गरुड पुराणात लिहून ठेवलाय मोडलेल्या हाडांवर खात्रीशीर उपाय; वेदना कमी करण्यासाठी प्राचीन आणि दैवी पद्धतींची मदत घ्या

Garuda Purana Remedy : गरुड पुराणात फक्त जन्म-मृत्यूविषयीच नाही तर घरगुती उपाय आणि औषधांविषयीही अनेक गोष्टी स्पष्ट करण्यात आल्या आहेत. यात तुटलेल्या हाडांवर प्रभावी आणि प्राचीन उपाय नमूद करण्यात आला आहे.

• गरुड पुराणात अनेक गूढ दडलेले आहेत
• यात उपचार आणि औषधांचीही माहिती देण्यात आली आहे
• गरुड पुराणात तुटलेल्या हाडांसाठी घरगुती उपाय नमूद करण्यात आला आहे

हिंदू धर्मात गरुड पुराणाला फार महत्त्व आहे. यामध्ये भगवान विष्णू आणि पक्षीराज गरुड यांच्यातील संवादातून जीवनाविषयीच्या अनेक गोष्टी नमूद करण्यात आल्या आहेत. अनेकांना असं वाटतं की, गरुण पुराणात फक्त मृत्यू आणि पुनर्जन्मासंबंधित गोष्टी लिहिलेल्या आहेत पण तसं नाही. आम्ही तुम्हाला सांगतो की, यात . गरुड पुराणात उपचार आणि औषधांशी संबंधित मौल्यवान ज्ञान देखील पुरवण्यात आले आहे. हजारो वर्षांपूर्वी, जेव्हा वैद्यकीय सुविधा नव्हत्या तेव्हा देखील लोकांवर उपचार केले जायचे. हे उपचार कसे तर गरुड पुराणासारख्या शास्त्रीय ग्रंथांची मदत घेऊन उपचार केले जायचे.

हिवाळ्यात लोणचं खाण्याचे आहेत चमत्कारी फायदे; आता कोणत्याही गिल्टशिवाय करा सेवन, आयुर्वेद एक्सपर्टने केलं स्पष्ट

आजच्या आधुनिक जगात अनेक आजारांवर उपचार शोधले गेले आहेत पण या महागाईच्या जगात अनेकांना हे उपचार घेणे, डाॅक्टरांची फी परवडत नाही. आताच्या जगात काही किरकोळ त्रास जरी असेल तर हजारोंचे बिल डाॅक्टर आपल्या समोर आणून ठेवतो. अशात बरेच लोक लहान-सहान दुखापतींसाठी डाॅक्टरकडे नाही घरगुती उपाचांवर जास्त अवलंबून असतात. वयोमानानुसार, आपल्या हाडांमध्ये तीव्र वेदना होऊ लागतात. या वेदना कधीकधी इतक्या असहाय्य होतात की कोणत्याच गोष्टीत आपले मन लागत नाही. गरुड पुराणात तुटलेल्या हाडांसाठी घरगुती उपाय नमूद करण्यात आले आहेत. या उपायाच्या मदतीने तुम्ही घरीच तुमच्या हाडांवर उपचार करु शकता.

गरुड पुराणानुसार, लसूण, मध, नास (अधुजा) आणि तूप यांची पेस्ट बनवून ती तुटलेल्या किंवा तुटलेल्या हाडांवर लावल्याने लवकर आराम मिळतो. याव्यतिरिक्त, त्रिफळा, त्रिकतु (सुके आले, काळी मिरी) यांचे मिश्रण समान प्रमाणात मिसळून घेतल्याने देखील फ्रॅक्चर झालेली हाडे बरी होऊ शकतात. हे औषधी मिश्रण सूज आणि वेदना कमी करते आणि हाडांच्या उपचारांना गती देते.

ॲसिडिटीमुळे सतत करपट ढेकर- जळजळ होते? जेवणानंतर ‘या’ बारीक दाण्यांच्या मिश्रणाचे सेवन करून मिळवा आराम, वेदनांपासून मिळेल मुक्ती

तुटलेले हाड योग्य स्थितीत करण्यासाठी त्यांना बांबूची पातळ पट्टी किंवा झाडाच्या सालीने बांधून ठेवा. असं केल्यास कालांतराने तुम्हाला फरक जाणवेल. हे आधुनिक औषधात जसे स्प्लिंट किंवा कास्टचा वापर केला जाते, अगदी त्याचप्रमाणे काम करते. तथापि, हे घरगुती उपाय करण्यापूर्वी डॉक्टरांचा सल्ला घेणे महत्वाचे आहे. हे आयुर्वेदिक उपाय तुटलेली हाडे बरी करण्याची अंतर्गत क्षमता प्रदान करतात. तुटलेली हाडे बरी होईपर्यंत तुम्ही कोणत्याही प्रकारचे जड सामान उचलणे किंवा प्रवास करणे टाळायला हवे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.