पार्टी स्नॅक्ससाठी घरी बनवा हॉटेल स्टाईल मसाला पापड; कुरकुरीत मसालेदार चव जी सर्वांना करेल खुश

Masala Papad Recipe : हॉटेलमध्ये जाताच आवर्जून स्टाटर्ससाठी मागवला जाणारा पदार्थ म्हणजे मसाला पापड! याला घरी देखील सहज, झटपट आणि कमी साहित्यात तयार केले जाऊ शकते.

• मसाला पापड हॉटेलचा स्टार्टरचा पदार्थ आहे
• फार झटपट आणि कमी साहित्यात मसाला पापड तयार होतो
• मसाला पापड चवीला कुरकुरीत आणि चटपटीत लागतो

भारतीय स्नॅक्स म्हटलं की मसाला पापडचं नाव सर्वात पहिल्यांदा घेतलं जातं. ही एक अशी हलकीफुलकी आणि चविष्ट डिश आहे की जी आपण जेवणाआधी स्टार्टर म्हणून, संध्याकाळच्या वेळी चहा सोबत किंवा पाहुण्यांसमोर झटपट बनवून सर्व्ह करू शकतो. मसाला पापड ही खरं तर साध्या पापडाची एक स्वादिष्ट व्हर्जन आहे, पण त्यावर घातलेल्या ताज्या भाज्या, मसाले आणि लिंबाचा रस यामुळे ती अप्रतिम लागते.

‘हे’ पदार्थ खाल्ल्यानंतर अजिबात करू नका पाण्याचे सेवन, आतड्यांमध्ये तयार होतील विषारी वायू, बिघडेल शरीराची पचनक्रिया

या डिशसाठी फारशी तयारी लागत नाही, पण थोडी कल्पकता आणि चव यांचा मिलाफ असला की मसाला पापड अगदी हॉटेलला साजेसा लागतो. आरोग्याच्या दृष्टीनेही हे स्नॅक हलके असते कारण पापड भाजलेला असतो, तळलेला नाही. चला तर पाहूया घरच्या घरी झटपट आणि स्वादिष्ट मसाला पापड तयार करण्यासाठी कोणकोणत्या साहित्याची आवश्यकता आहे ते जाणून घेऊया.

साहित्य:

• उडीद डाळीचे पापड – २
• बारीक चिरलेला कांदा – १ मध्यम
• बारीक चिरलेला टोमॅटो – १ मध्यम
• बारीक चिरलेली काकडी – १ लहान (ऐच्छिक)
• हिरवी मिरची – १ (बारीक चिरलेली)
• कोथिंबीर – २ टेबलस्पून (बारीक चिरलेली)
• चाट मसाला – १/२ टीस्पून
• लाल तिखट – १/४ टीस्पून
• काळं मीठ – चवीनुसार
• मीठ – थोडंसं (टोमॅटोमध्ये मीठ असतं, म्हणून कमी वापरा)
• लिंबाचा रस – १ टीस्पून
• तेल – काही थेंब (पापड भाजण्यासाठी)

वजन कमी करण्यापासून हाडांचे-डोळ्यांचे आरोग्य सुधारते फरसबी, जेवणाला तयार करा झणझणीत भाजी; रेसिपी नोट करा

कृती:

• यासाठी सर्वप्रथम तव्यावर किंवा मायक्रोवेव्हमध्ये पापड भाजून घ्या. तो कुरकुरीत झाला पाहिजे पण जळू देऊ नका.
• यानंतर कांदा, टोमॅटो, काकडी, हिरवी मिरची आणि कोथिंबीर बारीक चिरून एका बाऊलमध्ये घ्या.
• आता या भाज्यांमध्ये चाट मसाला, लाल तिखट, काळं मीठ आणि थोडं मीठ घालून नीट एकत्र करा.
• चवीला ताजेपणा आणण्यासाठी लिंबाचा रस पिळा आणि पुन्हा हलक्या हाताने मिसळा.
• भाजलेला पापड एका प्लेटमध्ये ठेवा आणि तयार केलेले भाज्यांचे मिश्रण त्यावर समान पसरवा.
• वरून थोडी कोथिंबीर आणि जर आवडत असेल तर थोडं सेव (नायलॉन सेव) घालू शकता.
• मसाला पापड लगेच सर्व्ह करा, कारण भाज्या पापडावर जास्त वेळ ठेवल्यास तो नरम होतो आणि त्याची मजा निघून जाते.
• तुम्हाला हवं असल्यास तुम्ही मायक्रोवेव्हमध्ये पापड भाजू शकता, याला साधारण ३०-४० सेकंद इतका वेळ लागेल.
• हवे असल्यास थोडं बारीक किसलेलं गाजर किंवा बीट किंवा चीजदेखील टॉपिंगमध्ये घालू शकता.
• तिखट आवडत असल्यास हिरवी मिरची थोडी जास्त वापरा किंवा मसाले वाढवा.