चटपटीत पदार्थ खाण्याची इच्छा झाल्यास झटपट बनवा ‘आचारी आलू टिक्का’, पुन्हा पुन्हा मागून खातील पदार्थ

कायमच चिकन टिक्का किंवा पनीरपासून बनवलेले पदार्थ खाऊन कंटाळा आल्यानंतर तुम्ही सोप्या पद्धतीमध्ये आचारी आलू टिक्का बनवू शकता. हा पदार्थ हिरव्या चटणीसोबत अतिशय सुंदर लागेल.

संध्याकाळच्या चहावेळी किंवा भूक लागल्यानंतर प्रत्येकाला चटपटीत पदार्थ खाण्याची इच्छा होते. चटपटीत पदार्थ खाण्याची इच्छा झाल्यानंतर सगळ्यांच्या डोळ्यांसमोर येणारा पहिला पदार्थ म्हणजे पाणीपुरी. पण सतत पाणीपुरी खाऊन कंटाळा येतो. अशावेळी तुम्ही चटपटीत आचारी आलू टिक्का बनवू शकता. यापूर्वी तुम्ही पनीर टिक्का, चिकन टिक्का किंवा इतर वेगवेगळ्या भाज्यांपासून बनवलेला टिक्का खाल्ला असेल. पण आचारी आलू टिक्का सुद्धा चवीला अप्रतिम लागतो. घरी आलेल्या पाहुण्यांच्या स्वागतासाठी किंवा कोणत्याही पार्टीमध्ये तुम्ही आलू टिक्का हा पदार्थ बनवू शकता. टिक्का हा पदार्थ हिरव्या चटणीसोबत खाल्ला जातो.शाहाकारी लोकांना कायमच पनीरपासून बनवलेले पदार्थ खावेत लागतात. पण त्याऐवजी तुम्ही बटाट्याचा वापर करून बनवलेला टिक्का सुद्धा खाऊ शकता. चला तर जाणून घेऊया आचारी आलू टिक्का बनवण्याची सोपी रेसिपी.(फोटो सौजन्य – pinterest)

फ्लॉवरची भाजी खायचा कंटाळा आला असेल तर १० मिनिटांमध्ये बनवा कुरकुरीत वडा, लहान मुलं खातील आवडीने

साहित्य:

• बटाटा
• लोणचं मसाला
• दही
• बेसन
• आलं लसूण पेस्ट
• लाल तिखट
• हळद
• गरम मसाला
• मोहरीचे तेल
• धणे पावडर
• मीठ
• कसुरी मेथी
• लिंबाचा रस

प्रोटीनने समृद्ध, मऊ-खमंग तुपात भाजलेला ‘पनीर कुलचा’ वाढवेल जेवणाची चव; नोट करा रेसिपी

कृती:

• आचारी आलू टिक्का बनवण्यासाठी सर्वप्रथम, बटाटे गरम पाण्यात उकळवून घ्या. त्यानंतर थंड करा. थंड झालेल्या बटाट्याची साल काढा.
• मोठ्या वाटीमध्ये दही घेऊन त्यात भाजलेले बेसन, आले-लसूण पेस्ट, लोणचे मसाला, मोहरीचे तेल, कसुरी मेथी, लिंबाचा रस आणि लाल तिखट, चवीनुसार मीठ, हळद, मीठ घालून व्यवस्थित मिक्स करा.
• तयार केलेल्या मसाल्यात कापून घेतलेले बटाटे टाकून व्यवस्थित मसाला लावून घ्या. त्यानंतर त्यात १५ ते २० मिनिटं मसाले लावून बटाटे झाकून ठेवा.
• पॅन गरम करण्यासाठी ठेवा. त्यानंतर त्यावर बटर किंवा तेल टाकून बटाटे मंद आचेवर कुरकुरीत फ्राय करून घ्या.
• फ्राय करून झालेल्या बटाट्यांच्या तुकड्यांवर चाट मसाला टाकून खाण्यासाठी सर्व्ह करा.
• तयार आहे सोप्या पद्धतीमध्ये बनवलेला आचारी आलू टिक्का.