कोपर आणि गुडघे कायमच काळेकुट दिसतात? मग स्वयंपाक घरात उपलब्ध असलेल्या 'या' पदार्थांपासून बनवा नॅचरल स्क्रब
Home Remedies: महिलांसह सर्वच पुरुष त्वचेची खूप जास्त काळजी घेतात. दिवसभरात दोन वेळा चेहरा पाण्याने स्वच्छ धुवणे, फेस सीरम, फेसमास्क इत्यादी अनेक गोष्टी फॉलो केल्या जातात. वेगवेगळे स्किन केअर रुटीन करून त्वचेची काळजी घेतली जाते. पण कोपर आणि गुडघ्यांकडे अजिबात लक्ष दिले जात नाही. चेहऱ्यावरील त्वचा अतिशय सुंदर आणि चमकदार दिसते, पण गुडघे आणि हाताने कोपरे मात्र कायमच काळेकुटे दिसतात. काळे झालेले हाताने कोपरे उजळदार करण्यासाठी बाजारात उपलब्ध असलेल्या वेगवेगळ्या क्रीमचा वापर केला जातो. पण केमिकल युक्त क्रीमचा वापर केल्यामुळे त्वचेच्या समस्या आणखीनच वाढू लागतात. त्यामुळे कायमच महागड्या क्रीमचा वापर करण्याऐवजी स्वयंपाक घरात उपलब्ध असलेल्या या पदार्थांचा वापर करून बनवलेला नॅचरल स्क्रब त्वचेची डेड स्किन घालवण्यास मदत करेल.(फोटो सौजन्य – istock)
चेहऱ्यासोबतच हाताचे कोपरे आणि गुडघ्यांच्या स्वच्छतेकडे लक्ष देणे सुद्धा तितकेच आवश्यक आहे. यासाठी वाटीमध्ये कॉफी पावडर आणि खोबरेल तेल एकत्र मिक्स करून घ्या. तयार केलेला स्क्रब हाताच्या कोपऱ्यांवर आणि गुडघ्यांवर लावून काहीवेळ तसाच ठेवा आणि त्यानंतर हलक्या हाताने मसाज करा. मसाज केल्यामुळे डेड स्किन नष्ट होण्यास मदत होईल. मसाज केल्यानंतर १० मिनिटं स्क्रब तसाच ठेवून कोमट पाण्याने धुवून स्वच्छ करा. कॉफी स्क्रबच्या वापरामुळे त्वचेवर जमा झालेल्या पेशी नष्ट होण्यास मदत होईल आणि त्वचा आतून चमकदार दिसेल.
काळवंडलेले गुडघे आणि हातांचे कोपरे स्वच्छ करण्यासाठी साखर प्रभावी ठरेल. वाटीमध्ये साखर, लिंबाचा रस, मध घालून सर्व साहित्य एकत्र व्यवस्थित मिक्स करा. मिक्स करून झाल्यानंतर हलक्या हाताने मसाज करा आणि काहीवेळ तसेच ठेवून द्या. साखर आणि लिंबामध्ये असलेल्या नैसर्गिक गुणकारी घटकांमुळे काळी पडलेली त्वचा आतून स्वच्छ आणि चमकदार होण्यास मदत होईल.
त्वचेवर जमा झालेली डेड स्किन नष्ट करण्यासाठी त्वचा स्क्रब करण्याचा सल्ला कायमच दिला जातो. यासाठी वाटीमध्ये ओटमील आणि दही एकत्र करून मिक्स करा आणि संपूर्ण गुडघ्यांवर आणि कोपऱ्यांवर लावून हलक्या हाताने मसाज करा. मसाज केल्यामुळे त्वचेची खराब झालेली गुणवत्ता सुधारते आणि शरीरावर वाढलेला काळेपणा कमी होण्यास मदत होते. स्क्रब केल्यानंतर त्वचा कोरडी पडण्याची जास्त शक्यता असते. त्यामुळे मॉईश्चरायजर लावणे फार आवश्यक आहे.
Ans: त्वचेवर वारंवार घर्षण होणे, कोरडेपणा, मृत त्वचेचा थर, सूर्यप्रकाश आणि काही वेळा त्वचेतील नैसर्गिक रंगद्रव्य वाढल्यामुळे कोपर आणि गुडघे अधिक काळे दिसू शकतात.
Ans: सौम्य एक्सफोलिएशनमुळे मृत त्वचेचा थर कमी होऊन त्वचा अधिक गुळगुळीत दिसू शकते. मात्र घरगुती स्क्रबमुळे काळेपणा कायमचा दूर होईलच असे नाही.
Ans: ओट्सची पावडर, बेसन, दही किंवा मधासारखे सौम्य पदार्थ वापरून घरच्या घरी स्क्रब तयार करता येतो. त्वचेवर जास्त घासणे टाळावे.
.png "Videos"){kind=small}
