हातापायांना कायमच सूज येते? किडनीपासून हृदयापर्यंत ‘या’ कारणांमुळे पायाला येऊ शकते सूज
हातापायांना सूज येण्याची कारणे?
रक्तभिसरणात कशामुळे अडथळे निर्माण होतात?
शरीरात कोणत्या कारणांमुळे पाणी साचून राहते?
Health Care Tips: धावपळीची जीवनशैली, कामाचा वाढलेला तणाव, जंक फूडचे अतिसेवन, पोषक घटकांची कमतरता आणि शरीरात होणाऱ्या बदलांकडे वारंवार दुर्लक्ष केल्यामुळे आरोग्य बिघडण्याची जास्त शक्यता असते. कामाच्या धावपळीमध्ये आरोग्याकडे जास्त लक्ष दिले जात नाही. वारंवार हातापायांना सूज येणे, खूप जास्त थकल्यासारखे वाटते, अशक्तपणा इत्यादी लक्षणे दिसू लागल्यानंतर सुद्धा उपचार केले जात नाहीत. यामुळे छोटे आजार गंभीर स्वरूप घेतात. त्यामुळे शरीरात दिसून येणाऱ्या लक्षणांकडे दुर्लक्ष न करता वेळीच उपचार करणे फार आवश्यक आहे. किडनीचे आजार, शरीरात जास्त द्रव साचणे, रक्ताभिसरणातील अडथळे किंवा आरोग्यासंबंधित समस्यांमुळे हातापायांना सूज येते. सूज आल्यानंतर काहींना वेदना, लालसरपणा किंवा श्वास घेण्याचा सुद्धा त्रास होतो.(फोटो सौजन्य – istock)
तासनतास एका जागेवर बसून राहणे किंवा उभं राहिल्यामुळे पायांना सूज येऊ शकते. पण वारंवार पायांना सूज येत असेल तर दुर्लक्ष करू नये. पायांमधील रक्तभिसरणात अडथळे निर्माण झाल्यानंतर किंवा पायांमध्ये द्रव पदार्थ साचून राहिल्यानंतर पाय टम्म फुगलेले दिसतात. याशिवाय प्रवास करताना किंवा दिवसभर उभं राहिल्यामुळे पायांच्या धोट्यांजवळ सूज येते. ही सूज जास्त दिवस टिकून राहिल्यास डॉक्टरांच्या सल्ल्याने उपचार करावेत. आहारात अतिप्रमाणात मिठाचे सेवन केल्यानंतर किडनीच्या आरोग्यावर परिणाम होतो आणि शरीरात सोडियमची पातळी वाढते. सतत प्रक्रिया केलेले किंवा जास्त वेळ स्टोर करून ठेवलेले पदार्थ चवीला चांगले लागतात, पण यामुळे शरीरावर दीर्घकालीन परिणाम होण्याची शक्यता असते.
कायमच निरोगी राहण्यासाठी शरीराला पोषक घटकांची आवश्यकता असते. पण काहीवेळा आहारात होणाऱ्या बदलांमुळे पोषक घटकांची कमतरता निर्माण होऊन हातापायांना सूज येणे, स्नायूंमध्ये वेदना इत्यादी लक्षणे दिसू लागतात. रक्तातील अल्ब्युमिनसारख्या प्रथिनांची पातळी कमी झाल्यानंतर शरीरातील द्रव रक्तवाहिन्यांमध्ये साचून राहतात. यामुळे हात किंवा पायांना सूज येते. संबंधित लक्षणे शरीरात दिसू लागल्यानंतर तातडीने डॉक्टरांच्या सल्ल्याने उपचार करणे फार आवश्यक आहे.
शरीरामध्ये पाण्याची किंवा सोडियमची पातळी वाढल्यानंतर किडनीच्या आरोग्यावर थेट परिणाम होतो. शरीरातील द्रव पदार्थ खालच्या बाजूला साचून राहतात. ज्याच्या परिणामामुळे हात, पाय, घोटे किंवा चेहऱ्याला सूज येते. किडनीच्या आजारांची लागण झाल्यानंतर सुरुवातीच्या दिवसांमध्ये दिसून येणारे मुख्य लक्षण म्हणजे सूज येणे. नेहमीच झोपेतून उठल्यानंतर पायांमध्ये सूज दिसत असेल तर दुर्लक्ष न करता वेळीच उपचार करावेत.
Ans: शरीरात द्रव साचणे, जास्त वेळ उभे राहणे किंवा बसणे, काही औषधे, शिरांमधील रक्तप्रवाहातील समस्या तसेच किडनी, हृदय किंवा यकृताशी संबंधित आजारांमुळे सूज येऊ शकते.
Ans: किडनी शरीरातील अतिरिक्त द्रव आणि सोडियम बाहेर काढण्याचे काम करते. किडनीचे कार्य बिघडल्यास शरीरात द्रव साचू शकतो आणि पाय, घोटे किंवा इतर भागांमध्ये सूज दिसू शकते.
Ans: होय. काही हृदयविकारांमध्ये हृदयाची रक्त पंप करण्याची क्षमता कमी झाल्यास शरीरात द्रव साचू शकतो. त्यामुळे विशेषतः पाय आणि घोट्यांमध्ये सूज दिसू शकते.
.png "Videos"){kind=small}
