Ganesh Chaturthi: गणपती उत्सवात घरी आलेल्या पाहुण्यांसाठी बनवा गोड बालुशाही, मिठाई खाऊन पाहुणे होतील खुश

७ सप्टेंबरला गणपती बाप्पाचा येणार असून सगळीकडे बाप्पाच्या आगमनाची जोरदार तयारी सुरु आहे. गणपती येणार म्हणून सगळीकडे एक वेगळाच आनंद आणि उत्साह निर्माण झाला आहे. या दिवसांमध्ये मोठ्या प्रमाणावर गोड पदार्थ बनवले जातात.त्यामुळे यंदाच्या वर्षी घरी बाप्पाच्या दर्शनास आलेल्या पाहुण्यांना गोड बालुशाही प्रसाद म्हणून द्या. त्यांना तुम्ही बनवलेला हा पदार्थ खूप आवडेल.

येत्या काही दिवसांमध्ये गणपती बाप्पाचे आगमन होणार आहे. बाप्पाच्या आगमनाने संपूर्ण मुंबईपुरी आंनदी झाली आहे. ७ सप्टेंबरला गणपती बाप्पाचा येणार असून सगळीकडे बाप्पाच्या आगमनाची जोरदार तयारी सुरु आहे. गणपती येणार म्हणून सगळीकडे एक वेगळाच आनंद आणि उत्साह निर्माण झाला आहे. या दिवसांमध्ये मोठ्या प्रमाणावर गोड पदार्थ बनवले जातात. पण घरी दर्शनासाठी आलेल्या पाहुण्यांना प्रसादात काय पदार्थ असावा प्रश्न तुम्हालासुद्धा पडला असेल ना. त्यामुळेच आज आम्ही तुम्हाला घरी आलेल्या पाहुण्यांसाठी गोड बालुशाही कशी बनवायची याची सोपी रेसिपी सांगणार आहोत. बालुशाही बनवण्यासाठी जास्त वेळ लागत असला तरीसुद्धा हा पदार्थ चवीला अतिशय सुरेख लागतो.चला तर जाणून घेऊया बालुशाही बनवण्याची रेसिपी.

साहित्य:

• मैदा
• बेकिंग सोडा
• मीठ
• तूप
• खाण्याचा केशरी रंग
• साखर
• पाणी

हे देखील वाचा: Ganesh Chaturthi: गणेशोत्सवात बाप्पाचे स्वागत करा गोड पदार्थांनी, झटपट बनवा बेसन बर्फी

कृती:

• बालुशाही बनवण्यासाठी सर्वप्रथम सम प्रमाणात साहित्य घ्या. अन्यथा बालुशाही व्यवस्थित बनणार नाही.
• एका भांड्यात एक वाटी मैदा घेऊन 1 चमचा बेकिंग सोडा टाकून मिक्स करून घ्या. नंतर त्यात चवीनुसार मीठ टाकून पुन्हा एखादा मिश्रण व्यवस्थित मिक्स करा.
• तयार केलेल्या पिठात 1 वाटी तूप आणि खाण्याचा रंग टाकून साखर मिक्स करा. नंतर पिठामध्ये योग्य प्रमाणात पाणी टाकून पीठ मळून घ्या.
• पीठ मळून झाल्यानंतर गॅसवर तूप गरम करण्यासाठी ठेवा. तूप गरम झाल्यानंतर तुपामध्ये मैद्याच्या पिठाचे तयार केलेले गोळे तळून घ्या.
• दोन्ही बाजूने व्यवस्थित तळून झाल्यानंतर तयार केलेल्या साखरेच्या पाकात बालुशाही काही वेळ ठेवून घ्या.
• तयार आहे पाकातली गोड बालुशाही. बालुशाही सर्व्ह करताना वरून काजू, बदामाचे तुकडे टाका.