आरोग्याची चिंता सोडा आवडीने मुलांना खाऊ घाला गव्हाच्या पिठाचा चविष्ट पिझ्झा; रेसिपी नोट करा

Wheat Pizza Recipe : मैद्याच्या पिठाला हेल्दी टच देत तुम्ही यापासून टेस्टी पण तितकाच चविष्ट असा मजेदार पिझ्झा तयार करु शकता. हा पिझ्झा चवीबरोबरच आपल्या आरोग्याचीही काळजी घेईल आणि घरातल्यांना खुशही करेल.

• गव्हाच्या पिठाचा पिझ्झा
• हेल्ही पण चविष्ट रेसिपी
• पदार्थाची करेल खुश

घरच्या घरी बनवलेला पिझ्झा म्हटला की त्याचा सुगंध, त्याची नरम आणि खमंग चीजची थर-थर, ताज्या भाज्यांचा स्वाद आणि कुरकुरीत बेस हे सर्व मिळून एक अप्रतिम अनुभव तयार करतात. बहुतांश वेळा आपण बाजारातील मैद्याचा पिझ्झा खातो, पण तो पचायला जड असतो. म्हणूनच अनेकजण घरच्या घरी गव्हाच्या पीठाचा (Wheat) हेल्दी पिझ्झा बनवण्यावर भर देतात. गव्हाचे पीठ पोषक, पचायला हलके, आणि घरातील सर्वांसाठी योग्य. हा पिझ्झा मुलांना, मोठ्यांना आणि अगदी ज्येष्ठांनाही आवडतो.

हिवाळ्यात घरी बनवा चटकदार मुळ्याची चटणी, रेसिपी आहे फार सोपी

गव्हाच्या पीठाचा पिझ्झा बनवताना सर्वात महत्त्वाचा भाग म्हणजे त्याचे पीठ कणिकसारखे मळणे. हे पीठ चांगले उठले की पिझ्झाबेस नरम, आतून हलका आणि बाहेरून थोडासा कुरकुरीत होतो. त्यावर घालायच्या भाज्या आपण आपल्या आवडीप्रमाणे निवडू शकतो. कांदा, टोमॅटो, शिमला मिरची, कॉर्न, ऑलिव्ह, मशरूम किंवा अगदी पनीरही. तसेच घरी बनवलेला पिझ्झा सॉस पिझ्झाच्या चवीला अजून उठाव देतो. चला जाणून घेऊया गव्हाचा पिझ्झा बनवण्यासाठी लागणारे साहित्य आणि कृती.

साहित्य

• बेससाठी साहित्य
• गव्हाचे पीठ – 2 कप
• कोमट पाणी – ¾ कप
• साखर – 1 टीस्पून
• ड्राय यीस्ट – 1 टीस्पून
• मीठ – ½ टीस्पून
• तेल – 2 टेबलस्पून

पिझ्झा सॉससाठी साहित्य

• टोमॅटो प्युरी – ½ कप
• लसूण – 3 ते 4 पाकळ्या (बारीक चिरलेले)
• टोमॅटो केचप – 1 टेबलस्पून
• तिखट/चिली फ्लेक्स – ½ टीस्पून
• ऑरेगॅनो – ½ टीस्पून
• मीठ – चवीनुसार
• तेल – 1 टीस्पून

टॉपिंग्ससाठी साहित्य

• कांदा – गोल काप
• टोमॅटो – गोल काप
• शिमला मिरची – स्लाइस
• स्वीट कॉर्न – 2 टेबलस्पून
• ऑलिव्ह – पर्यायी
• मोजरेला चीज – आवश्यकतेनुसार
• चिली फ्लेक्स, ऑरेगॅनो – वरून भुरभुरण्यासाठी

संध्याकाळी भूक लागल्यानंतर काय खावं सुचत नाही? मग १० मिनिटांमध्ये झटपट बनवा रव्याचा उत्तपा, लहान मुलं खातील आवडीने

 कृती 

• यासाठी सर्वप्रथम एका वाटीत कोमट पाणी घ्या. त्यात साखर आणि ड्राय यीस्ट घालून व्यवस्थित मिसळा. 10 मिनिटे बाजूला ठेवा. यीस्ट फेसाळले की ते सक्रिय झाले असे समजा.
• मोठ्या भांड्यात गव्हाचे पीठ, मीठ आणि तेल घाला.
• आता यीस्टचे पाणी थोडेथोडे घालत पीठ मऊसर मळून घ्या.
• हे पीठ 1 तास झाकून ठेवा, जेणेकरून ते फुलेल.
• 1 तासानंतर पीठ दुप्पट झालेले दिसेल. आता हाताने पुन्हा थोडे मळून घ्या.
• आता कढईत तेल गरम करा
• त्यात लसूण घालून थोडे परतवा.
• आता टोमॅटो प्युरी, केचप, मीठ, तिखट, ऑरेगॅनो घालून 4–5 मिनिटे शिजवा.
• सॉस घट्ट झाला की गॅस बंद करा.
• ओव्हन 180°C वर प्रीहीट करा. (ओव्हन नसेल तर गॅसवर तवा वापरू शकता.)
• पीठाचा गोळा घेऊन गोल आकारात पिझ्झाबेस लाटून घ्या.
• त्यावर काट्याने हलकेसे छिद्र करा जेणेकरून बेस फुगणार नाही.
• बेसवर पिझ्झा सॉसची उत्तम थर लावा.
• आता सर्व भाज्या कांदा, टोमॅटो, शिमला मिरची, कॉर्न, ऑलिव्हचे तुकडे पसरवा.
• वरून भरपूर मोजरेला चीज घाला.
• तयार पिझ्झा 12–15 मिनिटे बेक करा किंवा चीज वितळून बेस सोनेरी होईपर्यंत शिजवा.
• तयार झालेला खमंग, हेल्दी, स्वादिष्ट गव्हाच्या पीठाचा व्हेज पिझ्झा चिली फ्लेक्स आणि ऑरेगॅनो भुरभुरून गरमागरम सर्व्ह करा.