Raksha Bandhan 2025 : नव्या आणि चवदार पदार्थाने वाढवा नात्याचा गोडवा; घरी बनवा गोड, मऊ अशी Mishti Doi

रक्षाबंधनाच्या शुभेच्छा! भावासाठी थोडी मेहनत होऊन जाऊदे... याने प्रेमाचा गोडवाही वाढेल आणि घरातील सर्वांना तुमचा हेवाही वाटेल. गोड आठवणींसोबत तोंडात नेहमीच रेंगाळत राहील ही मऊ मिष्टी डोई! रेसिपी नोट करायला विसरू नका.

(फोटो सौजन्य: Pinterest)

Follow Us:

Follow Us:

भावा-बहिणीच्या नात्याला समर्पित रक्षाबंधन हा सण देशात साजरा होणार एक महत्त्वाचा सण आहे. यंदा ९ ऑगस्ट रोजी हा साजरा केला जाणार आहे. या दिवशी बहीण आपल्या भावाचे औक्षण करत त्याच्या मनगटावर एक सुंदर राखी बांधते आणि भाऊ आपल्या बहिणीला नेहमी तुझं रक्षण करिन हे वाचन देतो. या दिवशी एकमेकांना भेटवस्तू देण्याचीही प्रथा आहे. सण म्हटलं की, घरी गोडा-धोडाचं जेवण हे बनतच अशात आज आम्ही तुमच्यासाठी गोडाची एक नवीन आणि मधुर अशी रेसिपी घेऊन आलो आहोत जी तुम्ही तुमच्या भावासाठी तयार करू शकता.

१० मिनिटांमध्ये घरी बनवा लोणावळा स्पेशल चॉकलेट फज,चवीसोबत आरोग्यासाठी सुद्धा गुणकारी

रक्षाबंधन हा भावंडांच्या प्रेमाचा आणि स्नेहाचा सण! या खास दिवशी काही गोड आणि खास बनवलं गेलं पाहिजे. बंगालची प्रसिद्ध पारंपरिक गोड डीश – मिष्टी डोई (Mishti Doi) सणाच्या निमित्ताने एक परफेक्ट गोड पदार्थ आहे. कमी साहित्यात आणि कमी वेळात तयार होणारी ही गोड डेझर्ट तुमच्या रक्षाबंधनाला खास गोडीने भरून टाकेल. ही डिश चवीला गोड आणि मऊसर अशी असते. आम्हाला खात्री आहे की, हा पदार्थ तुमच्या खास दिवसाची रंगत आणखीनच वाढवेल आणि तुमच्या भावाला खुशही करेल. चला नोट करूयात साहित्य आणि कृती.

साहित्य:

• फुल फॅट दूध – 1 लिटर
• साखर – 200 ग्रॅम (आवडीनुसार कमी-जास्त करू शकता)
• दही – 2 टेबलस्पून (जिवंत संस्कृतीसह)
• इलायची पूड – ½ टीस्पून (ऐच्छिक)

Nagpanchami 2025 : पारंपरिक मिठाईने होईल सण साजरा; घरी बनवा गोडसर ‘पुरणाचे दिंड’

कृती:

• मिष्टी डोई तयार करण्यासाठी सर्वप्रथम दूध एका जाड बुडाच्या भांड्यात दूध गरम करून ते अर्धं होईपर्यंत उकळत ठेवा. सतत हलवत रहा जेणेकरून दूध खाली लागणार नाही.
• एका दुसऱ्या पातेल्यात साखर गरम करत कॅरॅमलाइझ करा. ती थोडीशी तपकिरी रंगाची झाली की त्यात गरम
• दूध टाका. (सावधगिरी बाळगा, उकळी येऊ शकते.)
• हे दूध थंड होऊ द्या, म्हणजे कोमट होईपर्यंत थांबा.
• कोमट झाल्यावर त्यात 2 टेबलस्पून तयार दही मिसळा. चांगलं ढवळून घ्या.
• हे मिश्रण मातीच्या किंवा काचेच्या भांड्यात ओता. झाकण ठेवून उबदार ठिकाणी 6–8 तासासाठी किंवा रात्रीभर ठेवा.
• दही व्यवस्थित सेट झालं की ते फ्रीजमध्ये ठेवा. थंड गार मिठी डोई सर्व्ह करा.
• सजावटीसाठी वरून थोडंसा ड्रायफ्रूट्स किंवा इलायची पूड भुरभुरा.
• रक्षाबंधनला भावासाठी एक खास घरगुती डेझर्ट बनवायचं असेल तर ही रेसिपी नक्की ट्राय करा.
• मातीच्या भांड्यात जमवलेली मिठी डोई अधिक चविष्ट लागते

Web Title: Rakshabandhan 2025 festival special make sweet and tasty mishti doi at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com