उन्हामुळे हातापायांवर टॅनिंग वाढले आहे? मग ‘हे’ घरगुती उपाय नक्की करून पहा, आठवडाभरात त्वचेवर येईल चमकदार ग्लो

उन्हामुळे चेहऱ्यावर वाढलेले टॅनिंग घालवण्यासाठी घरगुती उपाय करावेत. यामुळे त्वचा मऊ आणि मुलायम होण्यास मदत होते. चला तर जाणून घेऊया टॅनिंग घालवण्यासाठी कोणते उपाय करावेत.

कडक उन्हाळ्यात त्वचा, हात, पाय आणि संपूर्ण शरीरावर टॅनिंग वाढते. त्वचा काळी पडल्यानंतर ती पुन्हा उजळ्वण्यासाठी महिला सतत काहींना काही करत असतात. कडक उन्हात कुठेही बाहेर जाऊन आल्यानंतर चेहऱ्यावर टॅनिंग वाढते. सूर्याच्या अतिनील किरणांमुळे त्वचेमध्ये मेलेनिन वाढते आणि त्वचेवर काळेपणा वाढू लागतो. अशावेळी महिला पार्लरमध्ये जाऊन वेगवेगळ्या स्किन ट्रीटमेंट आणि टॅन रिमूव्हल ट्रीटमेंट करून घेतात. पण याच फारकाळ परिणाम त्वचेवर टिकून राहत नाही. कालांतराने त्वचा पुन्हा एकदा होती तशीच होऊन जाते. म्हणूनच आज आम्ही तुम्हाला हात पाय आणि मानेवर वाढलेले टॅनिंग घालवण्यासाठी कोणते घरगुती उपाय करावेत, याबद्दल जाणून घ्या सविस्तर माहिती.(फोटो सौजन्य – istock)

केसगळती होईल कायमची बंद! जेवणानंतर नियमित खा ‘या’ बियांपासून बनवलेला चमचाभर मुखवास, महिनाभरात होईल केसांची वाढ

घरगुती उपाय केल्यामुळे त्वचेवर नैसर्गिक ग्लो येतो. हात, पाय आणि मानेवर वाढलेले टॅनिंग कमी करण्यासाठी कायमच घरगुती उपाय करावेत. यासाठी मध, लिंबाचा रस या पदार्थांचा वापर करावा. वाटीमध्ये लिंबाचा रस आणि मध एकत्र करून हात, पाय आणि मानेवर लावून काहीवेळा तसेच ठेवावे. त्यानंतर हलक्या हाताने त्वचेवर मसाज करावा. यामुळे त्वचेच्या असंख्य समस्या कमी होण्यास मदत होईल. याशिवाय तुम्ही दही आणि बेसन फेसपॅकचा वापर करू शकता. या फेसपॅकचा वापर केल्यामुळे शरीरावर वाढलेले टॅनिंग कमी होण्यास मदत होईल. आठवडाभर नियमित लिंबू आणि मधाचा वापर केल्यास त्वचेवर वाढलेले काळे डाग घालवण्यास मदत होईल.

त्वचेवर वाढलेली जळजळ कमी करण्यासाठी तुम्ही काकडी आणि बटाट्याच्या रसाचा वापर करू शकता. यामुळे त्वचा थंड राहते आणि टॅनिंग कमी होण्यास मदत होते. चेहऱ्यावर वाढलेले टॅनिंग घालवण्यासाठी स्क्रबिंग करणे आवश्यक आहे. यामुळे त्वचेवर जमा झालेली डेड स्किन नष्ट होण्यास मदत होते. चेहऱ्यावरील मृत पेशी काढून टाकण्यासाठी साखर आणि लिंबाचा रस एकत्र करून त्यात कॉफी मिक्स करून मिश्रण तयार करावे. तसेच तयार केलेले स्क्रब हात, पाय आणि मानेवर लावून हलक्या हाताने मसाज करून घ्या. पण कोणतेही स्क्रबिंग करताना त्वचेवर जास्त घासू नये. यामुळे नाजूक त्वचेला हानी पोहचू शकते.

ओठांवर जमा झालेली डेड स्किन काढून टाकण्यासाठी साखर मधाचा ‘या’ पद्धतीने करा वापर, ओठ होतील चमकदार

उन्हाळ्याच्या दिवसांमध्ये त्वचेची खूप जास्त काळजी घ्यावी. तसेच दुपारी १२ ते ३ च्या वेळेत बाहेर जाणे टाळावे. या वेळात सूर्याची किरण खूप जास्त तीव्र असतात. तसेच शरीर हायड्रेट ठेवण्यासाठी भरपूर पाण्याचे सेवन करावे. पाणी प्यायल्यामुळे शरीर हायड्रेट राहण्यासोबतच त्वचा मुलायम राहते. उन्हाळ्यात त्वचा कायमच स्वच्छ ठेवावी. उन्हाळ्यात त्वचेची योग्य काळजी घेतल्यास चेहऱ्यावर टॅनिंग वाढत नाही.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.