नियमित योगा करताना चुकूनही करू नका ‘या’ चुका, संपूर्ण शरीरावर दिसून येतील गंभीर परिणाम

अतिउत्साहात अनेक लोक शारीरिक हालचालींमध्ये वाढ करत योगासने करतात. पण चुकीच्या पद्धतीने योगासने केल्यास शरीराला इजा पोहचण्याची शक्यता असते. जाणून घेऊया योगासने करताना कोणत्या चुका करू नये, यामुळे शरीराचे होईल गंभीर नुकसान

निरोगी आरोग्यासाठी सकाळी उठल्यानंतर किंवा वेळ मिळेल तेव्हा योगासने, प्राणायाम करणे आवश्यक आहे. यामुळे शरीरात अनेक सकारात्मक बदल दिसून येतात. नियमित योगासने केल्यामुळे हाडांचे आरोग्य निरोगी राहते, त्वचा सुधारते, शरीराचा रक्तप्रवाह सुधारतो इत्यादी अनेक फायदे शरीराला होतात. त्यामुळे नियमित सकाळी उठल्यानंतर योगासने किंवा प्राणायाम करावे. मात्र अनेकदा काही लोक योगासने करताना बऱ्याच चुका करतात. चुकीची योगासने केल्यामुळे शरीराच्या कार्यात अडथळे निर्माण होण्याची शक्यता असते. त्यामुळे योगा करताना आरोग्याची काळजी घेणे आवश्यक आहे. आज आम्हीबी तुम्हाला योगासने करताना कोणत्या चुका करू नये, याबद्दल सविस्तर माहिती सांगणार आहोत. या चुका केल्यास शरीरातील हाडांचे आणि इतर अवयवांचे नुकसान होऊ शकते.(फोटो सौजन्य – iStock)

उन्हाळ्याच्या दिवसांमध्ये लघवी करताना सतत आग होते? ‘या’ बियांचे पाणी पिऊन तात्काळ मिळवा आराम, काही मिनिटांमध्ये पडेल फरक

योगासने करताना कोणत्या चुका करू नये:

सांध्यांवर जास्त भार देणे:

योगासने करताना सांध्यांवर जास्त भार देऊ नये. कारण शरीराचे स्नायू अतिशय लवचिक असतात. गुडघ्यांच्या सांध्याला आधार देण्यासाठी आणि गुडघ्यांची झीज टाळण्यासाठी पायांना लॉक करण्याऐवजी मऊपणा ठेवणे महत्वाचे आहे. त्यामुळे योगासने करताना स्वतःच्या आरोग्याची योग्य काळजी घेत योगा करावा. योगा करायला जाताना योग गुरूंच्या सल्ल्यानेच योगासने करावीत. कारण चुकीच्या योगासनांमुळे शरीरातील स्नायूंना इजा पोहचते.

घट्ट कपडे घालू नयेत:

योगासने करताना शरीरातील हवा खेळती राहील असे कपडे परिधान करावे. त्यामुळे महिलांसह पुरुष देखील योगासने करताना सैल टीशर्ट आणि पॅन्ट घालतात. यामुळे शरीराला कोणताही त्रास होत नाही. टाईट कपडे घातल्यानंतर बऱ्याचदा शरीराला मोकळी हवा मिळत नाही, ज्यामुळे योगासने करताना शरीरातील अवयवांना इजा होऊ शकते.

वॉर्म अप न करणे:

योगासने. जिम किंवा कोणतेही प्राणायाम करताना वॉर्म अप करणे आवश्यक आहे. पण अनेक लोक घाईगडबडीमध्ये वॉर्म अप न करता योगासने आणि जिम करण्यास सुरुवात करतात. असे केल्यामुळे संपूर्ण शरीर दुखू लागते. वॉर्म अप न केल्यामुळे शरीरातील स्नायू आखडून जातात. याशिवाय शारीरिक हालचाली करताना अनेक समस्या उद्भवू लागतात. वॉर्म अप न केल्यामुळे शरीराला दुखापत होऊ शकते.

गुटखा, तंबाखू खाऊन लाल भडक झालेले दात स्वच्छ करण्यासाठी ‘या’ घरगुती पदार्थांचा करा वापर, अंधारातही चमकतील दात

पोट भरलेले असताना योग करणे:

जेवल्यानंतर किंवा सकाळी नाश्ता केल्यानंतर योगासने करू नये. कारण जेवल्यानंतर लगेच योगासने केल्यामुळे शरीरातील अन्नपदार्थ लवकर पचन होत नाही. त्यामुळे योगासने केल्यानंतर २ ते ३ तासांनी योगासने करावीत.यामुळे शरीराला अनेक फायदे होतात.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.