गुरुवार, 10 सप्टेंबर 2026
त्वचा खूप जास्त रखरखीत आणि कोरडी झाली आहे? मग अभिनेत्री भाग्यश्रीने सांगितलेला 'हा' उपाय नक्की पहा करून
कोरड्या त्वचेसाठी उपाय?
दुधाच्या सायीचे त्वचेला होणारे फायदे?
कोरड्या त्वचेसाठी कोणता फेसपॅक उपयुक्त?
simple home hacks: कामाच्या धावपळीमध्ये त्वचेच्या काळजी घ्याल वेळ मिळत नाही. अशावेळी कायमच सणावारांच्या दिवसांमध्ये पार्लरमध्ये जाऊन वेगवेगळे क्लीनअप, फेशिअल, ब्लीच किंवा इतर वेगवेगळ्या स्किन ट्रीटमेंट करून घेतल्या जातात. या ट्रीटमेंटमुळे त्वचेवर तात्पुरता ग्लो येतो आणि पुन्हा एकदा त्वचा निस्तेज आणि कोरडी होऊन जाते. वातावरणात होणारे बदल, पोषक घटकांची कमतरता, मानसिक तणाव, कमी पाण्याचे सेवन इत्यादी अनेक गोष्टींचा परिणाम शरीरासोबतच त्वचेवर सुद्धा दिसून येतो. त्यामुळे त्वचेची काळजी घेणे फारच आवश्यक आहे. त्वचेच्या समस्या वाढू लागल्यानंतर कायमच महागड्या केमिकल युक्त स्किन केअरचा वापर केल्यामुळे त्वचा कोरडी पडून जाते आणि चेहऱ्यावरील ग्लो नाहीसा होतो.
वातावरणात सतत होणारे बदल त्वचेची गुणवत्ता खराब करून टाकतात. याशिवाय हानिकारक केमिकल त्वचेवरील ओलावा नष्ट करून कोरडी करतात. त्वचेवर वाढलेला कोरडेपणा कमी करण्यासाठी महागडे उपाय करण्याऐवजी अभिनेत्री भाग्यश्रीने सांगितलेला हा घरगुती उपाय नक्कीच करून पाहावा. यामुळे त्वचेवरील ग्लो वाढण्यासोबतच त्वचा आतून स्वच्छ होईल आणि त्वचेची गुणवत्ता सुधारेल. अभिनेत्री भाग्यश्री सोशल मीडियावर त्वचेसंबंधीत समस्यांपासून आराम मिळवण्यासाठी सतत काहींना शेअर करत असते. हे उपाय केल्यास त्वचा मुलायम होईल.
त्वचा खूप जास्त कोरडी असेल तर स्किन केअर रुटीनमध्ये बदल न करता दररोज सकाळी उठल्यानंतर दुधाची थंडगार साय घेऊन संपूर्ण चेहऱ्यावर लावा आणि ४ ते ५ मिनिटं चेहऱ्यावर हलक्या हाताने मसाज करा. यामुळे त्वचेची खराब झालेली गुणवत्ता सुधारण्यास मदत होईल आणि त्वचेमधील ओलावा कायम टिकून राहील. दूध रात्रभर फ्रिजमध्ये ठेवल्यानंतर सकाळी दुधाची साय व्यवस्थित जमा होईल. हीच साय तुम्ही त्वचेवर लावू शकता. थंड सायीमध्ये ॲक्टीव्ह हाेणारे कंपाउंड त्वचेसाठी गुणकारी ठरतात.
तुमची त्वचा जर खूप जास्त कोरडी असेल तर वरून पोषण देण्यासोबतच त्वचेला आतून पोषण देणे सुद्धा तितकेच आवश्यक आहे. यासाठी नियमित भरपूर पाणी, ताक आणि संतुलित आहार घेणे फार आवश्यक आहे. तसेच आठवड्यातून एकदा किंवा दोनदा चेहऱ्यावर बेसन, दुधावरील साय आणि मसूर डाळीच्या पिठाचा फेसपॅक लावणे फार आवश्यक आहे. यामुळे चेहऱ्यावर जमा झालेली डेड स्किन नष्ट होईल आणि त्वचा सुंदर दिसेल. दुधाच्या सायीचा वापर केल्यामुळे त्वचेवरील अतिरिक्त तेलकटपणा कमी होईल.
Ans: थंड किंवा कोरडे हवामान, गरम पाण्याने वारंवार अंघोळ करणे, कठीण साबणांचा वापर, कमी आर्द्रता आणि त्वचेची योग्य काळजी न घेणे यामुळे त्वचा कोरडी पडू शकते.
Ans: भाग्यश्री यांनी सोशल मीडियावर त्वचेची निगा राखण्यासाठी विविध घरगुती उपाय आणि स्किनकेअर टिप्स शेअर केल्या आहेत. त्यांच्या सांगितलेल्या उपायाचा वापर करण्यापूर्वी तो आपल्या त्वचेला योग्य आहे का, हे तपासणे महत्त्वाचे आहे.
Ans: उपायातील घटकांवर आणि त्वचेच्या प्रकारावर अवलंबून वापराची वारंवारता बदलते. कोणताही नवीन उपाय रोज करण्यापूर्वी पॅच टेस्ट करणे योग्य ठरते.
