पदार्थ पाहून तोंडाला सुटेल पाणी! बीटपासून झटपट बनवा गुलाबी कटलेट, नोट करून घ्या रेसिपी

लहान मुलं बीट खाण्यास नकार देतात. अशावेळी तुम्ही मुलांना बीटरूट कटलेट बनवून खाण्यास देऊ शकता. हा पदार्थ घरातील सगळ्यांचं खूप जास्त आवडेल. जाणून घ्या बीट कटलेट बनवण्याची रेसिपी.

दीर्घकाळ निरोगी राहण्यासाठी आहारात बीटचे सेवन करावे. बीट खाल्यामुळे शरीराला अनेक फायदे होतात. यामध्ये असलेले लोह, फोलेट, फायबर आणि अँटी ऑक्सिडंट्स इत्यादी अनेक घटक आढळून येतात. त्यामुळे रोजच्या आहारात बीट खावे. बीटपासून अनेक वेगवेगळे पदार्थ बनवले जातात. आज आम्ही तुम्हाला सोप्या पद्धतीमध्ये बीटचे कटलेट बनवण्याची सोपी रेसिपी सांगणार आहोत. हा पदार्थ अतिशय कमी साहित्यामध्ये तयार होतो. याशिवाय बऱ्याचदा सकाळच्या नाश्त्यात काय बनवावं, सुचत नाही. अशावेळी बीट कटलेट अतिशय उत्तम पर्याय आहे. लहान मुलांना बीट खायला अजिबात आवडत नाही. बीटचे नाव घेतल्यानंतर नाक मुरडतात. पण लहान मुलांना कोणत्या ना कोणत्या पदार्थांमधून बीट खाण्यास द्यावे. चला तर जाणून घेऊया सोप्या पद्धतीमध्ये बीट कटलेट बनवण्याची सोपी रेसिपी.(फोटो सौजन्य – istock)

पावसाळा संपण्याआधी सकाळच्या नाश्त्यासाठी बनवा गरमागरम पालक-कॉर्न सूप, सर्दीपासून मिळेल सुटका

साहित्य:

• बीट
• बटाटा
• आलं लसूण पेस्ट
• कांदा
• कोथिंबीर
• गरम मसाला
• लिंबाचा रस
• आमचूर पावडर
• ब्रेडचा चुरा
• रवा
• तेल

भाजी बनवायचा कंटाळा आलाय? मग झटपट बनवा राजस्थानची फेमस डिश मलाई प्याज

कृती:

• बीट कटलेट बनवण्यासाठी, बीट स्वच्छ धुवून घ्या. त्यानंतर कुकरमध्ये बीट आणि बटाटा उकडण्यासाठी ठेवा. चार पाच शिट्ट्या काढून कुकर बंद करा.
• मोठ्या वाटीमध्ये किसून घेतलेले बीट, शिजलेला बटाटा घेऊन व्यवस्थित मिक्स करा. नंतर त्यात आलं लसूण पेस्ट, चवीनुसार मीठ आणि हिरव्या मिरचीचे बारीक तुकडे घालून व्यवस्थित मिक्स करा.
• त्यानंतर त्यात आमचूर पावडर, लिंबाचा रस, बारीक चिरलेला कांदा, कोथिंबीर घालून व्यवस्थित मिक्स करा. त्यानंतर कटलेट तयार करून घ्या.
• ताटात रवा आणि ब्रेडचा चुरा एकत्र मिक्स करून त्यात तयार केलेले कटलेट घोळवून घ्या. पॅनमध्ये गरम तेलात कटलेट दोन्ही बाजूने व्यवस्थित भाजून घ्या.
• तयार आहे सोप्या पद्धतीमध्ये बनवलेले बीट कटलेट. हा पदार्थ हिरव्या चटणीसोबत किंवा सॉससोबत अतिशय सुंदर लागेल.