डाळभात म्हणजे पचनासाठी अतिशय हलका पदार्थ! पारंपरिक पद्धतीमध्ये घरी बनवा आंबटगोड चवीचे वरण, नोट करून घ्या रेसिपी

गरमगरम भातासोबत खाण्यासाठी तुम्ही सोप्या पद्धतीमध्ये आंबटगोड वरण बनवू शकता. हा पदार्थ घाईच्या वेळी सुद्धा तुम्ही बनवू शकता. चला तर जाणून घेऊया रेसिपी.

पारंपरिक पदार्थांच्या यादीमध्ये कायमच डाळभाताचे नाव घेतले जाते. डाळभात हा पदार्थ अनेकांचे कम्फर्ट फूड आहे. भूक लागल्यानंतर किंवा रात्रीच्या जेवणात कायमच डाळभात बनवला जातो. तुरीच्या डाळीला चटकदार तिखट फोडणी देऊन डाळ बनवली जाते. लहान मुलांपासून ते अगदी मोठ्यांपर्यंत सगळ्यांचं गोडी डाळ खायला खूप जास्त आवडते. मात्र आज आम्ही तुम्हाला साध्या डाळीला हटके फोडणी देऊन आंबटगोड वरण बनवण्याची सोपी रेसिपी सांगणार आहोत. या पद्धतीने बनवलेली डाळ तुम्ही गरमागरम भाकरी, चपाती किंवा वाफाळत्या भातासोबत सुद्धा खाऊ शकता. कमीत कमी साहित्यात आणि कमी वेळात डाळ तयार होते. रात्रीच्या जेवणात आंबटगोड डाळ बनवल्यास सहज पचन होईल.सहज पचन होणाऱ्या पदार्थांमध्ये कायमच डाळीचे नाव घेतले जाते. चला तर जाणून घेऊया आंबटगोड डाळ बनवण्याची कृती. (फोटो सौजन्य – istock)

Recipe : हिवाळ्याच्या थंडीपासून स्वतःचे संरक्षण करा, संपूर्ण कुटुंबासाठी बनवा आलं-हळदीचं हे दूध!

साहित्य:

• मुगडाळ
• तूरडाळ
• हिरवी मिरची
• लसूण
• सुक्या मिरच्या
• कोकम
• गूळ
• मीठ
• हिंग
• मोहरी
• हळद
• पाणी
• कोथिंबीर

१० मिनिटांमध्ये नाश्त्यात बनवा मुंबई स्टाईल झणझणीत मसाला सँडविच पाव, घरातील सगळ्यांचं आवडेल पदार्थ

कृती:

• आंबटगोड वरण बनवण्यासाठी सर्वप्रथम, वाटीमध्ये तूरडाळ आणि मुगडाळ घेऊन काहीवेळ पाण्यात भिजत ठेवा. यामुळे डाळ सहज शिजते.
• कुकरमध्ये भिजवून घेतलेली डाळ आणि आवश्यकतेनुसार पाणी घालून कुकरच्या ५ शिट्ट्या काढून घ्या
• टोपात तूप गरम करण्यासाठी ठेवा. गरम तुपात हिंग, मोहरी, जिरं, कढीपत्ता, लसूण भाजून घ्या.
• त्यानंतर त्यात हळद आणि शिजवून घेतलेली डाळ घालून मिक्स करा. आवश्यकता वाटल्यास डाळीमध्ये पाणी टाकावे.
• डाळीला एक उकळी आल्यानंतर त्यात कोकम आणि गूळ, चवीनुसार मीठ घालून डाळ व्यवस्थित शिजवून घ्या.
• सगळ्यात शेवटी डाळीमध्ये कोथिंबीर घालून मिक्स करा. तयार आहे सोप्या पद्धतीमध्ये बनवलेले आंबटगोड वरण.