शनिवार, 7 नोव्हेंबर 2026
लिव्हर शरीराची पन्नासपेक्षा जास्त कामे करते. खाल्लेले अन्नपदार्थ पचन करणे, पित्त तयार करणे, शरीरातील घाण बाहेर काढून इत्यादी अनेक कामे लिव्हर करते. पण चुकीची जीवनशैली आणि कामाच्या वाढत्या तणावामुळे शरीरात अनेक बदल दिसून येतात आणि लिव्हरचे आरोग्य बिघडते. लिव्हरवर जमा झालेली अनावश्यक चरबी कमी करण्यासाठी आहारात टोमॅटोचा ज्यूस प्यावा. टोमॅटो ज्यूस प्यायल्यामुळे शरीरातील घाण बाहेर पडून जाते. टोमॅटोमध्ये अँटीऑक्सिडंट्स आणि फायटोन्यूट्रिएंट्स असतात. चला तर जाणून घेऊया टोमॅटो ज्यूस पिण्याचे फायदे. (फोटो सौजन्य – istock)
लिव्हरवर वाढलेला चरबी एका झटक्यात होईल कमी! 'या' पद्धतीने करा टोमॅटोच्या ज्यूसचे सेवन
टोमॅटोमध्ये ग्लुटाथिओन नावाचा घटक असतो, ज्यामुळे शरीरातील हानिकारक पदार्थ बाहेर पडून जाण्यास मदत होते आणि शरीर स्वच्छ होते. लिव्हरचे काम सुरळीत चालू राहण्यासाठी टोमॅटोचा ज्यूस प्यावा.
जंक फूड, मद्यपान करणे, तिखट आणि तेलकट पदार्थांचे अतिसेवन केल्यामुळे लिव्हरमध्ये अनावश्यक चरबी जमा होऊन जाते. लिव्हरवर साचून राहिलेल्या चरबीमुळे गंभीर आजारांचा धोका वाढू शकतो.
टोमॅटोमध्ये लाइकोपीन नावाचे अँटीऑक्सिडंट असते. लिव्हरला आलेली सूज कमी करण्यासाठी टोमॅटोचा ज्यूस पिणे फायदेशीर ठरेल. यामुळे लिव्हरचे कार्य सुरळीत चालू राहते.
लिव्हरमधील एन्झाइम्स एक्टिव्ह ठेवण्यासाठी आणि शरीरातील हानिकारक घटक बाहेर पडून जाण्यास मदत होते. टोमॅटोच्या ज्यूसमध्ये असलेले फायबर पचनक्रिया सुरळीत चालू ठेवण्यासाठी मदत करते.
टोमॅटोचा ज्यूस रिकाम्या पोटी पिऊ शकता. पण शरीरसंबंधित गंभीर आजाराने त्रस्त असलेल्या रुग्णांनी डॉक्टरांच्या सल्ल्याने टोमॅटोचा रस प्यावा.
