कोबीची भाजी खाऊन कंटाळा आला असेल तर नाश्त्यात बनवा कुरकुरीत कोबीचे धिरडे, चवीला लागतील भारी

सकाळच्या नाश्त्यात तुम्ही सोप्या पद्धतीमध्ये कोबीचे धिरडं बनवून खाऊ शकता. हिरवी चटणी किंवा दह्यासोबत धिरडं अतिशय चविष्ट लागत. चला तर जाणून घेऊया रेसिपी.

सकाळच्या नाश्त्यात लहान मुलांपासून ते अगदी मोठ्यांपर्यंत सगळ्यांचं वेगवेगळे चटकदार आणि खमंग पदार्थ खाण्यास हवे असतात. नाश्त्यात नेहमीच कांदापोहे, उपमा, शिरा, पराठा खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही झटपट कोबीचे धिरडे बनवू शकता. यापूर्वी तुम्ही मुगाच्या डाळीचे किंवा इतर डाळींपासून बनवलेले धिरडे खाल्ले असेल पण कोबीच्या भाजीपासून बनवलेले धिरडं सुद्धा चवीला अतिशय सुंदर लागते. कायमच कोबीची भाजी खाऊन सगळ्यांच कंटाळा येतो तर काही कोबीची भाजी पाहिल्यानंतर नाक मुरडतात. कोबीच्या भाजीला येणाऱ्या उर्ग्स वासामुळे भाजी खाण्याचा कंटाळा केला जातो. पण ही भाजी आरोग्यासाठी खूप जास्त पौष्टिक आहे. त्यामुळे सकाळच्या नाश्त्यात तुम्ही कोबीच्या भाजीपासून धिरडं बनवू शकता. चला तर जाणून घेऊया रेसिपी.(फोटो सौजन्य – istock)

साखरेचा वापर न करता नैवेद्यासाठी बनवा घट्टसर शेवयांची खीर, गुळामुळे वाढेल पदार्थाची खमंग चव

साहित्य:

• कोबी
• मीठ
• लाल तिखट
• हळद
• कांदा
• टोमॅटो
• हिरवी मिरची
• तांदळाचे पीठ
• तेल
• जिरं
• कोथिंबीर

घरी आलेल्या पाहुण्यांसाठी झटपट घरी बनवा कुरकुरीत ‘मिनी सामोसा’, दिसायलाच नाही तर चवीलाही लागतात मजेदार

कृती:

• कोबीच्या भाजीचे धिरडं बनवण्यासाठी सर्वप्रथम, कोबीची भाजी स्वच्छ धुवून घ्या आणि बारीक चिरा. जास्त जाड भाजी चिरू नये.
• मोठ्या वाटीमध्ये कोबी घेऊन त्यात मीठ टाका आणि काहीवेळ ठेवून नंतर त्यातील अतिरिक्त पाणी काढून टाका.
• त्यानंतर त्यात कांदा, टोमॅटो, हिरवी मिरची, लाल तिखट, हळद आणि जिरं घालून व्यवस्थित मिक्स करून घ्या.
• तयार केलेल्या मिश्रणात आवश्यकतेनुसार तांदळाचे पीठ आणि बारीक चिरून घेतलेली कोथिंबीर घालून गरजेनुसार पाणी घाला.
• तयार केलेले मिश्रण व्यवस्थित मिक्स करून झाल्यानंतर गरम केलेल्या तव्यावर गोलाकार टाकून दोन्ही बाजूने व्यवस्थित भाजून घ्या.
• तयार आहे सोप्या पद्धतीमध्ये बनवलेले कोबीच्या भाजीचे धिरडे.