.