सकाळच्या नाश्त्यासाठी घरी सोप्या पद्धतीमध्ये बनवा लोहयुक्त बीटचे आप्पे, नोट करून घ्या रेसिपी

सकाळच्या नाश्त्यात सोप्या पद्धतीमध्ये तुम्ही बीटचे आप्पे बनवू शकता. बीटरूट खायला अनेकांना आवडत नाही. अशावेळी तुम्ही हा सोपा पदार्थ बनवून सगळ्यांना खाण्यास देऊ शकता. चला तर जाणून घेऊया बीटचे आप्पे बनवण्याची सोपी रेसिपी.

सकाळच्या नाश्त्यात अनेकदा काय बनवावं? हे सुचत नाही. कांदापोहे, उपमा, शिरा इत्यादी पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही बीटचे आप्पे बनवू शकता. चवीला तुरट असलेले बीट लहान मुलांसह मोठ्यांना सुद्धा खायला आवडत नाही. बीट पहिले की नाक मुरडतात. मात्र आरोग्याच्या दृष्टीने बीट अतिशय पौष्टिक आहे. बीटमध्ये लोह, फायबर, विटामिन सी इत्यादी अनेक घटक आढळून येतात. शरीरामध्ये रक्ताची कमतरता निर्माण झाल्यानंतर डॉक्टरसुद्धा बीट खाण्याचा सल्ला देतात. त्यामुळे आज आम्ही तुम्हाला बीटचे आप्पे बनवण्याची सोपी रेसिपी सांगणार आहोत. चला तर जाणून घेऊया आप्पे बनवण्याची रेसिपी.(फोटो सौजन्य – iStock)

घाईगडबडीच्या वेळी सकाळच्या नाश्त्यात बनवा मसाला फ्रेंच टोस्ट, लहान मुलं खातील आवडीने

See more

साहित्य:

• बीटरूट
• मीठ
• तेल
• तांदळाचे पीठ
• उडीद डाळीचे पीठ
• रवा
• कोथिंबीर
• इनो

१० मिनिटांमध्ये डब्यासाठी सोप्या पद्धतीमध्ये बनवा चमचमीत दही भेंडी, भेंडी न खाणारेही आवडीने खातील भाजी

See more

कृती:

• बीटचे आप्पे बनवण्यासाठी सर्वप्रथम, बीट स्वच्छ धुवून उकडवून घ्या. त्यानंतर साल काढून बारीक किसा.
• बाऊलमध्ये किसून घेतलेला बीट, तांदळाचे पीठ, उडदीचे पीठ, रवा, कोथिंबीर सर्व साहित्य एकत्र करून मिक्स करून घ्या.
• त्यानंतर त्यात चवीनुसार मीठ आणि आवश्यकतेनुसार पाणी घालून मिश्रण तयार करा. मिक्स करून झाल्यानंतर त्यात इनो टाका.
• आप्पे पात्र गॅसवर गरम करण्यासाठी ठेवा. गरम झाल्यानंतर त्यात तेल टाकून वरून तयार केलेले मिश्रण टाका.
• एकाबाजूने आप्पे शिजल्यानंतर दुसऱ्या बाजूने परतवून दोन्ही बाजूने व्यवस्थित भाजून घ्या.
• तयार आहे सोप्या पद्धतीमध्ये बनवलेले बीट आप्पे.