हिवाळ्यामध्ये संध्याकाळच्या जेवणात बनवा गरमागरम चविष्ट बाजरीची खिचडी, वाचा सोपी रेसिपी

अनेकांना बाजरीची भाकरी खायला आवडत नाही. अशावेळी तुम्ही सोप्या आणि पारंपरिक पद्धतीमध्ये बाजरीची खिचडी बनवू शकता. बाजरीची खिचडी पचनास हलकी असते. चला तर जाणून घेऊया बाजरीची खिचडी बनवण्याची सोपी रेसिपी.

हिवाळ्यात अनेक घरांमध्ये बाजरीचे सेवन केले जाते. बाजरी आरोग्याच्या दृष्टीने अतिशय पौष्टिक धान्य आहे. बाजरीमध्ये पोटॅशियम, विटामिन बी6, मॅग्नेशियम, फायबर इत्यादी घटक मुबलक प्रमाणात आढळून येतात. त्यामुळे दैनंदिन आहारात तुम्ही बाजरीचे सेवन करू शकता. थंडीच्या दिवसांमध्ये शरीरातील उष्णता टिकून राहण्यासाठी बाजरीचे सेवन करावे. वाढलेले वजन कमी करण्यासाठी तुम्ही आहारात बाजरीचे सेवन करू शकता. बाजरीचे सेवन केल्यामुळे बिघडलेली पचनक्रिया सुधारण्यास मदत होते. शिवाय आरोग्याला अनेक फायदे होतात. पण अनेकांना बाजरीची भाकरी खायला आवडत नाही. अशावेळी तुम्ही बाजरीची खिचडी बनवू शकता. बाजरीची खिचडी बनवण्यासाठी कमी वेळ लागतो आणि कमी साहित्य लागते. चला तर जाणून घेऊया पारंपरिक पद्धतीने बाजरीची खिचडी बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• बाजरी
• मुगाची डाळ
• आलं लसूण पेस्ट
• मीठ
• हिरव्या मिरच्या
• शेंगदाणे
• तेल
• मोहरी
• हिंग
• लाल तिखट
• हळद
• कढीपत्ता

नवनवीन रेसिपीसाठी इथे क्लिक करा

कृती:

• बाजरीची खिचडी बनवण्यासाठी सर्वप्रथम, बाजरी स्वच्छ साफ करून घ्या. त्यानंतर 2  तास पाण्यात बाजरी भिजत ठेवा.
• त्यानंतर कपड्यावर बाजरी पसरवून घ्या. त्यातील अर्धी बाजरी मिक्सरमधून जाड बारीक वाटून घ्या.
• खिचडी बनवण्यासाठी कुकर गरम करायला ठेवा. कुकरमध्ये तेल टाकून तेल गरम करून घ्या. गरम तेलात तेल, मोहरी, हिंग,मिरच्या, आलं लसूण पेस्ट, कढीपत्ता टाकून फोडणी भाजून घ्या.
• नंतर त्यात बारीक करून घेतलेली बाजरी आणि मुगाची डाळ टाकून मिक्स करून घ्या. चवीनुसार मीठ टाकून मिक्स करा.
• कुकरमध्ये बाजरीच्या दुप्पट पाणी टाकून कुकरचे झाकण लावून 6 ते 7 शिट्ट्या काढून गॅस बंद करा.
• छोट्या वाटीमध्ये फोडणी देण्यासाठी तेल गरम करून त्यात मोहरी, जिरे, हिंग, कढीपत्ता, लाल मिरच्या टाकून फोडणी द्या.
• तयार आहे सोप्या पद्धतीमध्ये बनवलेली बाजरीची खिचडी.