फॅटी लिव्हरचा त्रास कमी करण्यासाठी घरगुती उपाय
आहाराची काळजी न घेतल्याने आणि चुकीच्या जीवनशैलीमुळे फॅटी लिव्हरची समस्या उद्भवू शकते. फॅटी लिव्हरमुळे लिव्हरमध्ये टॉक्सिन्स जमा होतात त्यामुळे आरोग्याशी संबंधित समस्या वाढण्याची शक्यता असते. रक्तदाब वाढणे, फुगणे, गॅसची समस्या, बद्धकोष्ठता, वजन कमी न होणे, लघवी जास्त पिवळसर होणे, सहज दुखणे, भूक न लागणे, अस्वस्थ वाटणे, जास्त घाम येणे, आजारी पडणे आणि थकवा येणे ही फॅटी लिव्हरची लक्षणे आहेत.
अशा परिस्थितीत, येथे जाणून घ्या की काही सामान्य गोष्टी लक्षात ठेवून यकृत कसे डिटॉक्स केले जाऊ शकते आणि फॅटी लिव्हरच्या समस्येपासून मुक्त होऊ शकते. यासाठी आयुर्वेदिक डॉक्टर माधव भागवत यांनी सोपे उपाय सांगितले आहेत, तुम्हीही घरच्या घरी याचा उपयोग करून घेऊ शकता (फोटो सौजन्य – iStock)
पुरेसे पाणी प्यावे
पाणी पिण्याची आहे गरज
पुरेसे पाणी पिणे महत्वाचे आहे. जर तुम्ही पुरेसे पाणी प्यायले तर यकृतामध्ये साचलेली विषारी द्रव्ये फिल्टर होऊन बाहेर पडू लागतात. अशा परिस्थितीत पिण्याचे पाणी लिव्हर डिटॉक्स करण्यासाठी चांगला परिणाम करते आणि तुमचे लिव्हर फॅटी होण्यापासूनही वाचते. सकाळी उठल्यानंतर, जेवणाच्या 20 मिनिटांपूर्वी आणि 20 मिनिटांनंतर पाणी प्या आणि दिवसभरात सुमारे 7 ते 8 ग्लास पाणी प्या. यामुळे फॅटी लिव्हरचा त्रास होणार नाही
दारू न पिता फॅटी लिव्हरचा त्रास जाणवत असल्यास आहारात करा ‘या’ पदार्थांचे सेवन, लिव्हरवरील चरबी होईल कमी
विषारी पदार्थ खाणे टाळा
जंक फूड, प्रोसेस्ड फूड खाणे टाळा
आपल्या आहारातून विषारी पदार्थ काढून टाकणे महत्वाचे आहे. या विषारी पदार्थांमध्ये रिफाईन्ड तेल, रिफाईंड साखर आणि प्रक्रिया केलेले पदार्थ यांचा समावेश होतो जे लिव्हरमध्ये साचतात आणि फॅटी लिव्हरला कारणीभूत ठरतात. अशा परिस्थितीत हे पदार्थ खाणे टाळणे गरजेचे आहे. तसंच या पदार्थांपासून नेहमीच दूर राहणे चांगले, अन्यथा तुम्हाला फॅटी लिव्हरचा त्रास अगदी लहान वयातच सहन करावा लागेल
भाज्यांचा ताजा रस प्या
भाज्यांचा ताजा रस काढून पिणे ठरेल फायदेशीर
यकृत डिटॉक्स करण्यासाठी कच्च्या भाज्यांचा रस पिणे आवश्यक आहे. पचनासाठी फायदेशीर असलेल्या भाज्या तुम्ही निवडू शकता आणि त्यांना तुमच्या आहाराचा भाग बनवू शकता. भाज्यांचे रस शरीरातील आम्ल पातळी कमी करतात आणि पीएच संतुलन सुधारण्यासाठी देखील उपयुक्त आहेत. यासाठी तुम्ही हिरव्या भाज्यांची निवड केली तर उत्तम ठरेल
पोटॅशियमयुक्त फूड
अधिक पोटॅशियम असणारे पदार्थ खा
लिव्हर डिटॉक्स करण्यासाठी पोटॅशियमयुक्त पदार्थांचा आहारात समावेश करणे देखील महत्त्वाचे आहे. पोटॅशियम हे लिव्हर स्वच्छ करण्यासाठी उपयुक्त आहे आणि रक्तदाब आणि उच्च कोलेस्ट्रॉलच्या समस्या कमी करण्यासाठीदेखील प्रभावी आहे. यामध्ये तुम्ही केळी, रताळे, पालक आणि बीन्स समाविष्ट करू शकता कारण यात भरपूर प्रमाणात पोटॅशियम असते
Fatty Liver ठरतोय तुमच्या जीवाचा शत्रू, त्वरीत सोडा या सवयी
व्यायाम करणे उत्तम
नियमित करा व्यायाम
लिव्हर निरोगी ठेवण्यासाठी दररोज व्यायाम करणे आवश्यक आहे. व्यायाम केल्याने शरीर आतल्या आत डिटॉक्स होण्यास सुरुवात होते. यामुळे शरीरातील विषारी पदार्थ बाहेर पडतात आणि यकृताचे आरोग्यही सुधारते. फॅटी लिव्हरचा त्रास असलेले लोक धावणे, चालणे आणि व्यायामाला त्यांच्या जीवनशैलीचा भाग बनवू शकतात
टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.
