Healthy Salad Recipe: डाएट करणाऱ्यांसाठी स्पेशल रेसिपी! पेरूपासून झटपट बनवा टेस्टी हेल्दी सॅलड, सगळेच खातील आवडीने

Healthy salad Recipe: पेरूमध्ये तंतू, विटामिन सी आणि काही महत्त्वाची अँटीऑक्सिडंट्स असतात. त्यामुळे आठवड्यातून एकदा तरी आहारात पेरुचा समावेश करावा. चला तर जाणून घेऊया पेरुचे सॅलड बनवण्याची सोपी रेसिपी.

Healthy Salad Recipe: वजन वाढेल या भीतीने अनेकजण सकाळचा नाश्ता करणे टाळतात. पण सकाळच्या वेळी पोटभर नाश्ता करणे फार आवश्यक आहे. उपाशी राहिल्यामुळे शरीराला गंभीर आजारांची लागण होऊ शकते. त्यामुळे सकाळच्या वेळी पोटभर नाश्ता करावा. नाश्त्यात कायमच उपमा, कांदापोहे खाऊन कंटाळा आल्यास काहींकाही टेस्टी खाण्याची ईच्छा झाल्यास पेरुचे सॅलड बनवू शकता. पेरुचे सॅलड चवीला अतिशय सुंदर लागते. पेरूमध्ये तंतू, विटामिन सी आणि काही महत्त्वाची अँटीऑक्सिडंट्स असतात. पेरु खाल्यामुळे पचनक्रिया सुरळीत राहण्यास मदत होते. यामध्ये असलेल्या विटामिन सी मुळे शरीराची रोगप्रतिकारक क्षमता सुधारते आणि त्वचेच्या आरोग्यासाठी सुद्धा भरमसाट फायदे होतात. वजन कमी करण्यासाठी तासंतास व्यायम करण्याऐवजी आहारात बदल करणे आवश्यक आहे. चला तर जाणून घेऊया पेरुचे सॅलड बनवण्याचा कृती.(फोटो सौजन्य – pinterest)

Pitru Paksha: पितृपक्षातील जेवण होईल खास! पारंपरिक पद्धतीने बनवा विदर्भ स्पेशल कढी, नोट करा रेसिपी

साहित्य:

• पेरु
• काकडी
• गाजर
• डाळिंब
• कोथिंबीर
• पुदिना
• लिंबू
• जिऱ्याची पावडर
• मीठ
• शेंगदाणे
• हिरवी मिरची

Recipe : विकेंडसाठी खास, अशाप्रकारे बनवा कुरकुरीत आणि टेस्टी ‘चिकन पकोडा’ ‘

कृती:

• पेरुचे सॅलड बनवण्यासाठी, काकडी, पेरु, गाजर पाण्याने स्वच्छ धुवून घ्या. त्यानंतर काकडी, गाजरची साल काढून बारीक तुकडे करा.
• डाळिंबाचे दाणे काढा. पेरुही लांब पातळ तुकडे करा. सॅलड बनवताना पेरु पू्र्णपणे पिकलेला घेऊ नये, अर्धवट कच्चा पेरु घ्यावा.
• मिक्सरच्या भांड्यात ताजी निवडलेली कोथिंबीर, पुदिना, जिरं, हिरव्या मिरचीचे तुकडे घालून बारीक पेस्ट बनवा.
• मोठ्या वाटीमध्ये कापून घेतलेली काकडी, पेरु, गाजर, डाळिंबाचे दाणे घालून एकत्र मिक्स करा.
• त्यानंतर त्यात तयार केलेली चटणी घालून मिक्स करा. त्यानंतर वरुन चवीनुसार मीठ, चाट मसाला आणि लिंबाचा रस घालून व्यवस्थित मिक्स करा.
• तयार आहे सोप्या पद्धतीने बनवलेले पेरुचे सॅलड. हा पदार्थ सकाळच्या नाश्त्यात सुद्धा खाऊ शकता.