हिवाळ्यात गोड पदार्थ खाण्याची इच्छा झाल्यास १० मिनिटांमध्ये बनवा चविष्ट बीटरूट हलवा, लहान मुलांसह मोठेसुद्धा आवडीने खातील

लहान मुलं कायमच बीटरूट खाण्यास नकार देतात. अशावेळी सोप्या पद्धतीमध्ये मुलांसाठी तुम्ही बीटरूट हलवा बनवू शकता. हा पदार्थ कमी साहित्यात लगेच तयार होतो. जाणून घ्या रेसिपी.

थंडीच्या दिवसांमध्ये घरात अनेक वेगवेगळे पदार्थ कायमच बनवले जातात. कधी गाजर हलवा तर कधी गरमागरम सूप बनवले जाते. थंडीत शरीरात उष्णता कायम टिकवून ठेवण्यासाठी उष्ण पदार्थ खाल्लेले जातात. म्हणूनच आज आम्ही तुम्हाला बीटरूट हलवा बनवण्याची सोपी रेसिपी सांगणार आहोत. यापूर्वी तुम्ही गाजर हलवा किंवा दुधी भोपळ्यापासून बनवलेला हलवा खाल्ला असेलच. लहान मुलांसह मोठ्यांना बीटरूट खायला अजिबात आवडत नाही. बीटचे नाव ऐकल्यानंतर नाक मुरडतात. अशावेळी मुलांना बीटपासून अनेक नवनवीन पदार्थ बनवून खाण्यास द्यावेत. बीटरूटमध्ये जीवनसत्त्वे, खनिजे, अँटिऑक्सिडंट्स, फायबर आणि फोलेट इत्यादी भरपूर प्रमाणात आढळून येतात. याशिवाय बीट खाल्ल्यामुळे रक्तदाब नियंत्रणात राहतो, रक्तवाहिन्या स्वच्छ होतात, पचनक्रिया सुधारते, रक्त वाढण्यास मदत होते. हृद्य आणि मेंदूच्या निरोगी कार्यासाठी नियमित बीटचा रस किंवा कच्चे बीट खावे. यामुळे शरीरात कधीच रक्ताची कमतरता भासणार नाही. चला तर जाणून घेऊया बीटरूट हलवा बनवण्याची सोपी रेसिपी.(फोटो सौजन्य – pinterest)

हाडे मजबूत करून… कर्करोगाचा धोकाही कमी करते पालक; भाजी नाही यंदा बनवा गरमा गरम ‘पालक डाळ’

साहित्य:

• बीट
• साखर
• तूप
• वेलची पावडर
• दूध
• सुका मेवा
• केशर

विकतचे चॉकलेट खाणे कायमचे जाल विसरून! या पदार्थांचा वापर करून घरी बनवा healthy Candy, लहान मुलांसह मोठ्यांना नक्की आवडेल

कृती:

• बीटरूट हलवा बनवण्यासाठी सर्वप्रथम, बीट स्वच्छ धुवून साल काढून घ्या. त्यानंतर बीट बारीक किसून घ्या.
• कढईमध्ये तूप गरम करून त्यात किसून घेतलेले बीट घालून मंद आचेवर खमंग भाजा. बीटमधील पाणी पूर्णपणे आटून गेल्यानंतर इतर पदार्थ टाकावे.
• त्यानंतर त्यात दूध घालून व्यवस्थित मिक्स करा. बीट शिजल्यानंतर त्यात आवश्यकतेनुसार साखर घालून मिक्स करा.
• साखर पूर्णपणे वितळाल्यानंतर त्यात सुका मेवा, केशर काड्या आणि वेलची पावडर घालून व्यवस्थित मिक्स करून घ्या.
• तयार आहे सोप्या पद्धतीमध्ये बनवलेला चविष्ट बीटरूट हलवा.