बीट खायला आवडतं नाही? सकाळच्या नाश्त्यात सोप्या पद्धतीमध्ये बनवा पौष्टिक बीटची टिक्की

सकाळच्या नाश्त्यात तुम्ही सोप्या पद्धतीमध्ये बीट टिक्की बनवू शकता. तुम्ही बनवलेली बीट टिक्की घरातील सगळ्यांना नक्कीच आवडेल. चला तर जाणून घेऊया बीट टिक्की बनवण्याची सोपी रेसिपी.

लहान मुलांसह मोठ्यांनादेखील बीट खायला आवडत नाही. मात्र आरोग्यासाठी बीट खाणे अतिशय पौष्टिक आहे. दैनंदिन आहारात नियमित बीटचे सेवन केल्यास शरीरातील रक्ताची कमतरता दूर होईल. याशिवाय कमी झालेले हिमोग्लोबिन वाढवण्यासाठी बीट खाण्याचा सल्ला नेहमीच दिला जातो. त्यामुळे आज आम्ही तुम्हाला बीटचा वापर करून सोप्या पद्धतीमध्ये चविष्ट टिक्की बनवण्याची सोपी रेसिपी सांगणार आहोत. या पदार्थाचे तुम्ही सकाळच्या नाश्त्यात सुद्धा सेवन करू शकता.वाढलेले वजन कमी करण्यासाठी सुद्धा तुम्ही बीटच्या टिक्कीचे सेवन करू शकता. अनेक महिला वजन कमी करण्यासाठी सकाळचा नाश्ता करणे टाळतात. मात्र असे केल्यामुळे वजन आणखीनच वाढण्याची शक्यता असते. त्यामुळे सकाळच्या नाश्त्यात हेल्दी आणि पौष्टिक पदार्थांचे सेवन करावे. चला तर जाणून घेऊया बीट टिक्की बनवण्याची सोपी कृती.(फोटो सौजन्य – iStock)

वरीचा भात खाऊन कंटाळा आला असेल तर सोप्या पद्धतीमध्ये बनवा उपवासाचे फ्रेंच फ्राइज, कुरकुरीत चविष्ट पदार्थ

साहित्य:

• बीट
• बटाटा
• मीठ
• चाट मसाला
• कांदा
• आलं लसूण पेस्ट
• हिरव्या मिरच्या
• तेल
• ब्रेडचे तुकडे
• गरम मसाला

चवीला बेचव लागणाऱ्या ओट्सपासून सोप्या पद्धतीमध्ये बनवा चविष्ट ओट्स खीर, वाचा सोपी रेसिपी

कृती:

• बीट टिक्की बनवण्यासाठी सर्वप्रथम, बीटची साल काढून बीट आणि बटाटा टाकून कुकरमधून शिजवून घ्या.
• त्यानंतर मॅश करून घेतलेल्या बटाट्यामध्ये उकडवून किसून घेतलेले बीट टाका. नंतर त्यात बारीक चिरून घेतलेला कांदा टाकून मिक्स करून घ्या.
• नंतर त्यात हिरवी मिरची, आलं लसूण पेस्ट, गरम मसाला, चाट मसाला आणि चवीनुसार मीठ टाकून मिक्स करून घ्या.
• तयार करून घेतलेल्या मिश्रणाच्या तुमच्या आवडीनुसार टिक्की बनवून घ्या.
• कढईमध्ये गरम तेलात ब्रेडच्या मिश्रणात घोळवून घेतलेल्या टिक्की तेलात फ्राय करण्यासाठी टाका. दोन्ही बाजूने भाजून झाल्यानंतर खाण्यासाठी सर्व्ह करा.
• तयार आहे सोप्या पद्धतीमध्ये बनवलेली बीटरूट टिक्की. हा पदार्थ तुम्ही सॉस किंवा हिरव्या चटणीसोबत खाऊ शकता.