पालक पाहून मुलं नाक मुरडतात? मग सोप्या पद्धतीमध्ये घरी बनवा चविष्ट पालक सूप, शरीराला होतील फायदे

लहान मुलांसह मोठ्यांना पालक खायला आवडत नाही. अशावेळी तुम्ही मुलांसाठी सोप्या पद्धतीमध्ये पालक सूप बनवू शकता. पालक सूप बनवण्यासाठी जास्त वेळ लागत नाही. कमीत कमी वेळात हा पदार्थ तयार होतो.

सोप्या पद्धतीमध्ये घरी बनवा चविष्ट पालक सूप

Follow Us:

Follow Us:

हिवाळ्यात बाजारामध्ये हिरव्या पालेभाज्या मोठ्या प्रमाणावर उपलब्ध असतात. हिरव्या पालेभाज्यांचे सेवन करणे आरोग्यासाठी अतिशय फायदेशीर आहेत. पालक, मेथी, मुळा, लाल माठ इत्यादी भाज्या उपलब्ध असतात. हिरव्या पालेभाज्या खाल्यामुळे शरीराला कॅल्शियम, प्रोटीन, जीवनसत्वे इत्यादी अनेक घटक आढळून येतात. मात्र लहान मुलांना हिरव्या पालेभाज्या खायला आवडत नाही. हिरव्या पालेभाज्यांचे नाव घेतल्यानंतर नाक मुरडतात. पालेभाज्या लहान मुलांसह मोठ्यांसुद्धा आवडत नाहीत. त्यामुळे आज आम्ही तुम्हाला पालकचा वापर करून चविष्ट आणि हेल्दी पालक सूप बनवण्याची सोपी रेसिपी सांगणार आहोत. पालक सूप लहान मुलांना नक्की आवडेल. याशिवाय पालक सूप बनवताना तुम्ही त्यात इतर वेगवेगळ्या भाज्यांचा सुद्धा समावेश करू शकता. चला तर जाणून घेऊया पालक सूप बनवण्याची सोपी रेसिपी.(फोटो सौजन्य – iStock)

उन्हाळ्यात ताजेतवाने राहण्यासाठी घरी सोप्या पद्धतीमध्ये बनवा लिंबू पुदिन्याचे थंडगार सरबत, नोट करा रेसिपी

साहित्य:

• पालक
• हिरवी मिरची
• बटर
• लसूण
• आलं
• ओट्स पावडर
• दूध
• पाणी
• चिली फ्लेक्स
• फ्रेश क्रीम

सकाळच्या नाश्त्यात सोप्या पद्धतीमध्ये बनवा हेल्दी टेस्टी चिया सीड्स पुडिंग, वजन राहील नियंत्रणात

कृती:

• पालक सूप बनवण्यासाठी सर्वप्रथम, पालक स्वच्छ करून काहीवेळ पाण्यात भिजत ठेवा. त्यानंतर बारीक चिरून घ्या.
• टोपात पाणी घेऊन त्यात पालक टाकून ते उकळवून घ्या. शिजलेले पालक थंड पाण्यात टाकून नंतर मिक्सरमधून बारीक पेस्ट करा.
• कढईमध्ये तूप गरम करण्यासाठी ठेवा. गरम तुपात बारीक चिरून घेतलेला लसूण, आलं टाकून भाजून घ्या.
• त्यानंतर त्यात ओट्स पावडर टाकून भाजून घ्या. भाजून झाल्यानंतर त्यात दूध टाकून व्यवस्थित मिक्स करा. गुठळ्या होऊ न देता चमच्याने सतत मिक्स करा.
• नंतर त्यात काळीमिरी पावडर, मिरचीचे तुकडे घालून सतत मिक्स करत राहा.
• उकळी आल्यानंतर त्यात पालकची पेस्ट टाकून मिक्स करा. तयार केलेल्या सूपमध्ये चवीनुसार मीठ टाकून मिक्स करा.
• सूपला व्यवस्थित उकळी आल्यानंतर सगळ्यात शेवटी त्यात चिली फ्लेक्स आणि फ्रेश क्रीम टाकून मिक्स करून घ्या.
• तयार आहे सोप्या पद्धतीमध्ये बनवलेले पालक सूप.

Web Title: How to make palak soup at home benefits of eating palak

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com