नाॅनव्हेज लव्हर्ससाठी खास! यंदा घरी ट्राय करा ‘चिकन वडापाव’, रेसिपी आहे मजेदार

Chicken Vada Pav Recipe : नॉनव्हेज लव्हर्ससाठी चिकन म्हणजे पर्वणीच! चिकनपासून अनेक वेगवेगळ्या प्रकारचे पदार्थ बनवले जातात पण आज आपण चिकन वडापावची रेसिपी जाणून घेणार आहोत.

• चिकनच् अनेक पदार्थ तुम्ही खाल्ले असतील.
• पण तुम्ही कधी चिकन वडापाव खाल्ला आहे का?
• घरच्या घरी तुम्ही हा वडापाव तयार करु शकता.

भारतातील स्ट्रीट फूड म्हटलं की वडा पाव हे नाव सर्वप्रथम डोळ्यासमोर येतं. साध्या बटाट्याच्या वड्यापासून सुरू झालेला हा पदार्थ आज विविध चवी आणि प्रकारांमध्ये विकसित झाला आहे. त्यातीलच एक भन्नाट आणि चविष्ट प्रकार म्हणजे चिकन वडा पाव. पारंपरिक वडा पावला नॉन-व्हेज ट्विस्ट देणारा हा पदार्थ खासकरून चिकन प्रेमींसाठी एक उत्तम पर्याय आहे.

Recipe : पौष्टिकतेने भरपूर तुम्ही कधी कुरकुरीत ‘मेथीचे भजी’ खाल्ले आहेत का? आजच नोट करा रेसिपी

चिकन वडा पावची खासियत म्हणजे बाहेरून कुरकुरीत आणि आतून रसाळ व मसालेदार चिकन फिलिंग. मुंबईसारख्या शहरांमध्ये हा पदार्थ झपाट्याने लोकप्रिय होत आहे कारण तो पटकन तयार होतो, पोटभर असतो आणि चवीला अप्रतिम लागतो. घरच्या घरी सहज उपलब्ध साहित्य वापरून तुम्हीही हा स्वादिष्ट पदार्थ तयार करू शकता. चला जाणून घेऊया याची रेसिपी.

साहित्य:

चिकन फिलिंगसाठी:

• 250 ग्रॅम उकडलेले आणि कुस्करलेले चिकन
• 1 मध्यम कांदा (बारीक चिरलेला)
• 1 चमचा आलं-लसूण पेस्ट
• 2 हिरव्या मिरच्या (चिरलेल्या)
• 1/2 चमचा हळद
• 1 चमचा लाल तिखट
• 1/2 चमचा गरम मसाला
• मीठ चवीनुसार
• 2 चमचे तेल
• थोडी कोथिंबीर

बॅटरसाठी:

• 1 कप बेसन
• 1/2 चमचा हळद
• 1/2 चमचा तिखट
• मीठ
• पाणी (घोळ तयार करण्यासाठी)

इतर:

• पाव (वडा पावसाठी)
• हिरवी चटणी
• लसूण चटणी
• तळण्यासाठी तेल

Summer Recipe: कडाक्याच्या उन्हाळ्यात खा थंडगार कोकम आईस कँडी, चटपटीत चवीमुळे होईल रोज खाण्याची इच्छा

कृती:

• सर्वप्रथम कढईत तेल गरम करून त्यात कांदा घाला आणि सोनेरी होईपर्यंत परतून घ्या.
• त्यात आलं-लसूण पेस्ट, हिरव्या मिरच्या घालून परता. नंतर हळद, तिखट, गरम मसाला आणि मीठ घालून नीट मिसळा.
• आता मॅश केलेले चिकन घालून सर्व मिश्रण छान एकत्र करा. शेवटी कोथिंबीर घालून गॅस बंद करा.
• तयार मिश्रणाचे छोटे गोळे करून थोडे चपटे आकार द्या.
• बेसनात हळद, तिखट, मीठ घालून पाण्याच्या मदतीने गुळगुळीत घोळ तयार करा.
• कढईत तेल गरम करून प्रत्येक वडा बेसनाच्या घोळात बुडवून मध्यम आचेवर सोनेरी रंग येईपर्यंत तळा.
• पाव कापून त्यावर पुदिना हिरवी आणि लसूण चटणी लावा, मधोमध गरम वडा ठेवा आणि खाणयासाठी सर्व्ह करा.