महिलांमध्ये थायरॉईड झाल्यानंतर कोणती लक्षणे दिसतात? जाणून घ्या उपाय

चुकीच्या जीवनशैलीचा परिणाम आरोग्यावर लगेच दिसून येतो. महिलांमध्ये थायरॉईडचे प्रमाण वाढल्यामुळे चिंता व्यक्त केली जात आहे. हा एक सामान्य आजार असला तरीसुद्धा आरोग्यसंबंधित गंभीर समस्या थायरॉईड उद्भवतात. त्यामुळे पुढील लक्षणे दिसू लागल्यास डॉक्टरांच्या सल्ल्याने योग्य ते औषध उपचार करून आरोग्याची काळजी घ्यावी. तसेच आहारात शरीराला आवश्यक असलेल्या पदार्थांचे सेवन करावे.थायरॉईड असलेल्या लोकांनी गहू किंवा बेकरी पदार्थांचा आहारात समावेश करू नये.

सर्वच महिलांमध्ये थायरॉईड हा आजार आढळून येतो. पुरुषांपेक्षा जास्त महिला थायरॉईड सारख्या गंभीर आजाराने त्रस्त आहेत. हा आजार शरीरातील हार्मोनल असंतुलित झाल्यानंतर उद्भवतो. घशामध्ये थायरॉईड ग्रंथी असते, जी हार्मोन्स तयार करण्यासाठी मदत करते. पण काही कारणांमुळे शरीरातील अंतःस्रावी ग्रंथीच्या कार्यक्षमतेवर परिणाम होण्यास सुरुवात होते आणि हार्मोनल असंतुलित होऊन जातात.यामुळे थायरॉईड हा आजार होतो. थायरॉईड झाल्यानंतर आरोग्यसंबंधित अनेक समस्या निर्माण होतात. त्यामुळे आरोग्याची काळजी घेणे आवश्यक आहे. थायरॉईड झाल्यानंतर शरीरामध्ये अनेक छोटे छोटे बदल घडून येतात. हे बदल पुढे जाऊन मोठे होण्याची शक्यता असते. त्यामुळे योग्य वेळी थायरॉइडवर लक्ष दिले नाही तर गंभीर आजार होऊ शकतात.आज आम्ही तुम्हाला थायरॉईडचे नेमकी किती प्रकार आहेत? शरीरात कोणती लक्षणे दिसून येतात? याबद्दल सविस्तर माहिती सांगणार आहोत.(फोटो सौजन्य-istock)

थायरॉइडचे प्रकार:

थायरॉईडचे दोन प्रकार आहेत. त्यातील एक म्हणजे ‘हायपरथायरॉईडीझम’ आणि ‘हायपोथायरॉईडीझम’

हे देखील वाचा: उभं राहून पाणी पिता? मग थांबा, जाणून घ्या पाणी पिण्याची योग्य पद्धत

थायरॉईडची लक्षणे:

• वजन कमी होणे
• केस गळणे
• मासिक पाळीमध्ये अडथळा निर्माण होणे
• सतत मूड स्विंग होणे
• स्नायू आणि सांधेदुखी
• शरीरामध्ये सतत थंडावा उष्णता जाणवणे
• मानेला किंवा घश्याला सूज येणे

हे देखील वाचा: सतत केस गळून पातळ झाले आहेत? तर ‘हे’ योग नक्की करून पहा

थायरॉईड नियंत्रणात ठेवण्यासाठी ‘या’ टिप्स फॉलो करा:

• वाढलेला थायरॉईड नियंत्रणात ठेवण्यासाठी आहारात आयोडीन, जस्त, जीवनसत्त्व -डी,जीवनसत्त्व -बी, मॅग्नेशियम आणि सेलेनियम यांसारख्या पोषक घटकांचा आहारात समावेश करा.
• थायरॉईड नियंत्रणात ठेवण्यासाठी आहारात सफरचंद, विटामिन सी युक्त पदार्थांचे सेवन करा.तसेच ब्राऊन राइस थायरॉईड कमी करण्याचे काम करतो.
• थायरॉईड असलेल्या लोकांनी गहू किंवा बेकरी पदार्थांचा आहारात समावेश करू नये. यामुळे हा आजार आणखीन वाढू लागतो.
• बदाम, अक्रोड आणि ब्राझील नट्स थायरॉईडसाठी योग्य आहेत. त्यामुळे या पदार्थांचा तुम्ही आहारात समावेश करू शकता.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.