सकाळच्या नाश्त्यात सोप्या पद्धतीमध्ये बनवा हेल्दी टेस्टी चिया सीड्स पुडिंग, वजन राहील नियंत्रणात

चिया सीड्स खाणे आरोग्यासाठी अतिशय पौष्टिक आहे. वाढलेले वजन कमी करण्यासाठी तुम्ही चिया सीड्सचे सेवन करू शकता. आज आम्ही तुम्हाला चिया सीड्स पुडिंग बनवण्याची सोपी रेसिपी सांगणार आहोत.

सकाळच्या नाश्त्यात सोप्या पद्धतीमध्ये बनवा हेल्दी टेस्टी चिया सीड्स पुडिंग

Follow Us:

Follow Us:

वाढलेले वजन कमी करण्यासाठी आहारात अनेक वेगवेगळ्या पदार्थांचे सेवन केले जाते. पण चुकीच्या आणि शरीराला पचन न होणाऱ्या पदार्थांचे सेवन केल्यामुळे आरोग्य बिघडण्यासोबतच वजन सुद्धा वाढत जाते. त्यामुळे आहारात योग्य आणि पोषक पदार्थांचा समावेश करावा. वजन कमी करण्यासाठी अनेक लोक सकाळच्या वेळी नाश्ता करणे टाळतात. पण सकाळच्या वेळी उपाशी पोटी राहिल्यामुळे आरोग्य बिघडण्याची शक्यता असते. उपाशी पोटी राहिल्यामुळे आजारांची लागण लगेच होते. त्यामुळे सकाळच्या वेळी पचनास हलके आणि पौष्टिक पदार्थ खावेत. आज आम्ही तुम्हाला सोप्या पद्धतीमध्ये चिया सीड्स पुडिंग बनवण्याची सोपी रेसिपी सांगणार आहोत. हा पदार्थ तुम्ही कोणत्याही वेळी बनवून खाऊ शकता. चिया सीड्सचे सेवन केल्यामुळे वाढलेले वजन नियंत्रणात राहते आणि आरोग्य सुधारते. चला तर जाणून घेऊया चिया सीड्स पुडिंग बनवण्याची सोपी रेसिपी.(फोटो सौजन्य – iStock)

पास्ता लव्हर्ससाठी खास! आता बनवून पहा रेस्टॉरंट स्टाईल पिंक सॉस पास्ता, झटपट रेसिपी

साहित्य:

• चिया सीड्स
• केळी
• ग्रीक योगर्ट
• डाळिंबाचे दाणे
• बर्फाचे तुकडे
• ब्लूबेरी
• कोणतेही आवडते एक फळं
• अळशीच्या बिया
• काजू बदामाचे तुकडे

Mahashivratri 2025: महाशिवरात्रीच्या उपवासात दिवसभर शरीरातील ऊर्जा टिकून राहण्यासाठी बनवा सुकामेवा सॅलड

कृती:

• चिया सीड्स पुडिंग बनवण्यासाठी सर्वप्रथम, मिक्सरच्या भांड्यात बर्फाचे तुकडे, केळ्याचे तुकडे, ग्रीक योगर्ट, डाळिंबाचे दाणे आणि भिजवून घेतलेले चिया सीड्स टाकून वाटून घ्या.
• त्यानंतर सर्व साहित्य बारीक वाटून घेतल्यानंतर तयार केलेले मिश्रण बाऊलमध्ये काढून घ्या.
• त्यानंतर त्यावर ब्लूबेरी किंवा तुमच्या आवडीचे कोणतेही फळ टाकून घ्या. त्यानंतर वरून पुन्हा एकदा भिजवलेले चिया सीड्स टाका.
• सगळ्यात शेवटी पुडिंगवर अळशीच्या बिया आणि काजू बदामाचे तुकडे टाकून खाण्यासाठी सर्व्ह करा. तयार आहे सोप्या पद्धतीमध्ये बनवलेले चिया सीड्स पुडिंग.

Web Title: How to make chia seeds pudding at home chia seeds pudding recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com