गाजर हलवा खाऊन कंटाळा आला असेल तर सोप्या पद्धतीमध्ये घरी बनवा बीटरूट हलवा, नोट करा रेसिपी

शरीरात निर्माण झालेली लोहाची कमतरता भरून काढण्यासाठी बीटचे सेवन करावे. बीटपासून तुम्ही रायता, बीट हलवा इत्यादी पदार्थ बनवू शकता. आज आम्ही तुम्हाला सोप्या पद्धतीमध्ये बीट हलवा बनवण्याची सोपी रेसिपी सांगणार आहोत.

हिवाळा ऋतू सुरु झाल्यानंतर सगळ्यात आधी येणारी आठवण म्हणजे गाजरचा हलवा. कारण या दिवसांमध्ये बाजारात मोठ्या प्रमाणावर गाजर उपलब्ध असतात. गाजर खाणे आरोग्यासाठी अतिशय पौष्टिक आहे. गाजरचे सेवन केल्यामुळे डोळ्यांची दृष्टी सुधारते आणि आरोग्याला अनेक फायदे होतात. मात्र नेहमी नेहमी गाजर हलवा खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही बीटरूट हलवा बनवू शकता. बीट खाणे आरोग्यासाठी अतिशय गुणकारी आहे. कारण यामध्ये लोह, विटामिन सी, प्रोटीन, आर्यन इत्यादी अनेक घटक आढळून येतात. गोड पदार्थ खाण्याची इच्छा झाल्यानंतर तुम्ही सोप्या पद्धतीमध्ये बीटरूट हलवा बनवू शकता. चला तर जाणून घेऊया बीटरूट हलवा बनवण्याची सोपी रेसिपी.(फोटो सौजन्य – iStock)

सकाळच्या नाश्त्यात सोप्या पद्धतीमध्ये बनवा हेल्दी टेस्टी चिया सीड्स पुडिंग, वजन राहील नियंत्रणात

साहित्य:

• बीटरूट
• वेलची पावडर
• काजू बदाम तुकडे
• दूध
• तूप
• साखर

पालक पाहून मुलं नाक मुरडतात? मग सोप्या पद्धतीमध्ये घरी बनवा चविष्ट पालक सूप, शरीराला होतील फायदे

कृती:

• बीटरूट हलवा बनवण्यासाठी सर्वप्रथम, बीटरूट स्वच्छ धुवून घ्या. त्यानंतर त्याची साल काढून बारीक किसा.
• कढईमध्ये तूप गरम करून त्यात बीटरूट टाकून व्यवस्थित मिक्स करून घ्या. बीट शिजल्यानंतर हळूहळू तूप सुटण्यास सुरुवात होईल.
• त्यानंतर त्यात दूध टाकून हलवा व्यवस्थित शिजवून घ्या. हलवा शिजल्यानंतर त्यात चवीनुसार साखर आणि वेलची पावडर टाकून मिक्स करा.
• साखर वितळल्यानंतर त्यात काजू बदामाचे तुकडे टाकून मिक्स करून घ्या.
• तयार आहे सोप्या पद्धतीमध्ये बनवलेला बीटरूट हलवा.