महाराष्ट्राचा फेमस अन् पारंपरिक पदार्थ ‘मासवडी’ कधी खाल्ला आहे का? श्रावणात घरी बनवाच हा व्हेज पदार्थ

मासवडी हा महाराष्ट्राचा एक फेमस पारंपरिक पदार्थ आहे जो पुण्यातील काही तालुक्यांमध्ये आवडीने खाल्ला जातो. यात सारणाचे भरलेली बेसनाची वडी असते जिला झणझणीत रस्सासोबत खाण्यासाठी सर्व्ह केले जाते.

श्रावण उद्यापासून सुरु होणार आहे अशात अनेकांच्या घरी आता मांसाहाराला बंदी आहे. याकाळात अनेकांच्या घरी शाकाहारी जेवणाचा घाट घातला जातो. हार्ट कोर नॉनव्हेज लव्हर्सना तर हा महिना म्हणजे त्यांच्या जीवनातील सर्वात कठीण काळ वाटतो. तसेच रोज रोज शाकाहारात काय बनवावे असा प्रश्न अनेकांना पडतो आणि म्हणूनच आज आम्ही तुमच्यासाठी एक चविष्ट आणि पारंपरिक अशी शाकाहारी डिश घेऊन आलो आहोत जिच्या चवीने घरातील सर्वच होतील खुश.

Raksha Bandhan 2025 : नव्या आणि चवदार पदार्थाने वाढवा नात्याचा गोडवा; घरी बनवा गोड, मऊ अशी Mishti Doi

मासवडी ही एक पारंपरिक महाराष्ट्रीयन पदार्थ, विशेषतः पुणे जिल्ह्यातील काही तालुक्यांमध्ये प्रसिद्ध आहे. जुन्नर, आंबेगाव, राजगुरुनगर आणि शिरूर या तालुक्यांमध्ये मासवडी मोठ्या आवडीने खाल्ली जाते. ही खासकरून सण, उत्सव किंवा लग्नसराईत केली जाते. यात बेसनाच्या वड्या बनवून त्या झणझणीत सारत मिसळल्या जातात आणि गरमा गरम भाकरीसोबत याची चव घेतली जाते. चला तर मग यासाठी लागणारे साहित्य आणि कृती जाणून घेऊया.

मासवाडी साहित्य : 

• दोन वाटी बेसन पीठ
• १ वाटी पाणी
• अर्धा चमचा तिखट
• अर्धा चमचा हळद
• चवीपुरतं मीठ
• अर्धा टी-स्पून ओवा
• जिरं, चिरलेली कोथिंबीर
• कढीपत्ता
• तेल

सारणाचं साहित्य :

• अर्धी वाटी दाण्याचं कूट
• पाववाटी किसलेले सुके खोबरे
• दोन चमचे वाटलेला लसूण
• चार चमचे तीळाचं कूट
• तिखट
• मीठ
• दोन चमचे खसखस भाजून कुटून घ्यावी

See more

नेहमीच भाजी काय बनवावी सुचत नाही? मग झटपट बनवा डाळिंब्यांची उसळ, श्रावणातील पारंपरिक रेसिपी

कृतीः

• प्रथम बेसनपीठ कोरडं भाजून बाजूला ठेवावं.
• गॅसवर कढई ठेवून तेलावर जिरे-ओव्याची फोडणी देऊन हळद, मीठ, तिखट, भाजलेलं बेसनपीठ, पाणी घालून छान हलवून घ्यावं.
• गॅस थोडा मंद करून हे मिश्रण थोडा वेळ शिजू द्यावं.
• पुन्हा पाच मिनिटांनी हलवून त्यात थोडी चिरलेली कोथिंबीर घालावी.
• घट्ट पिठल्यासारखं मिश्रण शिजलं की गॅस बंद करून झाकून ठेवावं.
• त्यानंतर एक स्वच्छ सुती रुमाल पाण्यात भिजवून पाटावर अंथरून त्यावर वरील पिठल्याचा एक गोळा ठेवून
• गरम असतानाच भाकरीसारखा थापावा.
• त्यावर निम्मं सारण एकत्र करून पसरावं. रश्श्यासाठी दोन चमचे सारण बाजूला ठेवावं.
• सारण आत बसेल, अशा प्रकारे रुमालाबरोबरच त्याचा रोल करावा. रोल करता करताच रुमाल बाहेर काढावा.
• नंतर सुरीनं त्याच्या माशाच्या आकाराच्या वड्या पाडाव्यात.

रस्सा :

• वड्यासाठी तयार केलेल्या कढईत आतल्या बाजूला उरलेल्या पिठामध्येच तेलावर कढीपत्ता, जिरे-मोहरीची फोडणी द्यावी.
• नंतर त्यात सारण, तिखट, मीठ, हळद, हिंग आणि एक ग्लास पाणी ओतून शिजू द्यावे.
• मिश्रण छान उकळल्यानंतर गॅस बंद करावा. नंतर वडीवर रस्सा घालून गरमगरम सर्व्ह करावे.