100 वर्षे जुनी रेसिपी ‘पाकपोळा’ कधी खाल्ला आहे का? गोडवा, आठवणी आणि सणांचा खास स्वाद!

पाकपोळा हा केवळ गोड पदार्थ नसून संस्कृती, घरगुती प्रेम, आणि सणांचा गोडवा यांची सांगड घालणारी रेसिपी आहे. ती आजीच्या हातचं प्रेम, आईच्या कौशल्याचं प्रतीक आणि घरातील उत्सवाचं केंद्र असते.

भारतीय गोड पदार्थांमध्ये “पाकपोळी” ही एक पारंपरिक, श्रमपूर्वक बनवली जाणारी आणि चविष्ट अशा गोडव्याची पोळी आहे. महाराष्ट्र, कर्नाटक आणि गोवा या भागांत पाकपोळा प्रसिद्ध आहे. इथे ‘पाक’ म्हणजे साखर किंवा गूळ याचा पातळ आणि घट्ट साखर पाक आणि ‘पोळा’ म्हणजे मैद्याच्या पिठाचा तयार केलेला पोळा. साखरेच्या पाकात भिजवल्यानंतर हे चमचमीत, नरम आणि रसभरित होते.

भाऊबीजनिमित्त लाडक्या भावासाठी १० मिनिटांमध्ये बनवा तोंडात विरघळणारा इन्स्टंट पेढा, नोट करून घ्या रेसिपी

ही पारंपरिक पाककृती मुख्यतः सणासुदीच्या दिवशी, विशेषतः होळी, रथसप्तमी, दसरा किंवा वैशाखी पौर्णिमा अशा शुभ प्रसंगी बनवली जाते. पूर्वीच्या काळी आजी-आई हा पदार्थ तयार करताना स्वयंपाकघरात गोडसर वास दरवळायचा. ही पाककृती केवळ गोड खाणं नसून, एक संस्कार बनते. या पाककृतीसाठी संयम, मेहनत आणि थोडी कौशल्याची गरज असते, पण एकदा ती तयार झाली की, तिची चव मनात कायमची ठसते. चला सणानिमित्त पुन्हा ही रेसिपी घरी तयार करून जुन्या आठवणींना नव्याने उजाळा देऊया.

साहित्य:

• मैदा – १ वाटी
• साखर – १ कप
• दही – २ चमचे
• पाणी – १/२ कप
• लिंबाचा रस – १ चमचा (साखर पाक क्रिस्टलाइज होऊ नये म्हणून)
• बेकिंग सोडा
• आरारोट पावडर
• वेलचीपूड
• ड्रायफ्रुट्स – सजवण्यासाठी ऑप्शनल (ऑप्शनल)
• तेल / तूप

5 मिनिटांत बनवा हटके आणि हेल्दी ‘ढोकळा चाट’; पारंपारिक स्वादाला झणझणीत ट्विस्ट

कृती:

• यासाठी सर्वप्रथम एका वाडग्यात एक कप मैदा घ्या
• यांनतर मैद्यात साधारण दोन चमचे दही मिक्स करून मिश्रण तयार करून घ्या आणि १५ मिनिटे बाजूला ठेवून द्या
• आता आपल्याला पाक तयार करण्यासाठी कढईत एक वाटी साखर आणि अर्धा वाटी पाणी घालून गॅसवर शिजवा
• साखरेचा हा पाक तयार होत असतानाच आपल्याला यात लिंबाचा रस घालायचा आहे
• घट्ट एकतारी पाक तयार झाला की यात वेलची पावडर मिसळा आणि गॅस बंद करा
• आता तयार मैद्याच्या मैद्याच्या मिश्रणात आरारोट पावडर आणि बेकिंग पावडर मिक्स करायची आहे, ही पावडर तुम्हाला बाजारात सहज उपलब्ध होईल
• गॅसवर एक कढई ठेवून त्यात तेल अथवा तूप गरम करत ठेवा
• गरम होताच तयार पिठाचे पसरदार गोल गोळे तेलात सोडा, अगदी पॅनकेकप्रमाणे तुम्हाला ते तयार करायचे आहेत
• दोन्ही बाजूंनी छान तळून झाल्यानंतर यांना एका प्लेटमध्ये काढा आणि मग यांना साखरेच्या पाकात भिजवून बाहेर काढा
• फार वेळ याला पाकात भिजवून ठेवू नका, वरून ड्रायफ्रूट्सने सजवून तयार पाकपोळा खाण्यासाठी सर्व्ह करा